’n Viering van Kuns en Kultuur

Die sewende uitgawe van die Napso Nictus Kuns- en Kultuurfees, wat vanjaar deur Walvisbaai Privaatskool aangebied is, het 1627 inskrywings ontvang in kategorieë soos dans, sang, kuns, voordrag, gedramatiseerde voordrag, poësie en nog vele meer!Privaatskole van oraloor die land het oor drie dae heen die gehoor bekoor met hul vele talente en kunswerke. Die hoogtepunt van die fees was natuurlik die gala-aand, waar die beste talente op die verhoog te sien was. Die gaskunstenaars vir die aand was Ashton Hawes, wat Golden Hour gesing het, Louwrens Swart, die jongste deelnemer, met die gedig Super-Out, Ben Redelinghuys op die tromme, en Mountain Voices, ’n koor. Lienette de Klerk het die gehoor laat skaterlag met haar voordrag oor familie-vakansies. Verder het The Greatest Show, ’n dansgroep, opgetree, en Bo Ai Chen het op die viool gespeel. Annemie Rossouw het ’n Duitse gedig voorgedra, en Fragrance of Excellence, drie ballerinas, het ook hul talent gewys. Anri Hatting het met ’n dramatiese voordrag uitgeblink. Johan van Wyk het op die klavier opgetree, en die Vastrappers het die gehoor met hul energieke dans aan die handeklap gehad. Leanri Truter het met haar sagte stem beïndruk, terwyl die H2E Crew ’n Hip-Hop dans gedoen het. Jeandré Bruwer het ’n dramatiese voordrag gelewer, en Pieter Kotzé het op die viool gespeel. Henré Opperman het die gehoor weer herinner aan hoe wonderlik die Afrikaanse taal is, en Alyna Swartz het ’n pragtige dansvertoning gelewer. Laastens het Jeandré Bruwer en Jana Duvenhage die skare laat lag met ’n komiese kort-drama oor “liefde en huwelik”.Vanjaar was daar ook ’n kookkompetisie. Die Appirklaas-kokke het in aksie gekom, en Gobabis Gymnasium het die eerste plek ingepalm. In die tweede plek was Privaatskool Moria, en derde plek het aan Pro-Ed Akademie behoort.By die kokkertjies (laerskoolleerlinge) het die Naartjie Kombuis (Walvisbaai Privaatskool) eerste plek behaal, gevolg deur die Mieliepitte van Berg-op Akademie en die Kleine Klitsies (Privaatskool Elnatan) in derde plek.Die wetenskapafdeling het ook gewys wat in hulle steek. In hierdie afdeling het die volgende leerlinge goud gewen het: Tenacity Olivier (Graad 6) van Oranjemund Private School vir Social Influences, Liha Tromp van Windhoek Afrikaanse Privaatskool vir Best Way to Cool Down a Horse, Merle Oosthuizen (Graad 7) van Karstveld Academy vir Energy Efficient Lightbulb, en Yvonne van der Merwe en Kauna Amadhila (Graad 10) van Karstveld Academy vir Cloud Seeding.Silwermedaljes is toegeken aan Malachi Nel (Graad 2) van Oranjemund Private School vir BMI Investigator en Phillemon Uusiko (Graad 6) van Oranjemund Private School vir Fission vs Fusion Reactor.Die bittersoet einde van die fees het aangebreek toe Napso Namibië se hoofuitvoerende beampte, Wouter Niehaus, aangekondig het dat hy bedank. Charmaine Ras, die sekretaresse van Napso, het ook haar bedanking aangekondig. Albei sal teen die einde van die jaar diens beëindig.“Dit is hartseer. Ons het nou al ses jaar ingesit; die Here het ons ongelooflik geseën oor die ses jare, maar ons seisoen is nou verby,” het Niehaus gesê.Dit is egter nie die laaste van die Kuns- en Kultuurfees nie, aangesien daar vanaand oudisies gehou word waar die beste van die beste gekies word om deel te vorm van die Napso Kuns- en Kultuurtoer.Merk jou kalender vir 25, 26 en 27 Oktober, wanneer die toer by Pro-Ed Akademie in Swakopmund afskop.‘n Spesiale uitsending oor die fees sal vanaand om 18:30 op NTV (DStv kanaal 285 en GoTv kanaal 25) uitgesaai word.

’n Viering van Kuns en Kultuur

Kommentaar

Republikein 2026-05-05

Meld asseblief aan om kommentaar te lewer

’n Viering van Kuns en Kultuur

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.