Groot sports by die Mole

Groot pret word hierdie Saterdag by die Mole in Swakopmund verwag met die jaarlikse Nedbank vlugbaltoernooi.Volgens Dave Hammond van Connect People to People (CPTP) het hulle ’n vennootskap met Nedbank Namibië aangegaan om die vlugbaltoernooi te reël wat vanjaar vir die eerste keer van die noordelike dele van die land na die kus beweeg."Die eerste twee toernooie het in 2022 in Ongwediva plaasgevind en in 2023 in Oshakati. Vanjaar is ons geskeduleer om die toernooi in Swakopmund te hou, want almal kom vir die Desembervakansie hierheen," het hy gesê.Hammond sê hulle verwag tussen 12 en 24 spanne wat aan die "six-a-side"-toernooi sal deelneem waar in agtmanspanne daar minstens twee vroue ten alle tye op die baan moet wees.SOSIALE GELEENTHEIDHammond het ook bygevoeg dat die toernooi ’n sosiale geleentheid is, meestal vir gemiddelde vlugbalspelers en maatskappye wat die einde van die jaar op ’n hoogtepunt wil eindig. "Ons verwag nie dat die Namibiese Vlugbalfederasie se geregistreerde spelers sal deelneem nie, want hierdie geleentheid is hoofsaaklik vir maatskappye, gesinne en vriende wat hulself gedurende die dag aan die kus sal bevind om te kom pret hê. Dit gaan ’n prettige dag vir almal wees," het hy verduidelik.Inskrywingsfooie is N$800 per span en daar is slegs 24 plekke vir die toernooi gereserveer. Pryse van tot N$12 000 is op die spel. Nedbank Namibië se uitvoerende hoof van bemarking en kommunikasie, Gernot de Klerk, het gesê hulle is verheug om deel te wees van die steeds groeiende toernooi.Hy het ander maatskappye aangemoedig aan te sluit by inisiatiewe wat mense ophef en inspireer. "Ek doen ’n beroep op alle sportliefhebbers, families, vriende en besighede om deel te wees, hetsy as deelnemers of ondersteuners. Kom ons kom byeen om hierdie geleentheid onvergeetlik te maak," het hy afgesluit.AKTIWITEITSENTRUMNedbank en CPTP het ook die Outdoor Activity Hub in Swakopmund by die tennisbaan se parkeerarea opgerig waar hulle verskeie aktiwiteite soos rolskaats, minigholf, bylgooi, springkastele, ’n meganiese bul en ’n ontsnapkamer oor die feestyd aanbied."Ons onlangse vennootskap met CPTP in die vestiging van die buitelugaktiwiteitsentrum beklemtoon verder ons toewyding om ruimtes te skep waar gesinne en individue betrokke kan raak by betekenisvolle, aktiewe leefstyle,” het De Klerk gesê.– republikein@republikein.com.na

Groot sports by die Mole

Kommentaar

Republikein 2026-03-18

Meld asseblief aan om kommentaar te lewer

Groot sports by die Mole

Kommentaar

Republikein 2026-03-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.