Bekende blondekop verleen glans op Swakopmund

Connor van Schalkwyk se inskrywing en deelname was die grootste bonus waarop spelers en organiseerders van laas naweek se Hollard Swakopmund Ope-toernooi van die Namibiese Tennisvereniging kon hoop.Die 18-jarige met die lang blonde hare se uiteindelike opmars na die mans enkelspeltitel was uiteraard maklik voorspelbaar. Hy is immers ’n talent wat die Namibiese toneel reeds jare gelede ontgroei het en vanjaar met deelname aan die Junior Australiese Ope, Junior Wimbledon, Junior Franse Ope en Junior Amerikaanse Ope reeds sy eerste proe van die Grand Slam gesmaak het.Van Schalkwyk, tans nr. 112 op die wêreldranglys en ’n student in die Amerikaanse staat Virginia, het op Swakopmund sy semifinaal teen Deon van Dyk met 6-0, 6-0 gewen en Sondagoggend die eindstryd teen Nguvi Hinda met 6-4, 6-0.Hinda en Van Wyk was beide nie onder die agt gekeurde spelers uit die 32 inskrywings vir die mans enkelspeltoernooi nie.Die tweede gekeurde Daniel Jauss het hom in die eerste ronde teen Zambië se Dickson Phiri vasgeloop (2-6, 6-2, 10-3). Phiri kon egter nie sy volgende wedstryd teen Michau Basson wen nie (6-4, 0-6, 10-5) en Basson is volgende deur Elias Shikongo, agtste gekeur, met 7-5, 2-6, 10-5 uitgeskakel.Shikongo se vordering is in die semifinaal deur Hinda gestuit, met 6-0, 6-3.VROUEDie toernooi se vrouewenner was bykans ewe bekend, naamlik Sedi Jacobs, die 25-jarige gewese Federasiebekerspeler vir Namibië.Nadat elf spelers vir die vroue se enkelspeltoernooi op Swakopmund ingeskryf het, het Jacobs as topgekeurde uiteindelik die titel beklink deur die eindstryd teen die ongekeurde Sharlene Chigariro van Kaapstad met 6-2, 6-0 te oorheers.Chigariro het haar semifinaal teen die jong derde gekeurde Namibiër Joanivia Bezuidenhout van Okahandja met 6-3, 6-3 beklink, terwyl Jacobs haar plek in die eindstryd ingeneem het toe sy verby Elze Stears (nr. 4) met 6-0, 6-1 gevorder het.DUBBELSPELDie tellings van die eindstryde:Vroue: [1] Sedi Jacobs en Elze Stears klop [4] Raica Coelho en Linique Theron met 6-1, 6-1.Mans: [1] Nguvi Hinda en Connor van Schalkwyk klop [6] SP van Wyk en Mickey Alemu met 6-2, 6-0.

Bekende blondekop verleen glans op Swakopmund

Kommentaar

Republikein 2025-05-02

Meld asseblief aan om kommentaar te lewer

Bekende blondekop verleen glans op Swakopmund

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie