Bordjies verhang in Gravel & Dirt-reeks

Die tweede byeenkoms in die Hollard Gravel & Dirt Sundowner-reeks is dié week by Heja Lodge aangebied.Die reeks op Woensdag-namiddae bestaan uit agt wedrenne en fietsryers moet aan minstens ses deelneem, aangesien hul topses tye gebruik word vir die berekening van ranglyspunte. Al die wedrenne (afstand 24 km) vind by Heja Lodge plaas.Caroline Janik, ’n deelnemer Woensdag, het gesê sy is passievol oor fietsry en beoefen dit al sedert 2012.“Ek is nie ’n professionele fietsryer nie; ek is net mal oor die sport, en die baan by Heja Lodge maak my baie opgewonde. Dis ’n lekker uitdagende roete en noudat dit reën, is dit net nog lekkerder.”Daar is geen toegangsgeld vir die wedrenne nie en ryers kan binne ’n sekere tydperk opdaag en wegspring, hoewel van hulle verwag word om ’n transponder vir tydhouding moet hê.PODIUMPLEKKEIn die manskategorie het Ingram Cuff die vinnigste tyd aangeteken (41 minute 51 sekondes). Drikus Coetzee, wat die eerste byeenkoms gewen het, was dié keer nie so vinnig nie (42:48), terwyl Gerhard Mans Junior weer die derde plek in 44:27 behaal het.In die vrouekategorie was Marissa Mouton die haastigste in 53:30, teenoor Belinda van Rhyn (54:44) en Lionie Meyer (derde, 55:05). In byeenkoms 1 vroeg vandeesmaand was Van Rhyn eerste en Mouton tweede.Die derde wedren van die reeks sal op 5 April by Heja Lodge plaasvind.

Bordjies verhang in Gravel & Dirt-reeks

Kommentaar

Republikein 2025-05-13

Meld asseblief aan om kommentaar te lewer

Bordjies verhang in Gravel & Dirt-reeks

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie