Hongkong bied Eagles slypkans
Krieket
Die besoekende krieketspan van Hongkong sal van Sondag tot Donderdag 12 Junie drie 50-beurt eendagwedstryde by United in Olympia teen die Richelieu Eagles speel.
Die besoekers sal bykans twee weke in die hoofstad vertoef ter voorbereiding op hul besoek aan Kampala, Uganda, waar hulle in die tweede ronde van die ICC se Wêreldbeker-uitdaagliga in Groep B sal speel.
Bermuda, Hongkong, Italië, Jersey, Kenia en Uganda sal van 14 tot 28 Junie sake uitspook. Ná die derde ronde in Jersey van 2 tot 15 Augustus 2022 sal die span wat eerste eindig, deurdring na die ICC Wêreldbeker-uitduntoernooi waarby ses spanne in Zimbabwe betrokke sal wees. Die topvier sal eendagstatus verwerf.
Krieket Namibië het vanjaar reeds drie internasionale toernooie plaaslik aangebied en nog vier is op die agenda. Hoewel Hongkong nie soos Namibië internasionale eendagstatus (ODI) geniet nie, sal die komende Castle Lite-reeks teen hulle opnuut topklaskrieket verseker.
Hongkong was inderdaad in April 2019 in Windhoek in aksie, toe Namibië juis sy huidige ODI-status verwerf het.
Ná die Eagles se onlangse T20-reekssege teen Zimbabwe sal hulle met hernude selfvertroue op die veld kan stap. Hongkong kom net op die regte tydstip om die Eagles ’n oefenlopie vir eendagkrieket te gee.
Die Eagles toer vroeg in Julie na Skotland vir hul Wêreldbeker Liga Twee (WCL2)-verpligtinge van vier kragmetings. Hulle sal van 10 to 16 Julie twee ODI-wedstryde elk teen Skotland en Nepal in Glasgow en Ayr speel.
Namibië, met ’n gradering van 22ste, is ná elf wedstryde met 246 punte tans 17de (uit 20 lande) op die ICC se ODI-ranglys. Skotland is 12de ná 14 wedstryde met 698 punte en ’n gradering van 50.
Die Eagles sal egter in Skotland moet uithaal en wys om die ODI-leer te klim om voor Skotland te kom. Die spanne hoër as Namibië het almal wel meer wedstryde as die Eagles gespeel.
Pierre de Bruyn, hoofafrigter van die Eagles, het aan Republikein gesê: “Die besoek van Hongkong bied ons die ideale geleentheid om vir Skotland voor te berei en om die spelers weer aan eendagkrieket gewoond te maak.
“Ek reken dis makliker om van T20- na eendagkrieket aan te pas, want daar is meer tyd beskikbaar op die veld in 50-beurte. Die oorskakeling tussen die formate is nie ’n probleem vir die spelers nie.
“Daar sal wel ’n verandering in ons kolforde kom. Byvoorbeeld Zane Green kolf laer in T20’s, want hy moet afrond, maar in die eendagwedstryde sal hy die kolfbeurt open.
“Ons sien baie uit na Hongkong se besoek. Dis vir hulle belangrike voorbereiding en so ook vir ons. Daar is ruimte vir kolwers om hul hand op te steek en in die span te vestig.”
Die Eagles-groep: Gerhard Erasmus (kaptein), JJ Smit (onderkaptein), Jan Frylinck, Tangeni Lungameni, Bernard Scholtz, Nicol Loftie-Eaton, Craig Williams, Zane Green, Picky Ya France, Ben Shikongo, Lohan Louwrens, Louis Peters, Dylan Leicher, Michael van Lingen, Ruben Tumpelmann.
Die besoekers sal bykans twee weke in die hoofstad vertoef ter voorbereiding op hul besoek aan Kampala, Uganda, waar hulle in die tweede ronde van die ICC se Wêreldbeker-uitdaagliga in Groep B sal speel.
Bermuda, Hongkong, Italië, Jersey, Kenia en Uganda sal van 14 tot 28 Junie sake uitspook. Ná die derde ronde in Jersey van 2 tot 15 Augustus 2022 sal die span wat eerste eindig, deurdring na die ICC Wêreldbeker-uitduntoernooi waarby ses spanne in Zimbabwe betrokke sal wees. Die topvier sal eendagstatus verwerf.
Krieket Namibië het vanjaar reeds drie internasionale toernooie plaaslik aangebied en nog vier is op die agenda. Hoewel Hongkong nie soos Namibië internasionale eendagstatus (ODI) geniet nie, sal die komende Castle Lite-reeks teen hulle opnuut topklaskrieket verseker.
Hongkong was inderdaad in April 2019 in Windhoek in aksie, toe Namibië juis sy huidige ODI-status verwerf het.
Ná die Eagles se onlangse T20-reekssege teen Zimbabwe sal hulle met hernude selfvertroue op die veld kan stap. Hongkong kom net op die regte tydstip om die Eagles ’n oefenlopie vir eendagkrieket te gee.
Die Eagles toer vroeg in Julie na Skotland vir hul Wêreldbeker Liga Twee (WCL2)-verpligtinge van vier kragmetings. Hulle sal van 10 to 16 Julie twee ODI-wedstryde elk teen Skotland en Nepal in Glasgow en Ayr speel.
Namibië, met ’n gradering van 22ste, is ná elf wedstryde met 246 punte tans 17de (uit 20 lande) op die ICC se ODI-ranglys. Skotland is 12de ná 14 wedstryde met 698 punte en ’n gradering van 50.
Die Eagles sal egter in Skotland moet uithaal en wys om die ODI-leer te klim om voor Skotland te kom. Die spanne hoër as Namibië het almal wel meer wedstryde as die Eagles gespeel.
Pierre de Bruyn, hoofafrigter van die Eagles, het aan Republikein gesê: “Die besoek van Hongkong bied ons die ideale geleentheid om vir Skotland voor te berei en om die spelers weer aan eendagkrieket gewoond te maak.
“Ek reken dis makliker om van T20- na eendagkrieket aan te pas, want daar is meer tyd beskikbaar op die veld in 50-beurte. Die oorskakeling tussen die formate is nie ’n probleem vir die spelers nie.
“Daar sal wel ’n verandering in ons kolforde kom. Byvoorbeeld Zane Green kolf laer in T20’s, want hy moet afrond, maar in die eendagwedstryde sal hy die kolfbeurt open.
“Ons sien baie uit na Hongkong se besoek. Dis vir hulle belangrike voorbereiding en so ook vir ons. Daar is ruimte vir kolwers om hul hand op te steek en in die span te vestig.”
Die Eagles-groep: Gerhard Erasmus (kaptein), JJ Smit (onderkaptein), Jan Frylinck, Tangeni Lungameni, Bernard Scholtz, Nicol Loftie-Eaton, Craig Williams, Zane Green, Picky Ya France, Ben Shikongo, Lohan Louwrens, Louis Peters, Dylan Leicher, Michael van Lingen, Ruben Tumpelmann.
Kommentaar
Republikein
Geen kommentaar is op hierdie artikel gelaat nie