Hindaboy en drie klubmaats na GFC93
Gevegsport
Veja Hinda, Geraldo Bok, Uys Landsberg en Eduardo Platt sal Vrydag na Pretoria reis waar hulle Saterdag by die Carousel-casino aan die Greatest African Fighting Championship (GFC93) gaan deelneem.
Die geleentheid is die 93ste amateurtoernooi wat onder die GFC-vaandel aangebied word.
Hinda (nou ’n kapokgewig) het op 30 April as veergewig die IMMA Afrika-titel in Johannesburg verower. Hy sal Saterdagaand teen David “The Wolf” Makane van Suid-Afrika te staan kom.
“Hindaboy” was in Junie by die GFC92 (uitdunne) die wenner teen Umso Nkonki (RSA) en kan die naweek met ’n sege in die semifinaal (GFC93) na die GFC94-kampioenskap vorder. By GFC94 kan hy as die Suid-Afrikaanse GFC-kapokgewigkampioen bekroon word.
Hinda het gesê: “Die meeste ondersteuners by GFC92 was my vyandiggesind. Dis moeilik as jou teenstander aangespoor word en nie jy nie. Ek het so kalm as moontlik gebly en ons plan vir die geveg gevolg.
“Ek baklei Saterdag teen ’n veel meer ervare vegter as by GFC92 en ek sal op my beste moet wees. Hierdie manne speel nie en bring hul beste na die kompetisies. Natuurlik het my afrigter my teenstander bestudeer en ek sal my sterkpunte teen die minder goeie aspekte in sy mondering gebruik.
“Ons het die afgelope tyd aan my swakpunte geskaaf en die voorbereiding het baie goed afgeloop. Ek is baie fiks. Julle kan ’n baie goeie geveg verwag.”
Sy afrigter, Carlos de Sousa, sê Hinda (tans derde op die SA ranglys) moet hopelik uiteindelik die groot titel op Namibiese bodem verower.
“Indien Veja die semifinaal wen, wil Sousa Studio baie graag die kampioenskap in Namibië aanbied. Ek het reeds met die organiseerders van GFC onderhandel om die byeenkoms op 1 Oktober in Windhoek te hou. Dit sal ’n eerste vir Namibië wees.
“Ons vier manne is fiks, sonder besering en reg vir die uitdaging in Gauteng,” het De Sousa gesê.
Bok (’n veergewig) sal teen Lucky Magekha in die kryt klim, terwyl Platt (liggewig) vir Wyatt Carlson aandurf. Landsberg (swaargewig) gaan Manley Pako die stryd aansê. Dit is dié drie Namibiërs se eerste tree op die GFC-arena.
Die geleentheid is die 93ste amateurtoernooi wat onder die GFC-vaandel aangebied word.
Hinda (nou ’n kapokgewig) het op 30 April as veergewig die IMMA Afrika-titel in Johannesburg verower. Hy sal Saterdagaand teen David “The Wolf” Makane van Suid-Afrika te staan kom.
“Hindaboy” was in Junie by die GFC92 (uitdunne) die wenner teen Umso Nkonki (RSA) en kan die naweek met ’n sege in die semifinaal (GFC93) na die GFC94-kampioenskap vorder. By GFC94 kan hy as die Suid-Afrikaanse GFC-kapokgewigkampioen bekroon word.
Hinda het gesê: “Die meeste ondersteuners by GFC92 was my vyandiggesind. Dis moeilik as jou teenstander aangespoor word en nie jy nie. Ek het so kalm as moontlik gebly en ons plan vir die geveg gevolg.
“Ek baklei Saterdag teen ’n veel meer ervare vegter as by GFC92 en ek sal op my beste moet wees. Hierdie manne speel nie en bring hul beste na die kompetisies. Natuurlik het my afrigter my teenstander bestudeer en ek sal my sterkpunte teen die minder goeie aspekte in sy mondering gebruik.
“Ons het die afgelope tyd aan my swakpunte geskaaf en die voorbereiding het baie goed afgeloop. Ek is baie fiks. Julle kan ’n baie goeie geveg verwag.”
Sy afrigter, Carlos de Sousa, sê Hinda (tans derde op die SA ranglys) moet hopelik uiteindelik die groot titel op Namibiese bodem verower.
“Indien Veja die semifinaal wen, wil Sousa Studio baie graag die kampioenskap in Namibië aanbied. Ek het reeds met die organiseerders van GFC onderhandel om die byeenkoms op 1 Oktober in Windhoek te hou. Dit sal ’n eerste vir Namibië wees.
“Ons vier manne is fiks, sonder besering en reg vir die uitdaging in Gauteng,” het De Sousa gesê.
Bok (’n veergewig) sal teen Lucky Magekha in die kryt klim, terwyl Platt (liggewig) vir Wyatt Carlson aandurf. Landsberg (swaargewig) gaan Manley Pako die stryd aansê. Dit is dié drie Namibiërs se eerste tree op die GFC-arena.
Kommentaar
Republikein
Geen kommentaar is op hierdie artikel gelaat nie