Nored betaal N$341 m. se skuld af

Die kragverspreider in die Noorde, Nored, het aangekondig dat hy sy historiese skuld van N$341 miljoen aan die nasionale kragverskaffer, NamPower, ten volle vereffen het.Nored se waarnemende uitvoerende hoof, Toivo Shovaleka, het dit Vrydag in ’n verklaring bevestig.“In Junie 2023 het NamPower die elektrisiteitstoevoer aan Nored tydelik opgeskort weens uitstaande historiese skuld van N$341 miljoen. Daarna het Nored in Junie 2023 &#039;n skuldterugbetalingsooreenkoms met NamPower aangegaan om dit te vereffen,” het Shovaleka geskryf.“Nored waardeer die ondersteuning en begrip van al sy belanghebbendes gedurende daardie uitdagende tye en verseker ons van ons verbintenis om toekomstige onderbrekings van elektrisiteitsvoorsiening wat verband hou met die onderwerp te voorkom,” het hy bygevoeg.Hy het bevestig dat die N$341 miljoen op 9 Junie ten volle vereffen is.“Ons is verheug om aan te kondig dat Nored se rekening by NamPower nou op datum is.”Shovaleka het gesê dié nutsmaatskappy bly verbind tot die lewering van hoëgehalte-dienste.“As &#039;n verantwoordelike korporatiewe entiteit wil ons ons sleutel-belanghebbendes, kliënte en die publiek in die algemeen verseker dat ons steeds verbind bly tot die ononderbroke voortsetting van die voorsiening van gehalte-, bekostigbare en betroubare elektrisiteit,” het Shovaleka gesê.“In hierdie poging moedig ons al ons kliënte aan om voort te gaan om hul rekeninge betyds te betaal en om onwettige verbindings te vermy en om nie meters te omseil nie.”– kenya@nmh-hub.com.na

Nored betaal N$341 m. se skuld af

Kommentaar

Republikein 2025-09-15

Meld asseblief aan om kommentaar te lewer

Nored betaal N$341 m. se skuld af

Kommentaar

Republikein 2025-09-15

Meld asseblief aan om kommentaar te lewer

MELD AAN

Advertensie