Britse Atletiek oor dood van Paralimpiese atleet aangekla

Britse Atletiek en die voormalige hoof van sport vir ’n Paralimpiese byeenkoms is van die dood van Abdullah Hayayei in 2017 aangekla toe die atleet in Londen geoefen het.Hayayei, van die Verenigde Arabiese Emirate (VAE), was besig om vir die IPC Wêreld Para-atletiekkampioenskappe by die Newham Leisure-sentrum voor te berei toe ’n diskusgooihok van metaal op hom ineengestort het.Die 36-jarige atleet – wat sy buiging in spiesgooi en gewigstoot in 2016 op die Paralimpiese Spele in Rio de Janeiro gemaak het – is op die toneel dood verklaar.Hy het geoefen ter voorbereiding om die VAE in die F34-klas-diskus, -spiesgooi en -gewigstoot te verteenwoordig.Brittanje se Crown Prosecution Service (CPS) sê in ’n verklaring Britse Atletiek is van korporatiewe manslag en ’n oortreding ingevolge die Wet op Gesondheid en Veiligheid by die Werk aangekla.Die CPS sê die hoof van sport vir die IPC Wêreld Para-atletiekkampioenskappe in 2017, Keith Davies (77), is ook van manslag weens growwe nalatigheid en ’n oortreding ingevolge die Wet op Gesondheid en Veiligheid by die Werk aangekla.Britse Atletiek sowel as Davies moet op 31 Januarie in die Londense Westminster-landdroshof verskyn.Britse Atletiek het weens die komende verrigtinge geweier om kommentaar te lewer. Davies kon nie vir kommentaar bereik word nie. – Netwerk24/Reuters/AFP

Britse Atletiek oor dood van Paralimpiese atleet aangekla

Kommentaar

Republikein 2026-02-03

Meld asseblief aan om kommentaar te lewer

Britse Atletiek oor dood van Paralimpiese atleet aangekla

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.