Jaden, Salmaan kry Bok-kans
Rugby
Hendrik Cronjé
Salmaan Moerat en Jaden Hendrikse moet hul lywe RG Snyman en Cobus Reinach in die Springbok-groep hou.
Hulle is Snyman en Reinach se aangewese plaasvervangers vir Julie se drie tuistoetse teen Wallis.
Snyman en Reinach herstel van beserings en is nie beskikbaar om vir die reeks gekies te word nie.
Hendrikse kan vanjaar meer speelkans kry as wat hy aanvanklik verwag het.
Afgesien van Reinach se besering het Herschel Jantjies ook nog nie herstel soos hy moet van ’n handbesering nie. Die besering het hom die week tuis gehou terwyl sy Stormers-spanmaats gister in Wallis teen die Scarlets in die Verenigde Rugbykampioenskap gespeel het.
Jantjies sal ’n tweede mediese mening oor sy handbesering inwin. Hy kan selfs ’n operasie ondergaan wat hom ses weke kan uithou as daar geen komplikasies intree nie.
Hy sal wel beskikbaar wees vir die Walliese toetse, maar sal nie so wedstrydskerp soos Hendrikse wees nie.
Die 22-jarige Hendrikse se Haaie-spanmaat Grant Williams is steeds op die Bok-radar, maar die nasionale keurders ag Hendrikse hoër as hom.
Williams is al sedert verlede jaar deel van die Bok-groep. Die reuse-impak wat hy Vrydagaand in die Haaie se nederlaag van 24-21 teen Ulster gemaak het, is ’n aanduiding van hoeveel hy die laaste paar maande as speler gegroei het.
Faf de Klerk is steeds die Bokke se eerstekeuse-skrumskakel.
In die Bok-kamp verwys hulle na ’n vlak 1- (eerste keuse), ’n vlak 2- (tweede keuse) en ’n vlak 3-speler (derde keuse).
Die Bok-afrigtingspan probeer in elke posisie, ofskoon dit nie altyd so uitwerk nie, tot ’n vlak 3-speler as deel van hul beplanning hê.
Rapport verneem die 24-jarige Moerat word nou as ’n vlak 2-speler in Snyman se afwesigheid beskou.
As deel van die Bok-afrigtingspan se beplanning is die vlak 2-speler gewoonlik ’n jaar of twee jonger as die vlak 1-speler en iemand wat die eerstekeuse-speler voortdurend moet druk vir sy plek.
EUROPESE SEISOEN
In Moerat se geval is die 30-jarige Eben Etzebeth die vlak 1-speler in sy posisie.
Moerat en Hendrikse sal nou asem ophou om te sien wanneer Jacques Nienaber, breier, sy groep vir die Walliese toetse aankondig.
Die Bok-afrigter se aanvanklike beplanning was om sy groep volgende week bekend te maak en van 6 Junie in Pretoria tot 2 Julie se eerste toets op Loftus Versfeld in Pretoria saam te trek.
Die Suid-Afrikaanse spanne se verbeterde spel in die Verenigde Rugbykampioenskap beïnvloed egter Nienaber se planne.
Hy wil nie graag die name van spelers wat in die uitklopwedstryde betrokke is al volgende week aankondig nie.
Terselfdertyd wil hy genoeg spelers nooi sodat hulle van 6 Junie byvoorbeeld verdedigingoefeninge kan doen.
Dit beteken dat Nienaber dalk volgende week bykomende spelers kan nooi vir die oefeninge terwyl die SA spanne nog in die uitklopwedstryde betrokke is.
Nienaber kan dan eers later die name van die spelers aankondig wat in die uitklopwedstryde betrokke is.
Die Bokke se Japanse en Franse spelers behoort almal op 6 Junie in te val.
Die Engelse klubs is egter nie so gretig om hul spelers vroeër vry te stel nie. Hulle tree streng volgens Wêreldrugby se regulasie 9 op.
Die enigste vereiste wat die Franse klubs gebruiklik het om hul spelers vroeër vry te stel, is dat die Bokke die nodige versekering vir die spelers moet uitneem, sou hulle beseer raak.
Al wink meer speelkans op toetsvlak vir Moerat en Hendrikse, sal spelers soos Elrigh Louw en Evan Roos eers geduldig moet wag.
Siya Kolisi, Pieter-Steph du Toit en Duane Vermeulen word steeds as die eerstekeuse-lostrio vir die toetsreeks teen Wallis beskou.
As beserings nie die deur vir hulle vroeër oopmaak nie, is Louw en Roos se beste kans op Bok-speelkans eers moontlik in die derde toets teen Wallis, mits die reeks dan reeds beklink is. – Netwerk24
Salmaan Moerat en Jaden Hendrikse moet hul lywe RG Snyman en Cobus Reinach in die Springbok-groep hou.
Hulle is Snyman en Reinach se aangewese plaasvervangers vir Julie se drie tuistoetse teen Wallis.
Snyman en Reinach herstel van beserings en is nie beskikbaar om vir die reeks gekies te word nie.
Hendrikse kan vanjaar meer speelkans kry as wat hy aanvanklik verwag het.
Afgesien van Reinach se besering het Herschel Jantjies ook nog nie herstel soos hy moet van ’n handbesering nie. Die besering het hom die week tuis gehou terwyl sy Stormers-spanmaats gister in Wallis teen die Scarlets in die Verenigde Rugbykampioenskap gespeel het.
Jantjies sal ’n tweede mediese mening oor sy handbesering inwin. Hy kan selfs ’n operasie ondergaan wat hom ses weke kan uithou as daar geen komplikasies intree nie.
Hy sal wel beskikbaar wees vir die Walliese toetse, maar sal nie so wedstrydskerp soos Hendrikse wees nie.
Die 22-jarige Hendrikse se Haaie-spanmaat Grant Williams is steeds op die Bok-radar, maar die nasionale keurders ag Hendrikse hoër as hom.
Williams is al sedert verlede jaar deel van die Bok-groep. Die reuse-impak wat hy Vrydagaand in die Haaie se nederlaag van 24-21 teen Ulster gemaak het, is ’n aanduiding van hoeveel hy die laaste paar maande as speler gegroei het.
Faf de Klerk is steeds die Bokke se eerstekeuse-skrumskakel.
In die Bok-kamp verwys hulle na ’n vlak 1- (eerste keuse), ’n vlak 2- (tweede keuse) en ’n vlak 3-speler (derde keuse).
Die Bok-afrigtingspan probeer in elke posisie, ofskoon dit nie altyd so uitwerk nie, tot ’n vlak 3-speler as deel van hul beplanning hê.
Rapport verneem die 24-jarige Moerat word nou as ’n vlak 2-speler in Snyman se afwesigheid beskou.
As deel van die Bok-afrigtingspan se beplanning is die vlak 2-speler gewoonlik ’n jaar of twee jonger as die vlak 1-speler en iemand wat die eerstekeuse-speler voortdurend moet druk vir sy plek.
EUROPESE SEISOEN
In Moerat se geval is die 30-jarige Eben Etzebeth die vlak 1-speler in sy posisie.
Moerat en Hendrikse sal nou asem ophou om te sien wanneer Jacques Nienaber, breier, sy groep vir die Walliese toetse aankondig.
Die Bok-afrigter se aanvanklike beplanning was om sy groep volgende week bekend te maak en van 6 Junie in Pretoria tot 2 Julie se eerste toets op Loftus Versfeld in Pretoria saam te trek.
Die Suid-Afrikaanse spanne se verbeterde spel in die Verenigde Rugbykampioenskap beïnvloed egter Nienaber se planne.
Hy wil nie graag die name van spelers wat in die uitklopwedstryde betrokke is al volgende week aankondig nie.
Terselfdertyd wil hy genoeg spelers nooi sodat hulle van 6 Junie byvoorbeeld verdedigingoefeninge kan doen.
Dit beteken dat Nienaber dalk volgende week bykomende spelers kan nooi vir die oefeninge terwyl die SA spanne nog in die uitklopwedstryde betrokke is.
Nienaber kan dan eers later die name van die spelers aankondig wat in die uitklopwedstryde betrokke is.
Die Bokke se Japanse en Franse spelers behoort almal op 6 Junie in te val.
Die Engelse klubs is egter nie so gretig om hul spelers vroeër vry te stel nie. Hulle tree streng volgens Wêreldrugby se regulasie 9 op.
Die enigste vereiste wat die Franse klubs gebruiklik het om hul spelers vroeër vry te stel, is dat die Bokke die nodige versekering vir die spelers moet uitneem, sou hulle beseer raak.
Al wink meer speelkans op toetsvlak vir Moerat en Hendrikse, sal spelers soos Elrigh Louw en Evan Roos eers geduldig moet wag.
Siya Kolisi, Pieter-Steph du Toit en Duane Vermeulen word steeds as die eerstekeuse-lostrio vir die toetsreeks teen Wallis beskou.
As beserings nie die deur vir hulle vroeër oopmaak nie, is Louw en Roos se beste kans op Bok-speelkans eers moontlik in die derde toets teen Wallis, mits die reeks dan reeds beklink is. – Netwerk24
Kommentaar
Republikein
Geen kommentaar is op hierdie artikel gelaat nie