Affies en St. Paul’s juig oor toernooiseges

Met ’n allemintige 34 doele in vyf wedstryde en net ’n enkele treffer vir hul teenstanders het St. Paul’s College se eerste meisieshokkiespan Vrydag en Saterdag as die oorheersende kampioen in die gesogte Kom en Haal-toernooi (gespeel sedert 1975) afgesluit.Terselfdertyd het sewe skole se eerste seunspanne mekaar in die ewe tradisieryke Doc-Jubbertoernooi (sedert 1973) getakel – waar Windhoek Afrikaanse Privaatskool vir die eerste keer in sy geskiedenis die wentrofee omhoog gehou het.WAP (23 punte) en Windhoek Gimnasium (20 punte) het sake in die seunstoernooi oorheers, met St. Paul’s derde (13). Die verdedigende kampioen Windhoek Hoërskool en Pro-Ed Akademie moes met die gesamentlike vierde plek tevrede wees (6 punte elk), voor Walvisbaai Privaat Hoërskool (3) en Etosha (0).“WAP en Gimnasium het uitstekende, aanskoulike hokkie gespeel en gewys dat hulle die spanne is wat in die komende liga geklop sal moet word. WAP en Gimnasium het gewys dat hulle waardig is om ondersteuning te kry met hul planne om na die groter skoletoernooie in Suid-Afrika te gaan toer,” sê mnr. Johann Weyhe, ’n hooforganiseerder en afrigter van ’n jonger as gebruiklike WHS-span.“’n Mens kon sien die seuns is honger om hokkie te speel en het die toernooi baie geniet. Selfs die Tsumeb-span se vordering het my beïndruk. Hulle doelwagter het baie potensiaal as hy aanhou hokkie speel.”AFGERONDE MEISIESKAMPIOENVir die St. Paul’s-meisies was hul triomf die skool se eerste sedert 2006, met die titelhouer van 2019 WHS wat die silwermedaljes behaal het.Vir hul afrigter Melissa Gillies was die sukses geen verrassing nie.“In ons groep van 18 is net minder as die helfte vanjaar in graad 12. Ons het dus ’n rykdom en ervaring en spelers wat mekaar se spel reeds oor jare leer ken het. Die patrone en vloei in ons spel is dus reeds goed gevestig.“Die jongelinge in ons span het ook hul standaard gelig en voordeel getrek uit die selfvertroue van die senior spelers.“Die 34 doele teen een was vir my ’n bevredigende kombinasie van doele in gewone spel, asook vanaf strafhoeke.“Ons strafste teenstand was van WHS, wat baie stewig verdedig het en ons gedwing het om meer geduld aan die dag te lê in ons opbou van bewegings. Ons moes seker maak dat ons betekenisvol tot in die doelsirkel kon vorder.“Ons almal is dank verskuldig aan me. Bianca Rheeder wat die meisiestoernooi help reël het. Ondanks die koue naweek was die byeenkoms ’n groot sukses.”Die volledige uitslae:DOC JUBBER-toernooi vir seunspanneWalvisbaai PHS 4-1 EtoshaGimnasium 5-0 Pro-Ed AkademieWHS 0-6 Windhoek AffiesEtosha 1-6 St. Paul’sWalvisbaai PHS 0-8 Whk GimnasiumWHS 0-1 Pro-Ed AkademieWhk Gimnasium 0-1 Windhoek AffiesWindhoek Affies 10-0 EtoshaSt. Paul’s 1-0 Pro-EdWHS 2-0 Walvisbaai PHSWhk Gimnasium 10-0 EtoshaWindhoek Affies 6-0 St. Paul’sPro-Ed Akademie 1-0 WalvisbaaiWHS 0-6 Whk GimnasiumPro-Ed 0-0 EtoshaWalvisbaai PHS 0-10 Windhoek AffiesSt. Paul’s 2-9 Whk GimnasiumWHS 1-0 EtoshaWindhoek Affies 7-1 Pro-Ed AkademieWalvisbaai PHS 0-3 St. Paul’sKOM EN HAAL-toernooi vir meisiesPro-Ed Akademie 0-3 Whk GimnasiumPro-Ed Akademie 0-10 St. Paul’sPro-Ed Akademie 2-1 Walvisbaai PHSPro-Ed Akademie 0-0 Windhoek AffiesPro-Ed Akademie 0-4 WHSSt. Paul’s 1-6 Whk GimnasiumWalvisbaai PHS 0-6 Whk GimnasiumWindhoek Affies 0-0 Whk GimnasiumWindhoek Affies 0-0 Whk GimnasiumSt. Paul’s 10-0 Walvisbaai PHSSt. Paul’s 6-0 Windhoek AffiesSt. Paul’s 2-0 WHSWalvisbaai PHS 0-1 Windhoek AffiesWalvisbaai PHS 0-4 WHSWHS 2-0 Windhoek Affies

Affies en St. Paul’s juig oor toernooiseges

Kommentaar

Republikein 2026-06-10

Meld asseblief aan om kommentaar te lewer

Affies en St. Paul’s juig oor toernooiseges

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.