Husab vier sy volhoubaarheid
Eerste N$562 miljoen wins getoon
Swakop Uranium (SU) het sy eerste wins van N$562 miljoen vir die 2024-boekjaar gerapporteer. SU bestuur China se grootste enkele belegging in Afrika, die Husab-uraanmyn – ter waarde van meer as US$5 miljard.
Die massiewe myn is ’n nasionale vlagskipprojek vir Namibië en ’n voorbeeld van wedersyds voordelige samewerking tussen dié twee lande. Só het ’n raadslid van meerderheidsaandeelhouer China General Nuclear (CGN), Li Li, Woensdag tydens ’n glansgeleentheid by die Windhoek Buitekluboord gesê.
Swakop Uranium (SU) se volhoubaarheidsverslag vir 2024 – die sesde agtereenvolgende verslag vir dié maatskappy – is tydens die geleentheid bekend gestel. Die maatskappy het ook die volhoubaarheid van Husab, die wêreld se grootste oopgroef-uraanmyn, beklemtoon.
Die geleentheid is bygewoon deur hoëvlak-afgevaardigdes, insluitend Li wat in China woon. In lyn met die doelwit om Husab as ’n bloudruk van gedeelde groei en wedersydse voordele te vestig, is meer as 95% van die uraanmyn se direkte en indirekte werksmag van 4 300 mense Namibiërs, en byna 70% van die verkrygingsbegroting word aan plaaslike maatskappye bestee, beklemtoon Li. Ter bevordering van CGN se mandaat om skoon energie te ontwikkel tot voordeel van die mensdom, sê sy: “Ons sal die energiesamewerking tussen Namibië en China uitbrei, die Husab-projek lewend en sterk hou, en die lig van skoon energie meer huise en [mense se] toekoms laat verlig,” het sy gesê.
Van die N$10,11 miljard wat Husab in 2024 bestee het, is N$6,36 miljard binne Namibië se grense bestee. Ander hoogtepunte uit die verslag sluit in prestasies in terme van veiligheid en produksie by Husab gedurende die 2024-boekjaar. Husab kon ook sy SIO 45001-veiligheidsertifisering handhaaf, die geïntegreerde bestuurstelsel versterk, moegheidsmonitering deur middel van kunsmatige intelligensie (KI)-kameras vestig en simulasie-opleiding vir noodgevalle aan nuwe operateurs bekend stel. Benewens talle ander ingrypings, verseker dié prestasies, volgens SU se uitvoerende hoof, Luo Wei, dat “elke SU-werknemer aan die einde van elke dag veilig huis toe kan gaan”. Produksieteikens soos die verskuiwing van 118 miljoen ton materiaal is bereik, met ’n gemiddelde deursetkoers van 1 720 ton vir die produksieaanleg. Husab het altesaam 5 232 ton uraan in 2024 ontgin.
’n Lid van SU se direksie, Eliphas Hawala, wat ook die Namibiese regering se 10%-belang in die Husab-myn deur Epangelo verteenwoordig, het ook die gebruik van hommeltuie en radarmoniteringstelsels uitgelig om die stabiliteit van die myn se walle te verbeter. Hy het gesê hy sien uit na die dag wanneer die myn dividende aan die regering begin betaal.
SU se uitvoerende visepresident Irvinne Simataa het egter op navraag gesê opgehoopte verliese sedert 2017, insluitend N$1,6 miljard verliese van 2023, moet verhaal word voordat dividende betaalbaar word.
Die adjunkminister van nywerheidsontwikkeling, myne en energie, Gaudentia Kröhne, was die eregas en het gesê die geleentheid beklemtoon meer as net die prestasie van een myn, dit beklemtoon ook die volwassenheid van Namibiese mynbou. “Klimaatsverandering hervorm hoe ons dink oor kragopwekking, nywerheidsgroei en omgewingsbestuur. In hierdie globale oorgang tree uraan weer na vore as ’n strategiese hulpbron,” sê Kröhne.
Die Hope Farm-projek is ook tydens die geleentheid aangekondig, waardeur SU reeds N$1,6 miljoen van ’n belegging van N$3 miljoen vir die huidige boekjaar bestee het, om 748 kleinvee aan die boerekoöperatiewe Nderurua, Omkhaibasen en Okongava-Ondjeombarange te oorhandig. ’n Totaal van 1 008 bokke en skape sal vanjaar oorhandig word om die 48 begunstigdes van die Erongostreek te bevorder, tesame met ander boerderyondersteuning. – [email protected]
Klik hier vir ’n kort video van die geleentheid: q.my.na/6OUP
Die massiewe myn is ’n nasionale vlagskipprojek vir Namibië en ’n voorbeeld van wedersyds voordelige samewerking tussen dié twee lande. Só het ’n raadslid van meerderheidsaandeelhouer China General Nuclear (CGN), Li Li, Woensdag tydens ’n glansgeleentheid by die Windhoek Buitekluboord gesê.
Swakop Uranium (SU) se volhoubaarheidsverslag vir 2024 – die sesde agtereenvolgende verslag vir dié maatskappy – is tydens die geleentheid bekend gestel. Die maatskappy het ook die volhoubaarheid van Husab, die wêreld se grootste oopgroef-uraanmyn, beklemtoon.
Die geleentheid is bygewoon deur hoëvlak-afgevaardigdes, insluitend Li wat in China woon. In lyn met die doelwit om Husab as ’n bloudruk van gedeelde groei en wedersydse voordele te vestig, is meer as 95% van die uraanmyn se direkte en indirekte werksmag van 4 300 mense Namibiërs, en byna 70% van die verkrygingsbegroting word aan plaaslike maatskappye bestee, beklemtoon Li. Ter bevordering van CGN se mandaat om skoon energie te ontwikkel tot voordeel van die mensdom, sê sy: “Ons sal die energiesamewerking tussen Namibië en China uitbrei, die Husab-projek lewend en sterk hou, en die lig van skoon energie meer huise en [mense se] toekoms laat verlig,” het sy gesê.
Van die N$10,11 miljard wat Husab in 2024 bestee het, is N$6,36 miljard binne Namibië se grense bestee. Ander hoogtepunte uit die verslag sluit in prestasies in terme van veiligheid en produksie by Husab gedurende die 2024-boekjaar. Husab kon ook sy SIO 45001-veiligheidsertifisering handhaaf, die geïntegreerde bestuurstelsel versterk, moegheidsmonitering deur middel van kunsmatige intelligensie (KI)-kameras vestig en simulasie-opleiding vir noodgevalle aan nuwe operateurs bekend stel. Benewens talle ander ingrypings, verseker dié prestasies, volgens SU se uitvoerende hoof, Luo Wei, dat “elke SU-werknemer aan die einde van elke dag veilig huis toe kan gaan”. Produksieteikens soos die verskuiwing van 118 miljoen ton materiaal is bereik, met ’n gemiddelde deursetkoers van 1 720 ton vir die produksieaanleg. Husab het altesaam 5 232 ton uraan in 2024 ontgin.
’n Lid van SU se direksie, Eliphas Hawala, wat ook die Namibiese regering se 10%-belang in die Husab-myn deur Epangelo verteenwoordig, het ook die gebruik van hommeltuie en radarmoniteringstelsels uitgelig om die stabiliteit van die myn se walle te verbeter. Hy het gesê hy sien uit na die dag wanneer die myn dividende aan die regering begin betaal.
SU se uitvoerende visepresident Irvinne Simataa het egter op navraag gesê opgehoopte verliese sedert 2017, insluitend N$1,6 miljard verliese van 2023, moet verhaal word voordat dividende betaalbaar word.
Die adjunkminister van nywerheidsontwikkeling, myne en energie, Gaudentia Kröhne, was die eregas en het gesê die geleentheid beklemtoon meer as net die prestasie van een myn, dit beklemtoon ook die volwassenheid van Namibiese mynbou. “Klimaatsverandering hervorm hoe ons dink oor kragopwekking, nywerheidsgroei en omgewingsbestuur. In hierdie globale oorgang tree uraan weer na vore as ’n strategiese hulpbron,” sê Kröhne.
Die Hope Farm-projek is ook tydens die geleentheid aangekondig, waardeur SU reeds N$1,6 miljoen van ’n belegging van N$3 miljoen vir die huidige boekjaar bestee het, om 748 kleinvee aan die boerekoöperatiewe Nderurua, Omkhaibasen en Okongava-Ondjeombarange te oorhandig. ’n Totaal van 1 008 bokke en skape sal vanjaar oorhandig word om die 48 begunstigdes van die Erongostreek te bevorder, tesame met ander boerderyondersteuning. – [email protected]
Klik hier vir ’n kort video van die geleentheid: q.my.na/6OUP
Kommentaar
Republikein
Geen kommentaar is op hierdie artikel gelaat nie