Craven gooi sy gewig agter unieke fabrikaat
Fietsry
Die tweemalige Olimpiër behoort binnekort die amptelike bekendstelling te doen.
Dan Craven se onlangse aankondiging van sy uittrede as fietsryer op professionele vlak is bloot die begin van die volgende hoofstuk – wat soos altyd deur sy passie vir die fietssport en vir sy land Namibië aangedryf word.
Craven en sy vennote maak hulle gereed om binne die volgende twee weke hul eerste model van die Onguza-handelsmerk van topklas Namibies vervaardigde fietse bekend te stel.
“Ek het vir 15 jaar die droom van professionele fietsry in Europa nagejaag, maar met die aanbreek van die einde van my eerste loopbaan het ek myself afgevra, wat is die sin daarvan om in die eerste plek ’n professionele ryer te wees? Het dit saakgemaak? Wat kan ek nou volgende doen? Wat moet ek nou doen?
“Dit sou vir my maklik wees om sy invloed, voorreg en sigbaarheid vir ’n goeie doel te gebruik. As ek dit nie doen nie, hoekom het ek in die eerste plek hierdie dinge verkry?” het hy die afgelope dae in die sosiale media gefilosofeer.
“’n Idee het in 2010 by my ontstaan, wat 12 jaar geneem het om te verwesenlik, maar nou is dit uiteindelik hier en tyd om met die wêreld te deel.
“Met die hulp van vele groot name in fietsry het ons ’n werkswinkel in my tuisdorp Omaruru opgerig waar fietsrame vervaardig word – waar Namibiërs wêreldgehalte fietse uit staal vervaardig.”
Craven (Olimpiese padfietsryer in Londen 2012 en Rio 2016) is deur hierdie projek aangedryf en gemotiveer om ook die Namibiese kwalifiseerder vir die 2020 Olimpiese Spele in Tokio te word, waarin hy geslaag het en waar hy juis op só ’n fiets die bekendmaking op ’n wêreldwye platform wou doen.
Covid-19 het hom egter verlede jaar op die laaste oomblik van dié geleentheid ontneem.
“Ons moes gevolglik terugkeer tekenbord toe. Het die wêreld rêrig nog ’n handelsmerk van fietse nodig? Nee. Maar my tuisdorp Omaruru het wel.
“Namibië is ’n land van talentvolle skeppers wat in werke met lae waarde vasgevang is. Vele sukkel om werk buiten plaaswerk te vind. Om wêreldgehalte fietse uit staal te hou, is ’n hoëwaarde bedryf wat die gehalte van vakmanskap ewenaar.
“Van die begin af het ek geweet ons kan staalfietsrame so goed soos enige ander ter wêreld bou. Maar dit het duidelik geword dié eienskap is op sigself nie genoeg nie.
“Watter prentjie kom by jou op wanneer jy die term ‘Afrika-fiets’ hoor? Heel mootlik dink jy nie aan ’n luukse, wêreldklas fiets nie. En jy is nie die enigste nie.
“Ons moet die manier verander hoe mense dink aan produkte uit Namibië, en Afrika in geheel. Noem ’n luukse handelsmerk uit die Afrika-vasteland? Ons het ’n groot taak voor ons.
“Ons eerste fietsbouers, Petrus Mufenge en Sakaria Nkolo, bou op ’n stowwerige plaas in Namibië wêreldklas staalraamfietse. Dis dalk die laaste plek waar jy verwag het iets uitsonderlik vandaan sou kom, maar ons doen dit.”
Op die webblad https://onguza.com (’n Himba/Herero verwysing na “die groot uitspansel van woestyn daar buite”) word reeds fyner detail uitgestippel oor hoe hierdie spesiale fietse bestel, betaal en verskeep kan word. Enige nuusverwikkelinge sal ook op Twitter (@onguzabicycles) gedeel word.
Craven en sy vennote maak hulle gereed om binne die volgende twee weke hul eerste model van die Onguza-handelsmerk van topklas Namibies vervaardigde fietse bekend te stel.
“Ek het vir 15 jaar die droom van professionele fietsry in Europa nagejaag, maar met die aanbreek van die einde van my eerste loopbaan het ek myself afgevra, wat is die sin daarvan om in die eerste plek ’n professionele ryer te wees? Het dit saakgemaak? Wat kan ek nou volgende doen? Wat moet ek nou doen?
“Dit sou vir my maklik wees om sy invloed, voorreg en sigbaarheid vir ’n goeie doel te gebruik. As ek dit nie doen nie, hoekom het ek in die eerste plek hierdie dinge verkry?” het hy die afgelope dae in die sosiale media gefilosofeer.
“’n Idee het in 2010 by my ontstaan, wat 12 jaar geneem het om te verwesenlik, maar nou is dit uiteindelik hier en tyd om met die wêreld te deel.
“Met die hulp van vele groot name in fietsry het ons ’n werkswinkel in my tuisdorp Omaruru opgerig waar fietsrame vervaardig word – waar Namibiërs wêreldgehalte fietse uit staal vervaardig.”
Craven (Olimpiese padfietsryer in Londen 2012 en Rio 2016) is deur hierdie projek aangedryf en gemotiveer om ook die Namibiese kwalifiseerder vir die 2020 Olimpiese Spele in Tokio te word, waarin hy geslaag het en waar hy juis op só ’n fiets die bekendmaking op ’n wêreldwye platform wou doen.
Covid-19 het hom egter verlede jaar op die laaste oomblik van dié geleentheid ontneem.
“Ons moes gevolglik terugkeer tekenbord toe. Het die wêreld rêrig nog ’n handelsmerk van fietse nodig? Nee. Maar my tuisdorp Omaruru het wel.
“Namibië is ’n land van talentvolle skeppers wat in werke met lae waarde vasgevang is. Vele sukkel om werk buiten plaaswerk te vind. Om wêreldgehalte fietse uit staal te hou, is ’n hoëwaarde bedryf wat die gehalte van vakmanskap ewenaar.
“Van die begin af het ek geweet ons kan staalfietsrame so goed soos enige ander ter wêreld bou. Maar dit het duidelik geword dié eienskap is op sigself nie genoeg nie.
“Watter prentjie kom by jou op wanneer jy die term ‘Afrika-fiets’ hoor? Heel mootlik dink jy nie aan ’n luukse, wêreldklas fiets nie. En jy is nie die enigste nie.
“Ons moet die manier verander hoe mense dink aan produkte uit Namibië, en Afrika in geheel. Noem ’n luukse handelsmerk uit die Afrika-vasteland? Ons het ’n groot taak voor ons.
“Ons eerste fietsbouers, Petrus Mufenge en Sakaria Nkolo, bou op ’n stowwerige plaas in Namibië wêreldklas staalraamfietse. Dis dalk die laaste plek waar jy verwag het iets uitsonderlik vandaan sou kom, maar ons doen dit.”
Op die webblad https://onguza.com (’n Himba/Herero verwysing na “die groot uitspansel van woestyn daar buite”) word reeds fyner detail uitgestippel oor hoe hierdie spesiale fietse bestel, betaal en verskeep kan word. Enige nuusverwikkelinge sal ook op Twitter (@onguzabicycles) gedeel word.
Kommentaar
Republikein
Geen kommentaar is op hierdie artikel gelaat nie