Chase en sy spanmaats opnuut vuurwarm
Triathlon
Die ontluikende geslag driekampatlete toon groot belofte.
Die talentvolle Windhoekse triathlon-atleet Nathan Chase (14 jaar) het gister by Nelson Mandelabaai in die Oos-Kaap ’n skitterende derde plek teen veel ouer mededingers behaal.
Chase en sy landgenote Fourie Steyn (8ste) en Matt-Reece Izaaks (10de) het aan die Supersprint-kompetisie deelgeneem met 400 meter swem in die see, 10 kilometer fietsry en 2.5 km hardloop as uitdaging.
Chase het die wedloop in 34 minute 4 sekondes kafgedraf, terwyl Steyn en Izaaks onderskeidelik in 36:16 en 38:58 geëindig het.
Die wenner, Samuel Kuenz (18) van Oostenryk, klop Suid-Afrika se Daniel Pappas (33:56) met 34 sekondes en raap die eerste plek in 33:22 op, terwyl Chase agt sekondes ná Pappas eindig.
Chase se swakste dissipline was die swem, waar hy 46 sekondes agter Kuenz- en 14 s ná Pappas uit die see gehardloop het. In die fietsry het die Namibiër 18 sekondes teen Pappas ingekatrol, maar weer 46 s aan Kuenz afgestaan. Kuenz was ná die fietsry met 1:32 voor Chase.
In die 2.5 km drafskof het Chase egter die krane oopgedraai en 44 s teen Kuenz ingehaal. Pappas het die Oostenryker met 46 sekondes in dié dissipline geklop. Kuenz kon sy voorsprong wat hy in die eerste twee dissiplines opgebou het, suksesvol verdedig deur 42 s voor Chase en 14 voor Pappas klaar te maak.
Pappas was ietwat gelukkig om Chase uiteindelik met agt sekondes uit die tweede posisie te hou.
Hoewel die see relatief kalm met min of geen wind was, het die Namibiërs met die swemsessie gesukkel.
Chase het aan Republikein gesê: “Ek het gesukkel met die swem; ek dink ek het nie vooraf genoeg opgewarm nie. Maar die water was lekker warm en ek het dit baie geniet.
“By die fietsry was Kuenz ver voor my en Pappas. Ek en Pappas het saamgewerk en ek kon 18 s teen Pappas inhaal. Met die hardloop was ek en Pappas los voor. Ongeveer 500 m voor die eindstreep het hy daarin geslaag om sy pas te versnel en klop my met twee sekondes na die eindstreep.”
Steyn (15) het vertel: “Dit was ’n lekker kompetisie en ek het die fietsry die meeste geniet. In die hardloopskof het ek nie te watwonders gevaar nie. Aangesien dit maar my tweede Super-Sprintkompetisie was, voel ek tevrede met my tyd.”
Izaaks (13) het gesê: “Ek het ’n goeie resies gehad; dis net die swem wat ’n bietjie moeilik was. Die fietsry en hardloop het goed verloop. Dit was maar my tweede kompetisie waar ons in die see moes swem en ek hou glad nie van die soutwater nie! Ek is egter tevrede met my uitslag.”
MEISIES
By die junior vroue (16 tot 19 jaar) het Maja Brinkmann (1 uur 12:59) en Chloe Rossouw (1:15:58) onderskeidelik algeheel tiende en 16de in die Sprint-kompetisie geëindig (750 m swem, 20 km fietsry en 5 km hardloop).
Brinkmann raap egter ’n belowende vierde en Rossouw ’n sewende plek in die ouderdomsgroep 16-17 jaar teen gesoute mededinging op.
Beide die Namibiese meisies het die kompetisie geniet.
Adelé de la Rey, spanbestuurder van die Namibirs, het gesê: “Ons is in ons noppies met die twee meisies se vertonings, want dit was maar hul tweede Sprint-kompetisie en boonop teen Suid-Afrika se voorste atlete met baie ondervinding op dié vlak.
“By die Junior Statebondspele is die ouderdomsgroep ook 16 tot 17 jaar en Maja en Chloe staan ’n kans om te kwalifiseer. Die twee is eintlik meer swemmers en het eers in Januarie vanjaar vir die Sprint-triathlon begin oefen. Dus is daar hope ruimte vir verbetering, wat nie bo hul vuurmaakplek is nie.”
Die Junior Statebondspele word van 1 Augustus in Port of Spain, Trinidad en Tobago, aangebied en De la Rey reken die twee het die talent en potensiaal om hul merk te maak.
– [email protected]
Chase en sy landgenote Fourie Steyn (8ste) en Matt-Reece Izaaks (10de) het aan die Supersprint-kompetisie deelgeneem met 400 meter swem in die see, 10 kilometer fietsry en 2.5 km hardloop as uitdaging.
Chase het die wedloop in 34 minute 4 sekondes kafgedraf, terwyl Steyn en Izaaks onderskeidelik in 36:16 en 38:58 geëindig het.
Die wenner, Samuel Kuenz (18) van Oostenryk, klop Suid-Afrika se Daniel Pappas (33:56) met 34 sekondes en raap die eerste plek in 33:22 op, terwyl Chase agt sekondes ná Pappas eindig.
Chase se swakste dissipline was die swem, waar hy 46 sekondes agter Kuenz- en 14 s ná Pappas uit die see gehardloop het. In die fietsry het die Namibiër 18 sekondes teen Pappas ingekatrol, maar weer 46 s aan Kuenz afgestaan. Kuenz was ná die fietsry met 1:32 voor Chase.
In die 2.5 km drafskof het Chase egter die krane oopgedraai en 44 s teen Kuenz ingehaal. Pappas het die Oostenryker met 46 sekondes in dié dissipline geklop. Kuenz kon sy voorsprong wat hy in die eerste twee dissiplines opgebou het, suksesvol verdedig deur 42 s voor Chase en 14 voor Pappas klaar te maak.
Pappas was ietwat gelukkig om Chase uiteindelik met agt sekondes uit die tweede posisie te hou.
Hoewel die see relatief kalm met min of geen wind was, het die Namibiërs met die swemsessie gesukkel.
Chase het aan Republikein gesê: “Ek het gesukkel met die swem; ek dink ek het nie vooraf genoeg opgewarm nie. Maar die water was lekker warm en ek het dit baie geniet.
“By die fietsry was Kuenz ver voor my en Pappas. Ek en Pappas het saamgewerk en ek kon 18 s teen Pappas inhaal. Met die hardloop was ek en Pappas los voor. Ongeveer 500 m voor die eindstreep het hy daarin geslaag om sy pas te versnel en klop my met twee sekondes na die eindstreep.”
Steyn (15) het vertel: “Dit was ’n lekker kompetisie en ek het die fietsry die meeste geniet. In die hardloopskof het ek nie te watwonders gevaar nie. Aangesien dit maar my tweede Super-Sprintkompetisie was, voel ek tevrede met my tyd.”
Izaaks (13) het gesê: “Ek het ’n goeie resies gehad; dis net die swem wat ’n bietjie moeilik was. Die fietsry en hardloop het goed verloop. Dit was maar my tweede kompetisie waar ons in die see moes swem en ek hou glad nie van die soutwater nie! Ek is egter tevrede met my uitslag.”
MEISIES
By die junior vroue (16 tot 19 jaar) het Maja Brinkmann (1 uur 12:59) en Chloe Rossouw (1:15:58) onderskeidelik algeheel tiende en 16de in die Sprint-kompetisie geëindig (750 m swem, 20 km fietsry en 5 km hardloop).
Brinkmann raap egter ’n belowende vierde en Rossouw ’n sewende plek in die ouderdomsgroep 16-17 jaar teen gesoute mededinging op.
Beide die Namibiese meisies het die kompetisie geniet.
Adelé de la Rey, spanbestuurder van die Namibirs, het gesê: “Ons is in ons noppies met die twee meisies se vertonings, want dit was maar hul tweede Sprint-kompetisie en boonop teen Suid-Afrika se voorste atlete met baie ondervinding op dié vlak.
“By die Junior Statebondspele is die ouderdomsgroep ook 16 tot 17 jaar en Maja en Chloe staan ’n kans om te kwalifiseer. Die twee is eintlik meer swemmers en het eers in Januarie vanjaar vir die Sprint-triathlon begin oefen. Dus is daar hope ruimte vir verbetering, wat nie bo hul vuurmaakplek is nie.”
Die Junior Statebondspele word van 1 Augustus in Port of Spain, Trinidad en Tobago, aangebied en De la Rey reken die twee het die talent en potensiaal om hul merk te maak.
– [email protected]
Kommentaar
Republikein
Geen kommentaar is op hierdie artikel gelaat nie