Allister het beter verwag teen Uruguay
Rugby
Afrigter Allister Coetzee kon nie sy teleurstelling wegsteek in die TV-onderhoud ná die Namibiese rugbyspan se verloortoets met agt punte (18-26) teen Uruguay Saterdagaand in Montevideo nie.
“Om eerlik te wees, het ek meer van ons poging verwag. As ’n groep moet ons in die gewoonte kom om week ná week rêrig op te daag. Ons het die vorige week (teen Argentinië-A) uithalerspel in die tweede helfte gelewer. Vanaand het ons vir ’n bietjie platvoet gelyk.
“Ons het ook in die eerste minute onsself in die steek gelaat. Ek wil graag sien dat ons in ’n toets se week beter reageer, want dit gaan (in die naderende Wêreldbeker in Frankryk) elke week vereis word.”
Coetzee het Uruguay geluk gewens, maar het dissipline as ’n kwesbare punt uitgewys en gesê die span het dit in stadiums vir hulself moeilik gemaak om te wen. “Uruguay se agttal was meer fisiek en was meer gedissiplineerd. Met alles gesê, bly ek trots op ons span se poging. Ons (Namibië en Uruguay) sien mekaar weer by die Wêreldbeker.”
Met die verlore rugbyseisoene van 2020 en 2021 en Namibië se geringer blootstelling in internasionale seisoene as ’n moontlike verwysing, moes Namibië se kaptein Johan Deysel in sy TV-onderhoud erken dat sy span in hierdie laat stadium voor die Wêreldbeker steeds met proefnemings besig om die beste kombinasies voor die Wêreldbeker te bepaal.
“Baie geluk aan Uruguay, wat die beter span op die aand was. Ons voel hartseer om so te moes verloor, maar ons is in ons opbou na die Wêreldbeker en het nog heelwat voorbereiding om te doen.”
STELSKOPPE
’n Mens kan net wonder hoe anders dinge kon verloop het indien enige van die nuweling-losskakel Tiaan Swanepoel (Goue Leeus) se naelskraap verbroude skoppe wel deur die pale geseil het.
Swanepoel het nie een van die drie drieë verdoel nie en het ook met een strafskop mis gekorrel. Sy taktiese skoppe en algemene spel was goed, maar op die aand het hy die beseerde Cliven Loubser se skoene nie ten volle gevul nie.
Coetzee het ook uitgewys dat die vaste fasette nie goed genoeg gewerk het nie. Uruguay het Namibië in sommige skrums teruggedruk, terwyl verlore lynstaaningooie ook teen die Namibiërs gewerk het.
Divan Rossouw was op aanval en verdediging een van die span se beter individuele presteerders op die aand – ondanks sy ongelukkige geel kaart ná 26 minute toe Engeland se hoog gerekende skeidsregter Luke Pearce beslis het dat hy as doodvatter naby sy doellyn nie weggerol het nie.
Uruguay het binne ’n minuut ná die geel kaart hul voorsprong van 7-0 vergroot met ’n lynstaandryf en agtsteman Carlos Deus wat ondanks die duikvatte van Desiderius Sethie en Casper Viviers die doellyn gehaal het.
Die bordjies is verhang toe Uruguay se buitesenter Felipe Perez ná 36 minute koelkas toe is omdat hy Damian Stevens agter ’n losskrum gepla het. Dit het die ruimte help skep vir Stevens om van ’n middelveldskrum weg te breek en Swanepoel te voer, wat Rossouw op spoed vir sy drie deurgejaag het om rustyd met 8-12 agter te wees.
Die eerste afskop ná rustyd het Uruguay gevang en op Rossouw geskop, wat die bal lewendig gehou het. Namibië het vir tien fases besit gehou en gevorder totdat Wian Conradie ’n aangee gekry het om in ’n duikvat oor die doellyn te strek. Ondanks sy onverdoelde drie was Namibië met 13-12 voor.
Uruguay se Perez het ook vir sy blaps vergoed, met ’n drie nadat hy hy op volspoed ’n kort aangee gekry en Deysel geklop het op sy pad doellyn toe.
Ná nog ’n verdoelde agterlyndrie van ’n rolskoppie deur plaasvervanger Diego Ardao was Uruguay ná 62 minute met 26-13 in beheer.
’n Puik drie deur Danco Burger (70 minute) was te min, maar was nietemin ’n briljante oomblik. Die Namibiërs het ’n ingewikkelde beplande beweging oor die wydte van die veld uitgevoer en toe die bal verloor. Uruguay het ver geskop en André van der Berg het met ’n skêrbeweging vir Rossouw gestuur op ’n lopie waarin hy vyf manne met spoed geklop het, voor hy Burger weggestuur het.
Met moontlike onkantspel in ’n lynstaandryfbeweging het Uruguay ook ’n laat Namibiese poging bederf om moontlik met nog ’n drie af te sluit.
• Namibië sluit sy toer komende naweek met ’n toets teen Chili af. Dié span het Saterdag op tuisbodem in die kusstad Antofagasta met 40-13 sy rieme teen die Argentyne styf geloop.
“Om eerlik te wees, het ek meer van ons poging verwag. As ’n groep moet ons in die gewoonte kom om week ná week rêrig op te daag. Ons het die vorige week (teen Argentinië-A) uithalerspel in die tweede helfte gelewer. Vanaand het ons vir ’n bietjie platvoet gelyk.
“Ons het ook in die eerste minute onsself in die steek gelaat. Ek wil graag sien dat ons in ’n toets se week beter reageer, want dit gaan (in die naderende Wêreldbeker in Frankryk) elke week vereis word.”
Coetzee het Uruguay geluk gewens, maar het dissipline as ’n kwesbare punt uitgewys en gesê die span het dit in stadiums vir hulself moeilik gemaak om te wen. “Uruguay se agttal was meer fisiek en was meer gedissiplineerd. Met alles gesê, bly ek trots op ons span se poging. Ons (Namibië en Uruguay) sien mekaar weer by die Wêreldbeker.”
Met die verlore rugbyseisoene van 2020 en 2021 en Namibië se geringer blootstelling in internasionale seisoene as ’n moontlike verwysing, moes Namibië se kaptein Johan Deysel in sy TV-onderhoud erken dat sy span in hierdie laat stadium voor die Wêreldbeker steeds met proefnemings besig om die beste kombinasies voor die Wêreldbeker te bepaal.
“Baie geluk aan Uruguay, wat die beter span op die aand was. Ons voel hartseer om so te moes verloor, maar ons is in ons opbou na die Wêreldbeker en het nog heelwat voorbereiding om te doen.”
STELSKOPPE
’n Mens kan net wonder hoe anders dinge kon verloop het indien enige van die nuweling-losskakel Tiaan Swanepoel (Goue Leeus) se naelskraap verbroude skoppe wel deur die pale geseil het.
Swanepoel het nie een van die drie drieë verdoel nie en het ook met een strafskop mis gekorrel. Sy taktiese skoppe en algemene spel was goed, maar op die aand het hy die beseerde Cliven Loubser se skoene nie ten volle gevul nie.
Coetzee het ook uitgewys dat die vaste fasette nie goed genoeg gewerk het nie. Uruguay het Namibië in sommige skrums teruggedruk, terwyl verlore lynstaaningooie ook teen die Namibiërs gewerk het.
Divan Rossouw was op aanval en verdediging een van die span se beter individuele presteerders op die aand – ondanks sy ongelukkige geel kaart ná 26 minute toe Engeland se hoog gerekende skeidsregter Luke Pearce beslis het dat hy as doodvatter naby sy doellyn nie weggerol het nie.
Uruguay het binne ’n minuut ná die geel kaart hul voorsprong van 7-0 vergroot met ’n lynstaandryf en agtsteman Carlos Deus wat ondanks die duikvatte van Desiderius Sethie en Casper Viviers die doellyn gehaal het.
Die bordjies is verhang toe Uruguay se buitesenter Felipe Perez ná 36 minute koelkas toe is omdat hy Damian Stevens agter ’n losskrum gepla het. Dit het die ruimte help skep vir Stevens om van ’n middelveldskrum weg te breek en Swanepoel te voer, wat Rossouw op spoed vir sy drie deurgejaag het om rustyd met 8-12 agter te wees.
Die eerste afskop ná rustyd het Uruguay gevang en op Rossouw geskop, wat die bal lewendig gehou het. Namibië het vir tien fases besit gehou en gevorder totdat Wian Conradie ’n aangee gekry het om in ’n duikvat oor die doellyn te strek. Ondanks sy onverdoelde drie was Namibië met 13-12 voor.
Uruguay se Perez het ook vir sy blaps vergoed, met ’n drie nadat hy hy op volspoed ’n kort aangee gekry en Deysel geklop het op sy pad doellyn toe.
Ná nog ’n verdoelde agterlyndrie van ’n rolskoppie deur plaasvervanger Diego Ardao was Uruguay ná 62 minute met 26-13 in beheer.
’n Puik drie deur Danco Burger (70 minute) was te min, maar was nietemin ’n briljante oomblik. Die Namibiërs het ’n ingewikkelde beplande beweging oor die wydte van die veld uitgevoer en toe die bal verloor. Uruguay het ver geskop en André van der Berg het met ’n skêrbeweging vir Rossouw gestuur op ’n lopie waarin hy vyf manne met spoed geklop het, voor hy Burger weggestuur het.
Met moontlike onkantspel in ’n lynstaandryfbeweging het Uruguay ook ’n laat Namibiese poging bederf om moontlik met nog ’n drie af te sluit.
• Namibië sluit sy toer komende naweek met ’n toets teen Chili af. Dié span het Saterdag op tuisbodem in die kusstad Antofagasta met 40-13 sy rieme teen die Argentyne styf geloop.
Kommentaar
Republikein
Geen kommentaar is op hierdie artikel gelaat nie