Allister en NRU reik uit na streke
Rugby
Soortgelyke belyningskampe word ook binnekort in Windhoek en in die Suide beoog.
Die nasionale hoofafrigter Allister Coetzee was aan die spits van ’n hoëvlak afrigtersgroep van die Namibië Rugby-unie (NRU) wat pas van ’n tweedaagse besoek aan Grootfontein en nog twee dae op Walvisbaai teruggekeer het.
Coetzee het beide die besoeke na twee van die land se belangrike rugbystreke as suksesvol beskryf.
Na die Noorde het Jaco Engels (nasionale o.20-hulpafrigter, asook skrumafrigter vir alle NRU-spanne) en Chrysander Botha (hoofafrigter van die Welwitschias vir die Curriebeker) vir Coetzee vergesel, asook Sergio de la Harpe (kondisioneringsafrigter vir alle NRU-spanne), Johan Diergaardt (NRU visepresident vir rugbysake), Irvin Newman (nasionale spanbestuurder) en Peter Drewett (bestuurder van die NRU se hoëprestasieprogram).
Vir die besoek aan die kus het Rohan Kitshoff (hulpafrigter vir die Welwitschias) en Christie Windvogel (NRU visepresident vir bestuursake) ook aangesluit.
Lede van die mediese span, insluitend die nasionale spandokter dr. Vernon Morkel, het spelers in die nasionale oefengroep se fiksheid en moontlike beserings gemonitor. Die meting van fiksheidstandaarde op die oefenveld en in die gimnasium is ook eerstehands aan spelers en afrigters oorgedra.
Coetzee sê: “Ons het sowat twee maande voordat die Curriebeker eersteliga afskop, wat vir die Welwitschias ’n belangrike bousteen na die Wêreldbeker is, om die plaaslike spelers in ’n goeie kompetisie te laat speel en om hulself te ontwikkel.
“Ons het ook met die afrigters van verskillende klubs gesprekke gehad oor fokuspunte op dieselfde bladsy. Dit was lekker om rugby te gesels en te hoor wat die klubs se spesifieke uitdagings is en ook om by hulle te leer, insluitend die afstande wat spelers moet aflê om by oefensessies in Windhoek aan te sluit.
“Die NRU se klubligas sal terselfdertyd as die Curriebeker aan die gang wees en wedersydse begrip is belangrik wanneer klubspelers vir nasionale diens opgeroep word. Dit is ’n uitdaging wat bestuur moet word, asook om na die welstand van spelers om te sien.”
Volgens Coetzee word ’n soortgelyke belyningskamp vir die Suide einde Februarie of vroeg in Maart beplan, en voor dit ook een in Windhoek.
“Vir my is dit uiters belangrik om verhoudings met die klubs, spelers en administrateurs op te bou. Ons wil graag sien dat elke Namibiese ondersteuner inkoop in die missie en visie in hierdie belangrike Wêreldbeker-jaar vir Namibië.
“Die strewe is om die vlak van kohesie en kondisionering deurentyd te verbeter. Ek is baie opgewonde oor wat ons kon vermag en ek glo dit sal bydra om ons vlak van kompeterendheid vir die Curriebeker te bevorder.”
Wikus Jacobs, herkies as voorsitter van Grootfontein-rugbyklub en ook een van ’n klompie spelers van die noordestreek wat vir die Curriebeker in die prentjie is, sê: “Vir ons klub, waar Ngumee Nguaiko nou hoofafrigter sal wees, beteken die besoek van die afrigters baie. Dit was goed om die planne vir die komende jare te hoor; as ons dit suksesvol kan maak, sal dit baie goed vir Namibiese rugby wees.”
Die Curriebeker eersteliga se openingsnaweek is op 25 Maart, met ’n geskeduleerde wegwedstryd vir die Welwitschias teen die Grens Bulldogs. Die Namibiërs het altesame sewe tuis- en drie wegwedstryde tot 3 Junie.
Coetzee het beide die besoeke na twee van die land se belangrike rugbystreke as suksesvol beskryf.
Na die Noorde het Jaco Engels (nasionale o.20-hulpafrigter, asook skrumafrigter vir alle NRU-spanne) en Chrysander Botha (hoofafrigter van die Welwitschias vir die Curriebeker) vir Coetzee vergesel, asook Sergio de la Harpe (kondisioneringsafrigter vir alle NRU-spanne), Johan Diergaardt (NRU visepresident vir rugbysake), Irvin Newman (nasionale spanbestuurder) en Peter Drewett (bestuurder van die NRU se hoëprestasieprogram).
Vir die besoek aan die kus het Rohan Kitshoff (hulpafrigter vir die Welwitschias) en Christie Windvogel (NRU visepresident vir bestuursake) ook aangesluit.
Lede van die mediese span, insluitend die nasionale spandokter dr. Vernon Morkel, het spelers in die nasionale oefengroep se fiksheid en moontlike beserings gemonitor. Die meting van fiksheidstandaarde op die oefenveld en in die gimnasium is ook eerstehands aan spelers en afrigters oorgedra.
Coetzee sê: “Ons het sowat twee maande voordat die Curriebeker eersteliga afskop, wat vir die Welwitschias ’n belangrike bousteen na die Wêreldbeker is, om die plaaslike spelers in ’n goeie kompetisie te laat speel en om hulself te ontwikkel.
“Ons het ook met die afrigters van verskillende klubs gesprekke gehad oor fokuspunte op dieselfde bladsy. Dit was lekker om rugby te gesels en te hoor wat die klubs se spesifieke uitdagings is en ook om by hulle te leer, insluitend die afstande wat spelers moet aflê om by oefensessies in Windhoek aan te sluit.
“Die NRU se klubligas sal terselfdertyd as die Curriebeker aan die gang wees en wedersydse begrip is belangrik wanneer klubspelers vir nasionale diens opgeroep word. Dit is ’n uitdaging wat bestuur moet word, asook om na die welstand van spelers om te sien.”
Volgens Coetzee word ’n soortgelyke belyningskamp vir die Suide einde Februarie of vroeg in Maart beplan, en voor dit ook een in Windhoek.
“Vir my is dit uiters belangrik om verhoudings met die klubs, spelers en administrateurs op te bou. Ons wil graag sien dat elke Namibiese ondersteuner inkoop in die missie en visie in hierdie belangrike Wêreldbeker-jaar vir Namibië.
“Die strewe is om die vlak van kohesie en kondisionering deurentyd te verbeter. Ek is baie opgewonde oor wat ons kon vermag en ek glo dit sal bydra om ons vlak van kompeterendheid vir die Curriebeker te bevorder.”
Wikus Jacobs, herkies as voorsitter van Grootfontein-rugbyklub en ook een van ’n klompie spelers van die noordestreek wat vir die Curriebeker in die prentjie is, sê: “Vir ons klub, waar Ngumee Nguaiko nou hoofafrigter sal wees, beteken die besoek van die afrigters baie. Dit was goed om die planne vir die komende jare te hoor; as ons dit suksesvol kan maak, sal dit baie goed vir Namibiese rugby wees.”
Die Curriebeker eersteliga se openingsnaweek is op 25 Maart, met ’n geskeduleerde wegwedstryd vir die Welwitschias teen die Grens Bulldogs. Die Namibiërs het altesame sewe tuis- en drie wegwedstryde tot 3 Junie.
Kommentaar
Republikein
Geen kommentaar is op hierdie artikel gelaat nie