Duime gehou vir Emirate teen Nepal
Krieket
Die ambisie van Nepal se krieketspan, aangedryf deur die talentvolle draaibouler Sandeep Lamichhane en ’n raserige tuisskare van bykans twintigduisend landgenote, kan die momentum in hul guns hou in vandag se eendagwedstryd in Kirtipur wat ook vir Namibië beslissende gevolge het.
Nepal teen die Verenigde Arabiese Emirate (vanaf 05:15 vanoggen, Namibiese tyd) is die 126ste en laaste wedstryd van die 2019-2023 ICC Wêreldbeker Liga Twee-reeks, waaraan sewe lande die afgelope vier jaar meeding.
Met ’n onlangse wenrekord van tien oorwinnings uit elf wedstryde het Nepal ’n sterk kans om vandag die oorhand teen die Emirate te kry en sodoende die Namibiese Eagles uit die deurslaggewende derde eindposisie te druk.
Die topdrie (Skotland en Oman eindig eerste en tweede) dring deur na die kwalifiserende toernooi (Junie-Julie in Zimbabwe) vir eendagkrieket se Wêreldbeker in Indië later vanjaar.
Die onderste vier spanne moet einde vandeesmaand in Windhoek byeenkom, tesame met Kanada en Jersey, vir nog ’n uitdunstryd van waar net twee spanne deurdring om in Zimbabwe te gaan meeding.
Gister in die einste Kirtipur het die Emirate se kaptein Muhammad Waseem as aanvangskolwer ’n verwoestende 119 van net 76 balle, met 12 sesse en ses viere, gemoker om sy span met ses paaltjies teen Papoea-Nieu-Guinee te help wen.
Die Emirate moes 235 as wenteiken jaag, maar het nog 68 balle oor gehad toe die wenlopie ná 38.4 boulbeurte bereik is.
Die Namibiese Eagles en hul ondersteuners sal vandag styf duim vashou dat die Emirate met ’n soortgelyke hardnekkige vertoning die wa deur die drif kry en hulle ’n reuseguns bewys.
’n Regstreekse uitsending behoort op ICC.tv gevolg te kan word.
Nepal teen die Verenigde Arabiese Emirate (vanaf 05:15 vanoggen, Namibiese tyd) is die 126ste en laaste wedstryd van die 2019-2023 ICC Wêreldbeker Liga Twee-reeks, waaraan sewe lande die afgelope vier jaar meeding.
Met ’n onlangse wenrekord van tien oorwinnings uit elf wedstryde het Nepal ’n sterk kans om vandag die oorhand teen die Emirate te kry en sodoende die Namibiese Eagles uit die deurslaggewende derde eindposisie te druk.
Die topdrie (Skotland en Oman eindig eerste en tweede) dring deur na die kwalifiserende toernooi (Junie-Julie in Zimbabwe) vir eendagkrieket se Wêreldbeker in Indië later vanjaar.
Die onderste vier spanne moet einde vandeesmaand in Windhoek byeenkom, tesame met Kanada en Jersey, vir nog ’n uitdunstryd van waar net twee spanne deurdring om in Zimbabwe te gaan meeding.
Gister in die einste Kirtipur het die Emirate se kaptein Muhammad Waseem as aanvangskolwer ’n verwoestende 119 van net 76 balle, met 12 sesse en ses viere, gemoker om sy span met ses paaltjies teen Papoea-Nieu-Guinee te help wen.
Die Emirate moes 235 as wenteiken jaag, maar het nog 68 balle oor gehad toe die wenlopie ná 38.4 boulbeurte bereik is.
Die Namibiese Eagles en hul ondersteuners sal vandag styf duim vashou dat die Emirate met ’n soortgelyke hardnekkige vertoning die wa deur die drif kry en hulle ’n reuseguns bewys.
’n Regstreekse uitsending behoort op ICC.tv gevolg te kan word.
Kommentaar
Republikein
Geen kommentaar is op hierdie artikel gelaat nie