PAS IN: Bykans N$610 miljoen verhandel op Plaaslike Indeks van NSX

Meer as 37 miljoen aandele is verlede jaar in 1 340 transaksies op die Plaaslike Indeks van die Namibiese aandelebeurs (NSX) verhandel.

Luidens jaarstatistiek wat deur die NSX vrygestel is, was die waarde van totale verhandeling op die Plaaslike Indeks in 2022 bykans N$609,5 miljoen.

Dié indeks het verlede jaar op 507,05 punte geëindig, 4,16% laer as die einde van 2021.

Die indeks se hoogtepunt in 2022 was 529,29 punte, terwyl die laagtepunt 462,58 was.

Die Plaaslike Indeks se werklike dividendopbrengs op 31 Desember 2022 was 6,1%.

Die markkapitalisasie van aandele in vrye vloei aan die einde van 2022 het sowat N$13,6 miljard beloop.

Hierdie was die sluitingspryse van maatskappye op die Plaaslike Indeks op 31 Desember 2022:

Namibian Breweries: N$46,00 (N$49,49: 31 Desember 2021)

Nictus Holdings Nam: N$1,75 (N$1,75)

Capricorn Group: N$13,03 (N$12,88)

FirstRand Namibia: N$32,51 (N$29,50)

SBN Holdings: N$4,41 (N$6,13)

Oryx Properties: N$10,30 (N$8,99)

Letshego Holdings Namibia: N$3,00 (N$1,96)

Namibia Asset Management: N$0,68 (N$0,66)

MTC: N$7,04 (N$8,90)

Paratus Namibia Holdings: N$13,20 (N$12,77)

Anirep: N$9,00 (N$9,00)