Heita mik vir ’n dubbeldoor-kroon

Die boksers uit die stal van die MTC Nestor Sunshine Tobias-boksakademie het Woensdag hul Together as One Part 7-boksfees in die middestad afgeskop met die aangesig tot aangesig konfrontasie waar die manne mekaar probeer bang aangluur en praat het.Tobias se boksfees môreaand in Kuisebmond, Walvisbaai, bied ’n lywiger progam aanbied as wat aanvanklik voor beplan was, met twaalf opwindende gevegte.Tobias sê: “Die Pan Afrika-titelgeveg van die Wêreldboksvereniging (WBA) tussen Mateus Heita en Jonas Mateus wat vir 28 Mei geskeduleer is, het pas baie groter geword. “Met die byvoeging van die Wêreldboksorganisasie (WBO) se Afrika-titel sal daar nou twee kontinentale titels van die grootste twee beheerliggame ter wêreld op die spel staan.“Mateus Heita is reeds die WBA se Pan Afrika-kampioen. Hy kry nou die geleentheid om ook die WBO se Afrika-superkapokgewigtitel by sy naam te voeg, wat hom regstreeks ’n posisie op die WBO-wêreldranglys onder die topvyftien sal gee.”Die 24-jarige Heita het die vakante WBA Afrika-titel in Desember gewen toe hy Tinashe Mwadziwana van Zimbabwe op Walvisbaai tot oorgawe gedwing het, sodat hy nie vir die sesde ronde wou aanmeld nie.Die 36-jarige Jonas Matheus is op sy beurt ’n geharde kalant wie se laaste geveg in November in Oos-Konden teen Gideon Buthelezi van Suid-Afrika die volle tien rondes geduur het, voordat twee uit drie beoordelaars die tuisvegter laat wen het. Matheus was in 2012 by die Olimpiese Spele in Londen, voor hy die volgende jaar die beroepsarena betree het.Tafels vir belangrike gaste verkoop vir slegs N$15 000 met kos en wyn ingesluit, terwyl BBP-kaartjies vir sitplekke naaste aan die kryt N$200 kos. Gewone toegang beloop N$50 en kinders N$20. Die verrigtinge sal omstreeks 17:00 begin.1 Veergewig (4 rondes) Mervin Nehemia (2 gevegte, 2 verloor) tn Shangandjua Silas (professionele debuut). 2 Junior middelgewig (4 rondes): Andreas Shikongo (0-1) tn Shipahu Deocar (0-1). 3 Vlieggewig (4 rondes): Erastus Shapaka (0-1-1) tn Thomas Gabriel (1-2). 4 Junior weltergewig (4 rondes): Nestor Amukoto (1-2-1) tn John Rwish (2-4).5 Junior liggewig (4 rondes): Nepembe Nangolo (1-1) tn Reinhold Mathias (2-1-1). 6 Veergewig (4 rondes): Frederick Nghutenanye (3-0) tn Immanuel Jason (3-4-1). 7 Veergewig (6 rondes): Martin Mukungu (6-1) tn John Herman (3-1). 8 Junior liggewig (4 rondes): Lineekela Nghifindaka (3-2-1) tn Ambrosius Kemunini (1-0). 9 Kapokgewig (4 rondes): Nestor Thomas (5-0) tn Nashilongo Tiofelus (1-3-3). 10 Supermiddelgewig (6 rondes): Max Ipinge (6-1) tn Thomas Limbandungila Jerobeam (0-0-1). 11 Nasionale superkapokgewigtitel (10 rondes): Fillipus Shaanika (9-1-1) tn Julius Sheefeni (1-3-3). 12 WBA Pan-Afrika- en WBO Afrika-superkapokgewigtitelgeveg (12 rondes): Mateus “The Beast” Heita (7-0) tn Jonas Matheus (15-4-1).

Heita mik vir ’n dubbeldoor-kroon

Kommentaar

Republikein 2025-09-19

Meld asseblief aan om kommentaar te lewer

Heita mik vir ’n dubbeldoor-kroon

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie