Afdag vir Eagles gee opposisie hoop
Krieket
Skotland se oordonderende sege gister het min goeie tekens vifr die Namibiese toer ingehou.
Die momentum van die Richelieu Eagles in hul Wêreldbeker Liga 2-veldtog (CWCL2) is gister verder uitgedoof toe Skotland hulle vir 153 uitgeboul en ’n loesing met tien paaltjies toegedien het.
Ná hul tweede pak slae in twee dae in die driehoekige mini-reeks in Kirtipur, Nepal is die Namibiërs onder toenemende druk om hul oorblywende internasionale eendagwedstryde (ODI’S) teen Nepal en Skotland te wen, voordat hul toer met nog twee in die Emirate afgesluit word.
Die uiteinde is dat die deur vir die Emirate en vir Nepal oopgelaat word om Namibië in die algehele CWCL2-reeks verby te steek vir die belangrike derde kwalifiserende posisie na die uitduntoernooi vir die Wêreldbeker later vanjaar.
In ’n rampspoedige dag vir die Eagles het Gerhard Erasmus weer die loot verloor en sy span is ingestuur om eerste te kolf.
Die Eagles was aan die einde van die 12de bb reeds behoorlik teen die toue met vier kolwers uit vir net 32 lopies.
Karl Birkenstock se speelkans as aanvangskolwer het op 4 geëindig toe hy agter die paaltjies uitgevang is (5.2 bb, 1/17).
Michael van Lingen, ná die vorige dag se honderdtal teen Nepal, was op 4 toe Safyaan Sharif sy middelpen ontwortel het en met die volgende bal het die skeidsregter vir Gerhard Erasmus been-voor uitgegee met ’n aflewering wat oënskynlik die bypen met ’n veilige afstand sou gemis het.
Een boulbeurt later is Nicol Loftie-Eaton (0) met ’n briljante inswaaier deur die draaier Mark Watt uitoorlê.
Nommer ses Zane Green het by Lo-han Louwrens aangesluit vir ’n 49-vennootskap voor Green vir 25 (35 balle, 4x4) uitgevang is.
Die spesialis draaibouler Bernard Scholtz behaal as kolwer agt ’n hardnekkige 30 (39 balle, 3x4, 1x6) wat die tweede hoogste telling ná Louwrens se vyftigtal (54 van 88 b, 5x4) is.
Michael Leask (4 paaltjies vir 24 in 8.2 bb, 1 leeg), Sharif (3/29 in 8, 2 leeg) en Watt (3/30 in 9, 1 leeg) het onder die Eagles-kolwers baljaar.
Skotland se aanvangskolwers het die veels te lae teiken ná net 22.1 boulbeurte bereik. Die aggressiewe George Munsey was nie uit nie op 103 ná net 61 balle (12x4, 7x6) en Kyle Coetzer onoorwonne op 46 (72 balle, 7x4).
Die 2019-2023 CWCL2-puntestand (maksimum 36 wedstryde):
1 Skotland 48 punte (33 wedstryde, 23 gewen, 69 persent).
2 Oman 44 (36, 21, 58%).
3 Namibië 37 (32, 18, 56%).
4 VSA 35 (36, 16, 44%).
5 VAE 27 (26, 12, 46%).
6 Nepal 20 (25, 9, 36%).
7 Papoea-Nieu-Guinee 5 (28, 2, 7.14%).
Ná dese is Namibië se lot steeds in hul hande, maar met net vier wedstryde in die reeks oor om agt punte te verdien. Nepal kom Saterdag weer aan die beurt en Skotland komende Maandag.
Die twee uitstaande wedstryde teen die Verenigde Arabiese Emirate (op 23 en 25 Februarie in Dubai) gaan ewe veel ’n tameletjie in hul agterplaas wees.
Die Emirate het juis laas Oktober in Geelong, Australië, die Namibiërs se kans om tot die Supertwaalf van die T20-Wêreldbeker deur te dring, in ’n dramatiese naelbytstryd uitgedoof.
– [email protected]
Ná hul tweede pak slae in twee dae in die driehoekige mini-reeks in Kirtipur, Nepal is die Namibiërs onder toenemende druk om hul oorblywende internasionale eendagwedstryde (ODI’S) teen Nepal en Skotland te wen, voordat hul toer met nog twee in die Emirate afgesluit word.
Die uiteinde is dat die deur vir die Emirate en vir Nepal oopgelaat word om Namibië in die algehele CWCL2-reeks verby te steek vir die belangrike derde kwalifiserende posisie na die uitduntoernooi vir die Wêreldbeker later vanjaar.
In ’n rampspoedige dag vir die Eagles het Gerhard Erasmus weer die loot verloor en sy span is ingestuur om eerste te kolf.
Die Eagles was aan die einde van die 12de bb reeds behoorlik teen die toue met vier kolwers uit vir net 32 lopies.
Karl Birkenstock se speelkans as aanvangskolwer het op 4 geëindig toe hy agter die paaltjies uitgevang is (5.2 bb, 1/17).
Michael van Lingen, ná die vorige dag se honderdtal teen Nepal, was op 4 toe Safyaan Sharif sy middelpen ontwortel het en met die volgende bal het die skeidsregter vir Gerhard Erasmus been-voor uitgegee met ’n aflewering wat oënskynlik die bypen met ’n veilige afstand sou gemis het.
Een boulbeurt later is Nicol Loftie-Eaton (0) met ’n briljante inswaaier deur die draaier Mark Watt uitoorlê.
Nommer ses Zane Green het by Lo-han Louwrens aangesluit vir ’n 49-vennootskap voor Green vir 25 (35 balle, 4x4) uitgevang is.
Die spesialis draaibouler Bernard Scholtz behaal as kolwer agt ’n hardnekkige 30 (39 balle, 3x4, 1x6) wat die tweede hoogste telling ná Louwrens se vyftigtal (54 van 88 b, 5x4) is.
Michael Leask (4 paaltjies vir 24 in 8.2 bb, 1 leeg), Sharif (3/29 in 8, 2 leeg) en Watt (3/30 in 9, 1 leeg) het onder die Eagles-kolwers baljaar.
Skotland se aanvangskolwers het die veels te lae teiken ná net 22.1 boulbeurte bereik. Die aggressiewe George Munsey was nie uit nie op 103 ná net 61 balle (12x4, 7x6) en Kyle Coetzer onoorwonne op 46 (72 balle, 7x4).
Die 2019-2023 CWCL2-puntestand (maksimum 36 wedstryde):
1 Skotland 48 punte (33 wedstryde, 23 gewen, 69 persent).
2 Oman 44 (36, 21, 58%).
3 Namibië 37 (32, 18, 56%).
4 VSA 35 (36, 16, 44%).
5 VAE 27 (26, 12, 46%).
6 Nepal 20 (25, 9, 36%).
7 Papoea-Nieu-Guinee 5 (28, 2, 7.14%).
Ná dese is Namibië se lot steeds in hul hande, maar met net vier wedstryde in die reeks oor om agt punte te verdien. Nepal kom Saterdag weer aan die beurt en Skotland komende Maandag.
Die twee uitstaande wedstryde teen die Verenigde Arabiese Emirate (op 23 en 25 Februarie in Dubai) gaan ewe veel ’n tameletjie in hul agterplaas wees.
Die Emirate het juis laas Oktober in Geelong, Australië, die Namibiërs se kans om tot die Supertwaalf van die T20-Wêreldbeker deur te dring, in ’n dramatiese naelbytstryd uitgedoof.
– [email protected]
Kommentaar
Republikein
Geen kommentaar is op hierdie artikel gelaat nie