Nog geen sakeplan vir Erindi-transaksie

Die boedel van die ontslape Mexikaanse miljardêr, mnr. Alberto Baillères, moet nog ‘n sakeplan indien om die oorname van die Erindi Private Wildreservaat af te handel, het ‘n amptenaar in die ministerie van nywerheidsontwikkeling en handel gesê. Met die indiening van die sakeplan sal Baillères se boedel ‘n beleggingsertifikaat ontvang om al die nodige prosesse met betrekking tot die verkooptransaksie van die reservaat te voltooi.“Wie ook al die boedel bestuur, sal waarskynlik terugvoering gee oor of hulle sal voortgaan met die beleggingsertifikaat. Die verkooptransaksie is lank gelede gedoen,” het die amptenaar gesê.COVID-VERTRAGING Die afhandeling van die transaksie is vertraag deur die aanvang van die Covid-19-pandemie in 2020, wat tot gevolg gehad het dat wyle Baillères destyds al vir ‘n geruime tyd gevra het om ‘n sakeplan in ‘n latere stadium in te dien.“Die verkooptransaksie is afgehandel; van ons kant af wou hulle net ‘n beleggingsertifikaat hê – waarvoor hulle ‘n sakeplan moes verskaf. Covid-19 het gekom en hulle het vir uitstel gevra totdat hulle met ‘n sakeplan kan terugkom,” het die amptenaar bygevoeg.SLOER SEDERT 2013Die Erindi-transaksie sloer al sedert 2013 toe die meerderheidseienaar, mnr. Gert Joubert, die eerste keer sy voorneme bekend gemaak het om die plaas van 75 000 hektaar teen ’n prys van N$1,1 miljard te verkoop.Later is die prys tot N$1,3 miljard verhoog, maar die beplande verkooptransaksie is nooit afgehandel nie weens regsverwarring oor die status van Erindi se grond. In 2014 is die transaksie in die wiele gery omdat die regering volgehou het dat Erindi landbougrond is en nie ‘n toerismebelegging nie.Baillères moes wag op goedkeuring van die Namibiese Mededingingskommissie (NaCC) voordat ‘n verkoopooreenkoms met die Suid-Afrikaanse eienaars van die Erindi Private Wildreservaat gefinaliseer kon word. Die ontslape miljardêr se boedel het die plaas, wat tussen Omaruru en Okahandja geleë is, vir N$2 miljard gekoop.– republikein@republikein.com.na

Nog geen sakeplan vir Erindi-transaksie

Kommentaar

Republikein 2026-02-04

Meld asseblief aan om kommentaar te lewer

Nog geen sakeplan vir Erindi-transaksie

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.