Folau wil WB-terugkeer saam met Tonga maak
Rugby
Die omstrede rugbyster Israel Folau “stel beslis belang” om Tonga in volgende jaar se Wêreldbekertoernooi te verteenwoordig en het “geen spyt” oor sy uitsprake oor gay-huwelike en die Bybel wat die einde van sy Wallaby-loopbaan beteken het nie.
Folau (32) en Rugby Australië (RA) se paadjies het in 2019 geskei weens sy uitlatings op sosiale media dat “dronklappe, gay mense, egbrekers, leuenaars, hoereerders, diewe, ateïste en afgodsdienaars” vir die hel bestem is.
Hy het einde verlede jaar na Japan verhuis om sy rugbyloopbaan voort te sit nadat hy vir ’n wyle na rugbyliga teruggekeer het. Hy hoop om munt te slaan uit ’n nuwe reël wat hom in staat stel om die land van sy ouers se geboorte te verteenwoordig.
Folau, wat in Nieu-Suid-Wallis gebore is, is kiesbaar vir Tonga en sê dit sou “spesiaal” wees om vir dié Suidsee-span te speel nadat hy deur die hoofafrigter, Toutai Kefu, gekontak is.
“Die kans om jou erfenis, waar jy vandaan kom en jou ouers te verteenwoordig, is iets na aan my hart,” sê Superrugby se voorste driedrukker.
“Dit sal ’n groot eer wees indien ek die geleentheid kry. Ons sal sien of ek daardie geleentheid gegun word, maar dit sal vir my ’n voorreg wees om vir Tonga uit te draf.”
Wêreldrugby het in November ’n wysiging aan sy kiesbaarheidsreëls goedgekeur.
Minstens 75% van dié beheerliggaam se lidlande het hul steun toegesê aan ’n voorgestelde reël wat toetsspelers in staat sal stel om een keer in hul loopbaan onder sekere voorwaardes van toetsspan te verander, mits hulle:
• drie jaar lank geen toetsrugby gespeel het nie;
• in die land gebore is vir wie hulle voortaan wil speel, of as hul ouers of groot-ouers daar gebore is.
Folau voldoen aan hierdie kriteria. Hy het in 73 toetse vir die Wallabies gespeel voordat RA hom in 2018 die trekpas gegee het.
“Ek is nie spyt oor enigiets nie. Dit het my hier na Japan gelei en ek is dankbaar vir die geleentheid,” sê Folau, wat ’n kontrak van twee jaar met die NTT Communications Shining Arcs in die Japanse Topliga gesluit het.
Hy het reeds agt drieë in sewe wedstryde vir sy nuwe span aangeteken.
Sy gewaagde inskrywing van destyds is steeds sigbaar op sy Instagram-profiel en byna 75 000 mense het al die “Like”-knoppie onderaan gedruk.
– Netwerk24
Folau (32) en Rugby Australië (RA) se paadjies het in 2019 geskei weens sy uitlatings op sosiale media dat “dronklappe, gay mense, egbrekers, leuenaars, hoereerders, diewe, ateïste en afgodsdienaars” vir die hel bestem is.
Hy het einde verlede jaar na Japan verhuis om sy rugbyloopbaan voort te sit nadat hy vir ’n wyle na rugbyliga teruggekeer het. Hy hoop om munt te slaan uit ’n nuwe reël wat hom in staat stel om die land van sy ouers se geboorte te verteenwoordig.
Folau, wat in Nieu-Suid-Wallis gebore is, is kiesbaar vir Tonga en sê dit sou “spesiaal” wees om vir dié Suidsee-span te speel nadat hy deur die hoofafrigter, Toutai Kefu, gekontak is.
“Die kans om jou erfenis, waar jy vandaan kom en jou ouers te verteenwoordig, is iets na aan my hart,” sê Superrugby se voorste driedrukker.
“Dit sal ’n groot eer wees indien ek die geleentheid kry. Ons sal sien of ek daardie geleentheid gegun word, maar dit sal vir my ’n voorreg wees om vir Tonga uit te draf.”
Wêreldrugby het in November ’n wysiging aan sy kiesbaarheidsreëls goedgekeur.
Minstens 75% van dié beheerliggaam se lidlande het hul steun toegesê aan ’n voorgestelde reël wat toetsspelers in staat sal stel om een keer in hul loopbaan onder sekere voorwaardes van toetsspan te verander, mits hulle:
• drie jaar lank geen toetsrugby gespeel het nie;
• in die land gebore is vir wie hulle voortaan wil speel, of as hul ouers of groot-ouers daar gebore is.
Folau voldoen aan hierdie kriteria. Hy het in 73 toetse vir die Wallabies gespeel voordat RA hom in 2018 die trekpas gegee het.
“Ek is nie spyt oor enigiets nie. Dit het my hier na Japan gelei en ek is dankbaar vir die geleentheid,” sê Folau, wat ’n kontrak van twee jaar met die NTT Communications Shining Arcs in die Japanse Topliga gesluit het.
Hy het reeds agt drieë in sewe wedstryde vir sy nuwe span aangeteken.
Sy gewaagde inskrywing van destyds is steeds sigbaar op sy Instagram-profiel en byna 75 000 mense het al die “Like”-knoppie onderaan gedruk.
– Netwerk24
Kommentaar
Republikein
Geen kommentaar is op hierdie artikel gelaat nie