Beterbiev hou sy uitkloprekord op 100 persent

Die onoorwonne Artur Beterbiev het sy drie wêreldtitels in die ligswaargewigklas verdedig deur Brittanje se Callum Smith Saterdag in die sewende ronde te stuit en vir die 20ste keer uit 20 beroepsgevegte met ’n uitklophou te wen.Beterbiev, ’n 38-jarige Russies-gebore Kanadees, het die Engelsman ná twee minute van die sewende ronde in Quebec City, Kanada, uitgeslaan en sy rekord tot 20-0 opgestoot.Hy bly dus die enigste huidige wêreldkampioen wat elke geveg met ’n vroeë uitklophou gewen het.’n Harde regterhand van Beterbiev teen die kant van Smith se kop was die keerpunt waarmee hy ’n reeks strawwe linkers na die kop opgestel het.Vir oulaas het ’n regs-links-kombinasie die Engelsman (vir die eerste keer in sy loopbaan op enige vlak) op die krytvloer laat beland, ná 70 sekondes van die sewende ronde.Smith het teen die toue opgestaan, maar Beterbiev het spoedig ’n kombinasie van vyf houe geplant om sy uitdager weer na die krytvloer te dwing. Oomblikke later het Smith se hoek die geveg laat beëindig.Beterbiev het sy ligswaargewiggordels van die Wêreldboksraad, Wêreldboksorganisasie en Internasionale Boksfederasie behou en die weg gebaan vir ’n waarskynlike geveg vir die onbetwiste kampioenskap teen die Wêreldboksvereniging se onoorwonne titelhouer, Dmitri Bivol van Rusland.Smith, ’n 33-jarige gewese WBA-supermiddelgewigkampioen, se rekord is nou 29 gewen en twee verloor. Sy enigste vorige nederlaag was met ’n eenparige beslissing in 2020 teen die Mexikaanse ster Canelo Alvarez, die onbetwiste wêreldkampioen in die supermiddelgewigklas.Beterbiev sou Smith verlede Augustus ontmoet het, maar die geveg is uitgestel toe ’n beeninfeksie vereis het dat Beterbiev ’n kaakoperasie moes ondergaan.– SuperSport/AFP

Beterbiev hou sy uitkloprekord op 100 persent

Kommentaar

Republikein 2025-11-04

Meld asseblief aan om kommentaar te lewer

Beterbiev hou sy uitkloprekord op 100 persent

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.