Enduro se seisoen geopen

Die Namibiese Enduro-klub bied môre sy eerste nasionale Ark Trading-reeksbyeenkoms (uit 8) ’n klipgooi noord van Eros aan.Enduro-ryers kry vanjaar opnuut die geleentheid om die beste uit hul motorfietse in bergagtige, beboste en sanderige terrein te haal. Enduro gaan nie soseer oor spoed nie, maar eerder hoe goed die ryers tegniese dele op die moeiliker begaanbare roetes kan baasraak.Topklasryers soos Henner Rusch (2021-kampioen), Quinton van Rooyen (tweede), Oliver Rohrmuller (derde), Marcelle Henle en Björn Bierbauer sal mekaar in die pro-klas om die nommer een posisie uitdaag. In die senior afdeling sal Heiko Stranghöner (2021-kampioen), Jörn Greiter (tweede), Kai Hennes (derde), Gunther Gladis en Ronald Geiger hul strawwe mededinging van verlede seisoen voortsit.In die intermediêre klas is 2021 se topdrie Jaco Husselman (kampioen), Albertus Basson (tweede) en Charles Koster almal weer gereed om hul staal vir die nuwe seisoen te wys. Horst Becker (2021-kampioen), Petrus Badenhorst (tweede), Zoe Waldschmidt (derde) het in die beginnersafdeling uitgestaan, terwyl ook met die aanslag van Audrey Koster en Dylan Hilfiker rekening gehou moet word.Daar is ook ’n junior klas vir die jong ryers wat die opwindende sport beoefen. Harry Kibble en Patrick Geiger was van die deelnemers verlede jaar.Die kampioenskapdatums:12 Maart, Eros21 Mei, plaas Aris11 Junie, plaas Lichtenstein16 Julie, Uis13 Augustus, Karibib10 September, Neu-Heusis15 Oktober, Itumba12 November, venue sal bevestig word.

Enduro se seisoen geopen

Kommentaar

Republikein 2026-02-04

Meld asseblief aan om kommentaar te lewer

Enduro se seisoen geopen

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.