Bipa: Sperdatum vir openbaarmaking wink
Deregistrasie vanaf 16 Mei
Die vereiste om begunstigde eienaarskap bekend te maak het ten doel om finansiële misdaad te bekamp en Namibië se finansiële stelsel teen onwettige kontantvloei te beskerm.
Die Owerheid vir Sake- en Intellektuele Eiendom (Bipa) sal vandeesmaand geleidelik begin om maatskappye te deregistreer wat versuim het om aan die statutêre vereistes vir openbaarmaking van begunstigde eienaars te voldoen.
’n Begunstigde eienaar is ’n persoon wat direk of indirek effektiewe beheer oor ’n maatskappy uitoefen.
Bipa het einde verlede week aangekondig dat hy maatskappye wat nie aan die vereistes voldoen nie vanaf 16 Mei sal deregistreer.
“Ongeveer 141 000 firmas en maatskappye het nog nie hul verpligting nagekom om begunstigde eienaars bekend te maak nie,” het Ainna Kaundu, Bipa se waarnemende uitvoerende direkteur, gesê.
Die vereiste vir openbaarmaking is ingestel deur die Maatskappywet van 2004 en die Wet op Beslote Korporasies van 1988 te wysig en het in Julie 2023 in werking getree. Dié vereiste is ’n internasionale verpligting wat deur die Finansiële Aksie-taakmag (FATF), ’n finansiële regulerende agentskap van die Verenigde Nasies (VN), op Namibië opgelê word.
FATF stel globale standaarde om geldwassery en die finansiering van terrorisme te bekamp. Die FATF 2023 het bevind Namibië se voorsorgmaatreëls in dié verband is gebrekkig en het die land op sy gryslys geplaas.
Die vereiste om begunstigde eienaarskap bekend te maak het ten doel om finansiële misdaad te bekamp en Namibië se finansiële stelsel teen onwettige kontantvloei te beskerm.
Bipa het op 11 April al die maatskappye wat nie aan die vereiste voldoen nie, ingelig oor die risiko van deregistrasie vanaf 16 Mei.
Bipa het gesê die deregistrasieproses volg ’n voorgeskrewe prosedure, met maatskappye wat nie aan die vereistes voldoen nie wat op ’n lys van “onaktiewe maatskappye” geplaas sal word.
Ná ten minste ses maande op hierdie lys, word die maatskappye gederegistreer in ooreenstemming met toepaslike wetgewing indien geen openbaarmaking ontvang word nie.
Deregistrasie het beduidende wetlike en finansiële gevolge.
“Die registrasie sal gekanselleer word en eienaarskap van die bates van die gederegistreerde maatskappy kan uiteindelik aan die staat verbeurd verklaar word,” het Kaundu gewaarsku.
– [email protected]
’n Begunstigde eienaar is ’n persoon wat direk of indirek effektiewe beheer oor ’n maatskappy uitoefen.
Bipa het einde verlede week aangekondig dat hy maatskappye wat nie aan die vereistes voldoen nie vanaf 16 Mei sal deregistreer.
“Ongeveer 141 000 firmas en maatskappye het nog nie hul verpligting nagekom om begunstigde eienaars bekend te maak nie,” het Ainna Kaundu, Bipa se waarnemende uitvoerende direkteur, gesê.
Die vereiste vir openbaarmaking is ingestel deur die Maatskappywet van 2004 en die Wet op Beslote Korporasies van 1988 te wysig en het in Julie 2023 in werking getree. Dié vereiste is ’n internasionale verpligting wat deur die Finansiële Aksie-taakmag (FATF), ’n finansiële regulerende agentskap van die Verenigde Nasies (VN), op Namibië opgelê word.
FATF stel globale standaarde om geldwassery en die finansiering van terrorisme te bekamp. Die FATF 2023 het bevind Namibië se voorsorgmaatreëls in dié verband is gebrekkig en het die land op sy gryslys geplaas.
Die vereiste om begunstigde eienaarskap bekend te maak het ten doel om finansiële misdaad te bekamp en Namibië se finansiële stelsel teen onwettige kontantvloei te beskerm.
Bipa het op 11 April al die maatskappye wat nie aan die vereiste voldoen nie, ingelig oor die risiko van deregistrasie vanaf 16 Mei.
Bipa het gesê die deregistrasieproses volg ’n voorgeskrewe prosedure, met maatskappye wat nie aan die vereistes voldoen nie wat op ’n lys van “onaktiewe maatskappye” geplaas sal word.
Ná ten minste ses maande op hierdie lys, word die maatskappye gederegistreer in ooreenstemming met toepaslike wetgewing indien geen openbaarmaking ontvang word nie.
Deregistrasie het beduidende wetlike en finansiële gevolge.
“Die registrasie sal gekanselleer word en eienaarskap van die bates van die gederegistreerde maatskappy kan uiteindelik aan die staat verbeurd verklaar word,” het Kaundu gewaarsku.
– [email protected]
Kommentaar
Republikein
Geen kommentaar is op hierdie artikel gelaat nie