Drikus en Ingram baas van die plaas

Drikus Coetzee en Ingram Cuff het die naweek die bergfietsspankompetisie van die FNB Otjihavero Experience (aangebied deur die Rock & Rut-bergfietsklub) by Midgard gewen.In die kleure van Hollard Elite het hulle gerekende spanne soos Bergran Jensen en Kevin Lowe (Cymot Boytjies), Daniel Hahn en Kai Pritzen (Cymot Racing Men) asook Gerhard Mans junior en Christo Swartz (Team Hollard) uitgestof om die eerste plek in 5 uur 17 minute 35 sekondes te verower. Jensen en Lowe het tweede geëindig in 5:25:13, terwyl Hahn en Pritzen die derde plek in 5:29:03 behaal het.Verlede jaar se wenspan, Alex Miller en Hugo Hahn, was afwesig ná hul onlangse topvlak mededinging in Europa, insluitend die wêreldkampioenskap in Frankryk.Die FNB Otjihavera MTB Experience het Vrydag met ’n proloog van 4.5 kilometer by Midgard begin, maar weens verwarring op die roete het sommige spanne verdwaal en die proloog se uitslae is nietig verklaar. Saterdag het die wedren vanaf Otjihase na Midgard met ’n skof oor 68 km begin waar Coetzee en Cuff agt minute vinniger as Jensen en Lowe gejaag het. Coetzee en Cuff is in 2:43:58 oor die eindstreep met Jensen en Lowe in 2:52:02 agter hulle, terwyl Hahn en Pritzen in 2:50:35 derde eindig.Die laaste skof van 66 km het Sondag by Midgard begin en weer daar geëindig. Jensen en Lowe (2:33:11) het Coetzee en Cuff (2:33:37) met 26 sekondes vir ’n skofsege geklop met Hahn en Pritzen derde in 2:38:28.By die vroue was Candice Wiggill en Jeanne Heunis (Team MV Pereira) die vinnigste gevolg deur Jean-Marie Mostert en Monique du Plessis (Cymot Ladies Racing) met Sandra Lippert en Nicola Fester (Cymot Fräuleins) derde.Ander kategorie-uitslae:Mans (gesamentlike ouderdom 71-95 jaar): 1 André en Braam Vermeulen (5:57:15), 2 John Valentin en Theo Klein (6:23:57), 3 Clinton Hilfiker en Gerhard Breed (6:37:07). Mans (96-plus). 1 Greg Chase en Marcel Surén (6:06:15), 2 Therald Murch en Stephan Schoeman senior (6:32:11), 3 Stefan Bohlke en Morné Nell (6:38:01). Vroue ope. 1 Candice Wiggill en Jeanne Heunis (7:02:09), 2 Jean-Marie Mostert en Monique du Plessis (7:15:22), 3 Sandra Lippert en Nicola Fester (7:18:10). Gemengde spanne. 1 Nina Holtrup en Jurgen Sander (6:34:49), 2 Konrad Marais en Anri Krugel (6:41:55), 3 Silke en Christiaan Bean (6:52:16).

Drikus en Ingram baas van die plaas

Kommentaar

Republikein 2025-11-05

Meld asseblief aan om kommentaar te lewer

Drikus en Ingram baas van die plaas

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.