Eagles skraap deur na semifinaal teen Zim
Krieket
Namibië se vrouekrieketspan bly wankelrig op koers in die ICC T20 Wêreldbeker-uitduntoernooi vir Afrika-vrouespanne wat tans in Entebbe, Uganda gespeel word, ondanks gevaarligte wat nie geïgnoreer behoort te word nie.
Handige lopies van Gisele Ishimwe, openingskolwer van Rwanda, en Namibië se gesukkel om lopies in die middelboulbeurte aan te teken, het die Capricorn Eagles gister amper duur te staan gekom.
Danksy gedissiplineerde boul- en veldwerk sal Namibië wel môre in die een semifinaal teen Zimbabwe te staan kom. Dié botsing is allerbelangrik, want net die twee Afrika-finaliste oorleef na die wêreldwye uitduntoernooi vir die T20 Wêreldbeker.
Hul plek is eers finaal verseker toe die gasheer Uganda gistermiddag in die laaste groepwedstryd vir Nigerië totaal en al met ses paaltjies in net 15 boulbeurte oordonder het.
Die Capricorn Eagles (102 vir sewe in 20 boulbeurte) het gister net-net hul laaste T20-wedstryd teen Rwanda (91/8 in 20) op spannende wyse met elf lopies gewen.
Namibië is ingestuur om te kolf en was ná die eerste ses boulbeurte gemaklik op 34 sonder verlies.
Die middelkolwers het egter soos in die verlede opnuut gesukkel om lopies in die middelboulbeurte te behaal. Hulle kon slegs elf lopies vir die verlies van twee paaltjies in die volgende vyf boulbeurte behaal en eindig aan die einde van die elfde op 45 vir twee.
Danksy drie grenshoue deur Mezerly Gorases in die 12de kon Namibië 13 lopies insamel en volg dit op met agt lopies in die 13de, maar verloor die paaltjie van Edelle van Zyl (5).
Drie aflewerings later is Gorases (21) ook haar paaltjie kwyt met die telbord op 64/4.
Gorases het egter genoeg met die kolf én bal gedoen om as speler van die wedstryd aangewys te word.
Die Capricorn Eagles slaag daarin om in die laaste ses boulbeurte 38 by te voeg, hoewel Kayleen Green (0) met haar eerste bal been voor paaltjie betrap is.
Gisele Imshimwe het die Namibiese boulers met puik kolfwerk vir lank besig gehou. Sy is eers in die 13de bb vir 36 lopies deur Mekelaye Mwatile van Irené van Zyl se boulwerk uitgevang.
Die toenemende druk het die res van Rwanda se kolwers egter een vir een laat knak.
Irené van Zyl, die Eagles-kaptein, het agterna gesê: “Om eerlik te wees, ons is verlig, want ons lot het van dié wedstryd af gehang. Ons het hard met mekaar gesels en die resultaat het op die veld gewys. Ek is trots op die spelers.
“Die sege was van kardinale belang. Ons sou graag 110 wou haal, maar ons het geweet ons kan hulle met ons boul- en veldwerk hokslaan. Namibië gaan teen Zimbabwe in die semifinaal speel.”
Gorases, ’n veelsydige speler wat boul, kolf en paaltjiewagter is, het gesê: “Dit voel lekker om my rol in die span te vertolk. Ek hou daarvan om te boul én paaltjiewagter te wees.”
Namibië se topkolwers was Arrasta Diergaardt (22 nie uit nie, 22 b, 2x4), Mezerly Gorases (21 van 24 b, 4x4), Suné Wittmann (17 van 27 b, 2x4). Grenshoue 9x4, 1x6. Ekstras 10.
Die doeltreffende boulers was Naomi Benjamin (2/13 in 4 boulbeurte), Gorases (2/18 in 3) en Sylvia Shihepo (1/2 in 1).
Rwanda se toppresteerder was Gisele Ishimwe met 36 van 40 b (3x4) en 3/18 in 4.
– [email protected]
Handige lopies van Gisele Ishimwe, openingskolwer van Rwanda, en Namibië se gesukkel om lopies in die middelboulbeurte aan te teken, het die Capricorn Eagles gister amper duur te staan gekom.
Danksy gedissiplineerde boul- en veldwerk sal Namibië wel môre in die een semifinaal teen Zimbabwe te staan kom. Dié botsing is allerbelangrik, want net die twee Afrika-finaliste oorleef na die wêreldwye uitduntoernooi vir die T20 Wêreldbeker.
Hul plek is eers finaal verseker toe die gasheer Uganda gistermiddag in die laaste groepwedstryd vir Nigerië totaal en al met ses paaltjies in net 15 boulbeurte oordonder het.
Die Capricorn Eagles (102 vir sewe in 20 boulbeurte) het gister net-net hul laaste T20-wedstryd teen Rwanda (91/8 in 20) op spannende wyse met elf lopies gewen.
Namibië is ingestuur om te kolf en was ná die eerste ses boulbeurte gemaklik op 34 sonder verlies.
Die middelkolwers het egter soos in die verlede opnuut gesukkel om lopies in die middelboulbeurte te behaal. Hulle kon slegs elf lopies vir die verlies van twee paaltjies in die volgende vyf boulbeurte behaal en eindig aan die einde van die elfde op 45 vir twee.
Danksy drie grenshoue deur Mezerly Gorases in die 12de kon Namibië 13 lopies insamel en volg dit op met agt lopies in die 13de, maar verloor die paaltjie van Edelle van Zyl (5).
Drie aflewerings later is Gorases (21) ook haar paaltjie kwyt met die telbord op 64/4.
Gorases het egter genoeg met die kolf én bal gedoen om as speler van die wedstryd aangewys te word.
Die Capricorn Eagles slaag daarin om in die laaste ses boulbeurte 38 by te voeg, hoewel Kayleen Green (0) met haar eerste bal been voor paaltjie betrap is.
Gisele Imshimwe het die Namibiese boulers met puik kolfwerk vir lank besig gehou. Sy is eers in die 13de bb vir 36 lopies deur Mekelaye Mwatile van Irené van Zyl se boulwerk uitgevang.
Die toenemende druk het die res van Rwanda se kolwers egter een vir een laat knak.
Irené van Zyl, die Eagles-kaptein, het agterna gesê: “Om eerlik te wees, ons is verlig, want ons lot het van dié wedstryd af gehang. Ons het hard met mekaar gesels en die resultaat het op die veld gewys. Ek is trots op die spelers.
“Die sege was van kardinale belang. Ons sou graag 110 wou haal, maar ons het geweet ons kan hulle met ons boul- en veldwerk hokslaan. Namibië gaan teen Zimbabwe in die semifinaal speel.”
Gorases, ’n veelsydige speler wat boul, kolf en paaltjiewagter is, het gesê: “Dit voel lekker om my rol in die span te vertolk. Ek hou daarvan om te boul én paaltjiewagter te wees.”
Namibië se topkolwers was Arrasta Diergaardt (22 nie uit nie, 22 b, 2x4), Mezerly Gorases (21 van 24 b, 4x4), Suné Wittmann (17 van 27 b, 2x4). Grenshoue 9x4, 1x6. Ekstras 10.
Die doeltreffende boulers was Naomi Benjamin (2/13 in 4 boulbeurte), Gorases (2/18 in 3) en Sylvia Shihepo (1/2 in 1).
Rwanda se toppresteerder was Gisele Ishimwe met 36 van 40 b (3x4) en 3/18 in 4.
– [email protected]
Kommentaar
Republikein
Geen kommentaar is op hierdie artikel gelaat nie