Joshua in trane nadat Usyk hom weer verslaan
Boks
Die Britse bokser Anthony Joshua kon Saterdagaand nie sy trane keer nadat Oleksandr Usyk van Oekraïne hom weer ’n keer verslaan het nie.
Usyk het, nes verlede jaar, die twee se swaargewigtitelgeveg met punte gewen – hoewel een beoordelaar gereken het Joshua was eintlik die wenner.
Glenn Feldman het die geveg in Djeddah, Saoedi-Arabië, met 115-113 aan Joshua toegeken.
Steve Gray en Viktor Feschenko was dit eens dat Usyk baas was, onderskeidelik met tellings van 115-113 en 116-112.
Toe die klok vir die einde van die geveg lui, het albei boksers op hul knieë op die krytvloer neergesak. Hulle het toe opgestaan en mekaar omhels, maar toe die uitslag bekend gemaak is, het die atmosfeer verander.
Joshua het tranerig uit die kryt gestorm en twee van Usyk se wêreldtitelgordels saamgevat. Hy het skielik weer teruggeklim in die kryt, die mikrofoon gegryp en gesê hy dink hy moes as die wenner aangewys word.
Die statistiek wys egter dat Usyk met heelwat meer houe as hy getref het.
Dit was ’n baie goeie geveg met die eerste klompie rondes wat baie gelykop was. In die negende ronde het Joshua vir Usyk in die moeilikheid gehad, maar hy kon nie die taai kampioen platslaan nie. In die volgende drie rondes het Usyk met mening ingeklim en was dit Joshua wat ál moeër begin lyk het.
Usyk het ná die geveg gesê hy wil nou graag teen Tyson Fury boks.
Fury, wat die een dag sê hy is klaar met boks net om die volgende dag van deuntjie te verander, het op sosiale media laat weet dat hy die uitdaging aanvaar.
• In Hollywood in Amerika het Hector Luis Garcia van die Dominikaanse Republiek die nuwe junior-liggewigkampioen van die Wêreldboksvereniging geword toe hy Roger Gutierrez van Venezuela met punte oor 12 rondes geklop het.
– Netwerk24, Boxing Scene
Usyk het, nes verlede jaar, die twee se swaargewigtitelgeveg met punte gewen – hoewel een beoordelaar gereken het Joshua was eintlik die wenner.
Glenn Feldman het die geveg in Djeddah, Saoedi-Arabië, met 115-113 aan Joshua toegeken.
Steve Gray en Viktor Feschenko was dit eens dat Usyk baas was, onderskeidelik met tellings van 115-113 en 116-112.
Toe die klok vir die einde van die geveg lui, het albei boksers op hul knieë op die krytvloer neergesak. Hulle het toe opgestaan en mekaar omhels, maar toe die uitslag bekend gemaak is, het die atmosfeer verander.
Joshua het tranerig uit die kryt gestorm en twee van Usyk se wêreldtitelgordels saamgevat. Hy het skielik weer teruggeklim in die kryt, die mikrofoon gegryp en gesê hy dink hy moes as die wenner aangewys word.
Die statistiek wys egter dat Usyk met heelwat meer houe as hy getref het.
Dit was ’n baie goeie geveg met die eerste klompie rondes wat baie gelykop was. In die negende ronde het Joshua vir Usyk in die moeilikheid gehad, maar hy kon nie die taai kampioen platslaan nie. In die volgende drie rondes het Usyk met mening ingeklim en was dit Joshua wat ál moeër begin lyk het.
Usyk het ná die geveg gesê hy wil nou graag teen Tyson Fury boks.
Fury, wat die een dag sê hy is klaar met boks net om die volgende dag van deuntjie te verander, het op sosiale media laat weet dat hy die uitdaging aanvaar.
• In Hollywood in Amerika het Hector Luis Garcia van die Dominikaanse Republiek die nuwe junior-liggewigkampioen van die Wêreldboksvereniging geword toe hy Roger Gutierrez van Venezuela met punte oor 12 rondes geklop het.
– Netwerk24, Boxing Scene
Kommentaar
Republikein
Geen kommentaar is op hierdie artikel gelaat nie