Eretitels vir 2022 sal op Lüderitz baas kry

Die Namibiese Sporttoekennings vir 2022 sal op 5 November in Lüderitz deur die Namibiese Sportkommissie (NSC) aangebied word waar die room van die land se sportvroue en -mans vir hul prestasies en harde werk beloon sal word.Die tydperk wat beoordeel word, strek vanaf 1 Oktober verlede jaar tot 30 September 2022.Die pbliek sal glansaand regstreeks op die Namibiese Sportkommissie (NSC) se Facebook-blad kan volg.Mnr. Freddy Mwiya, hoofadministrateur van die NSC, het gesê: “Vandag bereik ons opnuut ’n mylpaal in die geskiedenis van die jaarlikse MTC Namibiese Sporttoekennings wat ook deur ander korporatiewe maatskappye ondersteun word.“Ons is opgewonde om al die belanghebbendes en vennote by die bekendstelling te verwelkom. Geskiedenis is die afgelope jare gemaak toe ons die toekenningsdinee vir die eerste keer buite die hoofstad gehou het. In 2018 was dit Swakopmund en 2019 in Ondangwa. “Weens Covid was daar in 2020 geen toekennings nie en verlede jaar moes ons weens dieselfde rede dit in Windhoek hou.“Vanjaar kom die suide en Lüderitz aan die beurt en almal in die ||Kharasstreek word genooi om die aand by te woon. Lüderitz, hier kom ons!”Chalo Chainda, bemarkings- en skakelbeamtpe van die NSC, het gesê: “Ons is opgewonde om Lüderitz toe te gaan om ons sportmanne en -vroue te vereer. Die geleentheid sal by die Waterfront aangebied word.“Die beoordelingspaneel bestaan uit Lesley Tjiueza (voorsitter), Appolos Shimakeleni (ondervoorsitter), Kaino Nghitongo, Reginald Hinda, Kandjii Penandino en John-Graft Ndungaua. “Carlos Kambaekua, Ilke Platt en Isack Hamata is aangestel om die Sportjoernalis-toekennings te beoordeel.”Inskrywings kan reeds sedert gister tot middernag 17 Oktober by www.nscportal.org ingedien word. Geen inskrywings sal per hand of enige ander manier aanvaar word nie. “Die onderskeie sportfederasies word genooi om hul atlete, afrigters, administrateurs en spanne te nomineer; ons kan dit nie vir hulle doen nie. “Vervoer vanaf Windhoek na Lüderitz sal aan die genomineerdes verskaf word, asook verblyf in dié hawedorp. Ons gaan ook afrigtingsklinieke in Lüderitz aanbied. “Negentig persent van ons gebruiklike borge is reeds aan boord, maar ons kort steeds ondersteuning om prysgeld vir sommige kategorieë te dek.”DIE KATEGORIEË (met prysgeld)1 Sportster van die jaar (N$200 000). 2 Sportman van die jaar (N$100 000). 3 Sportvrou van die jaar (N$100 000).4 Junior sportman van die jaar (N$50 000).5 Junior sportvrou van die jaar (N$50 000).6 Gestremde sportman van die jaar (N$100 000).7 Gestremde sportman van die jaar (N$100 000).8 Junior gestremde sportman van die jaar (N$50 000).9 Junior gestremde sportman van die jaar (N$50 000).10 Sportspan van die jaar (100 000).11 Afrigter van die jaar (N$30 000). 12 Skeidsregter van die jaar (N$30 000).13 Sportjoernalis van die jaar13a Beste joernalis vir radio en TV (N$10 000).13b Beste joernalis vir gedrukte media (N$10 000).13c Beste joernalis vir aanlyn, sosiale media en fotografie (N$10 000).14 Beste sportontwikkelingsprogram (N$100 000).15 Beste sportfederasie (N$50 000).16 Lewenslange eretoekennings (naweek weg vir twee).17 NSC-voorsitterstoekenning (N$10 000).18 Sportster deur publiek gekies (naweek weg vir twee).19 Gemeenskapsinspirasietoekenning (N$50 000).20 Professionele atleet van die jaar in die diaspora (N$50 000).

Eretitels vir 2022 sal op Lüderitz baas kry

Kommentaar

Republikein 2026-02-03

Meld asseblief aan om kommentaar te lewer

Eretitels vir 2022 sal op Lüderitz baas kry

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.