Toekoms van olie en gas
Die derde Namibiese olie- en gaskonferensie (NOGC) begin vandag met sy strategiese en tegniese spitsberaad by die Mercure Hotel in die hoofstad.
Dinsdag, op die eerste dag, is meesterklasse spesifiek aangebied vir toekomstige geslagte, plaaslike belanghebbendes en verskaffers wat belangstel om deel te wees van die nuwe Namibiese bedryf, wat potensieel miljarde werd is.
Verlede jaar het die geleentheid meer as 1 000 afgevaardigdes, 42 uitstallers en 29 borge en vennote van 35 lande verwelkom. Vanjaar is die konferensie groter as ooit tevore.
Die minister van nywerheidsontwikkeling, myne en energie, Natangwe Ithete, wat ook Namibië se adjunk- eerste minister is, is vandag die gasspreker tydens die verwelkomingsgeleentheid.
Met suksesvolle aflandige olie-eksplorasie in die Oranjekom in die Atlantiese Oseaan wat reeds ver gevorderd is en groeiende belangstelling van internasionale oliereuse lok, maak Namibië gereed om binnekort groot voordele uit olie-ontginning te trek.
Die kwessie op almal se lippe is egter of gewone Namibiërs ook by die oliemiljarde sal baat.
By Dinsdag se opening het Ndakolo Haiduwa, die adjunk-streekbestuurder vir Rhino Resources, die toenemende gebruik van plaaslike arbeid in die maatskappy se soektog na meer diepsee-olie gedeel, met 50% Namibiese werkers wat by hul vorige twee eksplorasieboorveldtogte betrokke was en 60% nou tydens die voortgesette boorwerk van Volans-1X.
Volgens hom is dit belangrik om uitdagings en klein kwessies nou reeds te identifiseer en te takel, voordat dit later groter probleme veroorsaak, wat tot konflik in die bedryf kan lei.
Haiduwa sê daar is ruimte in die oliebedryf om elke Namibiër, insluitend die jeug, te akkommodeer solank die werklikhede rakende hoë vaardighede en sertifiseringsvereistes gehandhaaf word.
“Ons kan die behoefte aan buitelandse kundiges en ’n plek aan die tafel vir jongmense versoen,” sê hy.
Dr. Abdulmalik Halilu van Nigerië se raad vir inhoudsontwikkeling en -monitering het sy land se sukses gedeel met die bevordering van plaaslike inhoud van 10% in 2010 tot 56% verlede jaar.
Hy moedig die vroegtydige vestiging van wetgewing aan om voorspelbaarheid aan Namibië se opkomende oliebedryf te gee.
Plaaslike navorsing en ontwikkeling is noodsaaklik vir verhoogde plaaslike deelname, voer Halilu aan.
“Nigerië is gereed om saam met Namibië te werk om die sektor te bou, mense te bemagtig en na gedeelde welvaart te streef,” sê hy verder.
Melanie Harrison, die streekbestuurder vir Deloitte Namibia, het die resultate van hul nywerheidsbasislynopname, wat verlede jaar voltooi is, gedeel. Daarvolgens kan plaaslike besighede wat betrokke is by padkonstruksie, algemene afvalbestuur en die verskaffing van beskermende produkte die maklikste aan die oliebedryf se verskaffingsketting deelneem. Spyseniering, staalwerk en siviele konstruksie kan selfs nog meer baat vind, mits hulle die vereiste standaarde van die oliebedryf kan handhaaf.
Kennis van dié standaarde en die vermoë om die standaarde te handhaaf, is uitdagings wat deur die opname geïdentifiseer is, tesame met ’n gebrek aan kapitaal, betalingsvertragings en permit- en visumuitdagings, sê Harrison.
Tydens ’n paneelbespreking het Charles Mbeha van die president se kantoor se eenheid verantwoordelik vir petroleumeksplorasie uitgelig dat die wet op petroleumeksplorasie reeds vereistes rakende plaaslike inhoud in artikel 14 uiteensit.
Daarbenewens is ’n beleid om plaaslike inhoud te bevorder besig om ontwikkel te word, met streekwye konsultasies wat vir volgende maand beplan word en amptelike goedkeuring hopelik voor die einde van die jaar.
Nog sprekers tydens die konferensie is Jason Kasuto, die voorsitter van die gasheer, die Ekonomiese Vereniging van Namibië (EAN); Nangula Uaandja, die uitvoerende hoof van die Namibiese raad vir die bevordering van beleggings en ontwikkeling (NIPDB); Travis Smithard, die uitvoerende hoof van Rhino Resources Namibia; Victoria Sibeya, die waarnemende besturende direkteur van Namcor; en Mohamed Hamel, die algemene sekretaris van die Forum vir Gasuitvoerlande (GECF).
– [email protected]
Dinsdag, op die eerste dag, is meesterklasse spesifiek aangebied vir toekomstige geslagte, plaaslike belanghebbendes en verskaffers wat belangstel om deel te wees van die nuwe Namibiese bedryf, wat potensieel miljarde werd is.
Verlede jaar het die geleentheid meer as 1 000 afgevaardigdes, 42 uitstallers en 29 borge en vennote van 35 lande verwelkom. Vanjaar is die konferensie groter as ooit tevore.
Die minister van nywerheidsontwikkeling, myne en energie, Natangwe Ithete, wat ook Namibië se adjunk- eerste minister is, is vandag die gasspreker tydens die verwelkomingsgeleentheid.
Met suksesvolle aflandige olie-eksplorasie in die Oranjekom in die Atlantiese Oseaan wat reeds ver gevorderd is en groeiende belangstelling van internasionale oliereuse lok, maak Namibië gereed om binnekort groot voordele uit olie-ontginning te trek.
Die kwessie op almal se lippe is egter of gewone Namibiërs ook by die oliemiljarde sal baat.
By Dinsdag se opening het Ndakolo Haiduwa, die adjunk-streekbestuurder vir Rhino Resources, die toenemende gebruik van plaaslike arbeid in die maatskappy se soektog na meer diepsee-olie gedeel, met 50% Namibiese werkers wat by hul vorige twee eksplorasieboorveldtogte betrokke was en 60% nou tydens die voortgesette boorwerk van Volans-1X.
Volgens hom is dit belangrik om uitdagings en klein kwessies nou reeds te identifiseer en te takel, voordat dit later groter probleme veroorsaak, wat tot konflik in die bedryf kan lei.
Haiduwa sê daar is ruimte in die oliebedryf om elke Namibiër, insluitend die jeug, te akkommodeer solank die werklikhede rakende hoë vaardighede en sertifiseringsvereistes gehandhaaf word.
“Ons kan die behoefte aan buitelandse kundiges en ’n plek aan die tafel vir jongmense versoen,” sê hy.
Dr. Abdulmalik Halilu van Nigerië se raad vir inhoudsontwikkeling en -monitering het sy land se sukses gedeel met die bevordering van plaaslike inhoud van 10% in 2010 tot 56% verlede jaar.
Hy moedig die vroegtydige vestiging van wetgewing aan om voorspelbaarheid aan Namibië se opkomende oliebedryf te gee.
Plaaslike navorsing en ontwikkeling is noodsaaklik vir verhoogde plaaslike deelname, voer Halilu aan.
“Nigerië is gereed om saam met Namibië te werk om die sektor te bou, mense te bemagtig en na gedeelde welvaart te streef,” sê hy verder.
Melanie Harrison, die streekbestuurder vir Deloitte Namibia, het die resultate van hul nywerheidsbasislynopname, wat verlede jaar voltooi is, gedeel. Daarvolgens kan plaaslike besighede wat betrokke is by padkonstruksie, algemene afvalbestuur en die verskaffing van beskermende produkte die maklikste aan die oliebedryf se verskaffingsketting deelneem. Spyseniering, staalwerk en siviele konstruksie kan selfs nog meer baat vind, mits hulle die vereiste standaarde van die oliebedryf kan handhaaf.
Kennis van dié standaarde en die vermoë om die standaarde te handhaaf, is uitdagings wat deur die opname geïdentifiseer is, tesame met ’n gebrek aan kapitaal, betalingsvertragings en permit- en visumuitdagings, sê Harrison.
Tydens ’n paneelbespreking het Charles Mbeha van die president se kantoor se eenheid verantwoordelik vir petroleumeksplorasie uitgelig dat die wet op petroleumeksplorasie reeds vereistes rakende plaaslike inhoud in artikel 14 uiteensit.
Daarbenewens is ’n beleid om plaaslike inhoud te bevorder besig om ontwikkel te word, met streekwye konsultasies wat vir volgende maand beplan word en amptelike goedkeuring hopelik voor die einde van die jaar.
Nog sprekers tydens die konferensie is Jason Kasuto, die voorsitter van die gasheer, die Ekonomiese Vereniging van Namibië (EAN); Nangula Uaandja, die uitvoerende hoof van die Namibiese raad vir die bevordering van beleggings en ontwikkeling (NIPDB); Travis Smithard, die uitvoerende hoof van Rhino Resources Namibia; Victoria Sibeya, die waarnemende besturende direkteur van Namcor; en Mohamed Hamel, die algemene sekretaris van die Forum vir Gasuitvoerlande (GECF).
– [email protected]
Kommentaar
Republikein
Geen kommentaar is op hierdie artikel gelaat nie