WHS Koedoebulle vind mekaar by St. Stithians-fees

Voor die begin van die plaaslike ligaseisoen sal Samsung Windhoek Hoërskool se o.19 eerstespanafrigter Jan Dames waarskynlik grootliks optimisties voel oor die Koedoebulle se vertoning by die Paasnaweek se St. Stithians-skolerugbyfees in Johannesburg.WHS het twee van hul drie wedstryde gewen, maar ‘n saak kan aangevoer word dat hul vertoning in die middelste verloorwedstryd teen Northcliff Hoërskool van Johannesburg die meeste indruk gemaak het.Ná 'n skouspel van 74 punte het die eindfluitjie Saterdag 'n dramatiese oorwinning van 39-35 vir Northcliff verseël in een van die toernooi se uitstaande kragmetings.Die Johannesburgse span het ná ses minute 'n 5-0 voorsprong geneem deur van naby die doellyn met hul voorspelers oor te dryf. WHS het ná 13 minute teruggeslaan vanaf 'n aanvallende lynstaan, toe heelagter William Beukes in die middelveld die regtervleuel Carlos Florian deurgejaag het, vir losskakel Mc-Rein van Wyk om te verdoel.Northcliff het geen tyd verspeel om met nog 'n onverdoelde drie te antwoord nie, voordat Van Wyk met 'n strafdoel die telling gelyk gemaak het (10-10). Die Johannesburgse span het egter 'n lynstaan-aanval opgestel vir hul 7-flank om deur te breek vir ‘n verdoelde drie.Twee minute voor rustyd het WHS in hul teenstanders se 22-gebied 'n tikskop geneem, ná 'n tydperk van toegepaste druk en verlore geleenthede. Heelagter William Beukes het weer vir linkervleuel Bradley Beukes deur 'n gaping gestuur vir sy drie. Van Wyk se doelskop het regs verby geseil en die Koedoebulle was met rustyd 15-17 agter.Die Johannesburgse skool het opnuut die eerste hou van die tweede helfte geplant – slegs 30 sekondes ná die afskop – en het hul heelagter Jonathan Haw aan die linkerkant in die ruimte deurgewerk vir nog 'n vyfpunter.WHS het gereageer met nog 'n puik spanpoging vanuit hul eie helfte. Slot Keanan Louw het die bal tot diep in Northcliff se gebied gedra, voor 'n beweging na links waarin die agtsteman en kaptein Isaiah Kazondovi vir Bradley Beukes deur die gaping gestuur het, voordat Carlos Florian onselfsugtig die doellyn oorgesteek en vir Xavier Bampton gegee het om te druk. Ongelukkig het Van Wyk se doelskoppoging weer verby die regterpaal geseil (Northcliff voor met 22-20 ná 36 minute).Northcliff het 'n potensiële drie misgeloop toe 'n rolskop oor die doodlyn gewip het net-net voor hul vleuel se aankoms, terwyl hulle ook nie 'n strafskop in WHS se 22-gebied kon afrond nie.Mc-Rein van Wyk het uiteindelik met 'n strafdoel geslaag toe die Northcliff-agterlyn in hul eie 22-gebied onkant betrap is, wat WHS ná 45 minute met 23-22 voor geplaas het.Northcliff het die afskop teruggewen en wou wyd met hul agterlyn aanval, maar WHS-heelagter William Beukes het hulle gestraf met 'n onderskepdrie onder die pale wat Van Wyk verdoel het om WHS se voorsprong te vergroot (30-22).'n Swak gemikte lynskop uit die WHS-kwartgebied het egter die Gauteng-span die spasie gegee vir 'n teenaanval en 'n verspot maklike, verdoelde drie. Nog 'n strafskop voor die pale Northcliff op 32-30 laat voorloop.WHS se reaksie het spoedig gevolg toe hulle die volgende afskop op die grond gesteel het. Twee losskrums later het plaasvervanger-skrumskakel Christian van Wyk die bal links na Mc-Rein van Wyk uitgeskiet. Kazondovi en flank Lee-Jay Armstrong het ondanks duikslae hul aangeë weggekry vir Mc-Rein om die doellyn oor te steek. Met vyf minute oor kon William Beukes nie verdoel nie (WHS voor 35-32).Northcliff se 7-flank Ethan Lionette het hul held geword toe hy agter ‘n onbewaakte losskrum optel en deurgenael het vir sy tweede drie van die wedstryd. Hul heelagter Jonathan Haw se doelskop het hom 14 punte vir die dag besorg. Twee oorwinningsLaas Donderdag het WHS hulle twee keer met ‘n vroeë agterstand teen die Engelse toerspan Hartpury College bevind, maar het uiteindelik wel met 25-14 gewen (rustyd 10-7).Hoewel die Engelse twee drieë met hul voorspelers geskep het, het die Windhoekers hulle onder groot druk geplaas wanneer hulle wyd probeer speel het.Mc-Rein van Wyk het met ‘n skepdoel die 3-0 voorsprong geneem, terwyl senter Xavier Bampton, die vleuels Kalipa Mbuende en Bradley Beukes asook die plaasvervanger-senter Carlos Florian drieë gedruk het waarvan Van Wyk net een kon verdoel.• Op Paasmaandag het WHS ook met 47-35 die oorhand oor die Mzwandile Mali-vyftiental van die Oos-Kaap bewerkstellig (rustyd 19-14).Weens hoogvatte het twee WHS-spelers hulle gedurende die tweede helfte in die koelkas bevind (haker JP Brenkman en vleuel Kalipa Mbuende), maar die Windhoekers het met agt drieë teen vyf baas gespeel.Die WHS-driedrukkers was die buite-agterspelers Xavier Bampton, Kalipa Mbuende, Carlos Florian en Luthando van Wyk, asook die skrumskakel Damian Klein, losskakel Mc-Rein van Wyk en slot Keanan Louw (2). Van Wyk het ook ses uit agt verdoel. Hande opgesteekAfrigter Jan Dames sê: “Op dag een teen die Engelse skool was ons maar nog uitgeput ná ons busrit vanaf die Patriotfees in Kuilsrivier in die Wes-Kaap, maar algaande het ons beter gespeel. Mc-Rein van Wyk van Wyk, Bradley Beukes en Kalipa Mbuende was van die uitstaande spelers met hul ondersteunende spel.“Teen Northcliff kon ons ook gewen het. Xavier Bampton, Bradley, Carlos en Kalipa het opnuut deurgekom om hulle as nuwelinge in die eerstespan te begin vestig, asook die haker JP Brenkman en ander. Northcliff is ‘n stewige skool en het verwagtinge gehad dat hulle heelwat verder moes gewen het.“Die Oos-Kaapse vyftiental het baie flair en spoed en het ons besig gehou, maar spelers soos Isaiah Kazondovi, Cashton Cloete, Keanan Louw, Damian Klein en Luthando van Wyk het hulle hande opgesteek. Die rugbyvriende wat ons op die toer gemaak het, was ook van groot waarde vir spelers en afrigters.”

WHS Koedoebulle vind mekaar by St. Stithians-fees

Kommentaar

Republikein 2026-06-02

Meld asseblief aan om kommentaar te lewer

WHS Koedoebulle vind mekaar by St. Stithians-fees

Kommentaar

Republikein 2026-06-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.