Swakopmunders gewaarsku oor vuurwerke

Die Swakopmundse munisipaliteit het in ’n kennisgewing inwoners en vakansiegangers herinner dat dit onwettig is om vuurwerke binne die grense van die dorp, insluitend private tuine, af te vuur sonder toestemming van die plaaslike owerheid.

"Vuurwerke is nie net ’n groot veiligheidsrisiko nie, maar kan traumaties wees vir klein kinders en troeteldiere soos honde, katte, en ander diere wat hoë frekwensies kan hoor," het die munisipaliteit in ’n verklaring gesê.

Die munisipaliteit waarsku dat die gebruik van vuurwerke in die dorp ’n strafregtelike oortreding is en dat diegene wat hulself daaraan skuldig maak die gevolge sal dra.

- Iréne-Mari van der Walt