#PasIn: Rössing kry nog tien jaar by

Rössing se verwagte lewensduur is die afgelope Vrydag met 10 jaar verleng, vanaf 2026 tot 2036 .Dit kom ná 47 jaar se ononderbroke produksie - wat van die ikoniese Namibiese myn die uraanmyn in die wêreld maak wat vir die langste tydperk ononderbroke werksaam was.Rössing se besturende direkteur Johan Coetzee sê hy is baie bly oor die besluit, wat kom ná die voltooiing van &#039;n haalbaarheidstudie wat vir &#039;n bank gedoen is. Rössing se bestuursraad het die verlenging goedgekeur, wat die mynbou-bedrywighede nou tot die vervaldatum van die mynboulisensieperiode sal voortsit.Die aankondiging is die afgelope Vrydag gemaak.Rössing se lisensie is reeds tot 2036 verleng nadat die ministerie van myne en energie dit in 2021 aangepas het. Dit is &#039;n besonderse mylpaal vir die lot van die myn, nadat die vorige eienaars, Rio Tinto, oorweeg het om dit in 2020 toe te maak. In 2019 is Rio Tinto se meerderheidsaandeel egter aan China National Uranium Corporation (CNUC) verkoop. Teen 2021 het hulle reeds daaraan begin werk om die myn se lewensduur te verleng.Volgens Coetzee bied hierdie verwikkeling "&#039;n nuwe lewe" aan Rössing en lei dit tot die voortsetting van verskeie makro-ekonomiese voordele vir sy belanghebbendes. “Rössing wil sy bydrae tot die ekonomie op beide nasionale en streeksvlak voortsit, in die beste belang van die mynbedryf, die streek en die groter Namibië. . .” sê hy.

#PasIn: Rössing kry nog tien jaar by

Kommentaar

Republikein 2025-05-01

Meld asseblief aan om kommentaar te lewer

#PasIn: Rössing kry nog tien jaar by

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie