Wortel van alle kwaad
Sê maar net 30 jaar gelede
Gene Travers – Daar is ’n baie ou gesegde wat sê as armoede by die voordeur inkom, gaan liefde by die agterdeur uit.
As ek reg onthou, was dit koning Salomo van ouds wat dié wyse woorde kwytgeraak het. Hy het net vergeet om by te voeg dat as rykdom by die agterdeur inkom, gaan die liefde by die voordeur uit.
Ek loop ’n ou vriend van my in die middestad raak wie se huwelik besig is om te verbrokkel as gevolg van geld.
Hy het beswaard gelyk, maar gelukkig verbrokkel sy huwelik as gevolg van te veel geld.
Ek self is nie ’n man wat met geld kan werk nie en dra lankal nie meer ’n tjekboek nie. As ek geld het, bestee ek dit gewoonlik net so op die persoon met wie ek getroud, verloof of gekys is. Met so ’n tjekboek by my, bestee ek sommer geld wat ek nie eens het nie.
Terwyl ek ’n tjekboek gehad het, het die lelike briewe wat ek van my destydse bankbestuurder ontvang het, my erg ontstel en ek het die tjekboek later gaan inhandig, aangesien dit net my en die bankbestuurder se sakeverhouding vertroebel het.
Die verbrokkeling van ’n huwelik of ’n verhouding begin gewoonlik wanneer die een die ander begin herinner aan geskenkies wat hulle aan die begin van hul verhouding vir mekaar gekoop het. Later word daar geskimp oor wie vir wat betaal het en wie wat vir wie gedoen het.
Ek dink nie dit is mooi van ’n vrou om die man vir wie sy aan die begin van hul huwelik ’n motor persent gegee het, en waarin sy self tien jaar lank saam met hom gery het terwyl hy vir die bande, onderhoud en brandstof betaal het, daaraan te herinner dat sy vir hom die motor gekoop het nie.
Aan die anderkant dink ek ook nie dis mooi van ’n man wat vir sy vrou as huweliksgeskenk ’n stoompot gekoop het en tien jaar lank heerlik gesmul het aan die kos wat sy met liefde vir hom in dié pot gaar gemaak het, om haar daaraan te herinner dat hy die pot tien jaar tevore vir haar gekoop het nie.
Die tweede fase in die verbrokkeling van ’n verhouding is wanneer die paartjie mekaar begin toesnou oor wie wat vir wie gekoop het en wie vir wat betaal het. Dit loop later op hewige rusies uit en eindig gewoonlik in die skeihof.
Die derde fase is wanneer elkeen sy goedjies begin pak, geskenkies vir mekaar teruggooi en uitmekaar spat.
Die vierde fase is wanneer die paartjies uitmekaar is en by familie en vriende gaan kla oor hoe wie vir wie besteel het.
Ek dink ’n paartjie behoort in die eerste fase reeds te begin besef dat die verhouding op ’n einde is en uitmekaar te gaan terwyl hulle nog vriende is. Waar die geldkanker eers aan ’n verhouding begin knaag, is daar geen keer meer nie.
Ek glo dat sou koning Salomo in sy tyd moeilikheid met sy 900 vroue opgetel het en daar sulke goed soos prokureurs, advokate en hooggeregshowe bestaan het, hy nou nog aan onderhoud sou afbetaal.
Boonop sou minstens negehonderd vroue by hul familie en vriende gekla het oor die mooi geskenkies wat hulle vir hom gekoop het en hoe hy hulle op die ou einde besteel het. Al het die koning bankrot aan die anderkant uitgestap!
Geld is die wortel van alle kwaad. Vra my, ek weet. – 25 Februarie 1993
As ek reg onthou, was dit koning Salomo van ouds wat dié wyse woorde kwytgeraak het. Hy het net vergeet om by te voeg dat as rykdom by die agterdeur inkom, gaan die liefde by die voordeur uit.
Ek loop ’n ou vriend van my in die middestad raak wie se huwelik besig is om te verbrokkel as gevolg van geld.
Hy het beswaard gelyk, maar gelukkig verbrokkel sy huwelik as gevolg van te veel geld.
Ek self is nie ’n man wat met geld kan werk nie en dra lankal nie meer ’n tjekboek nie. As ek geld het, bestee ek dit gewoonlik net so op die persoon met wie ek getroud, verloof of gekys is. Met so ’n tjekboek by my, bestee ek sommer geld wat ek nie eens het nie.
Terwyl ek ’n tjekboek gehad het, het die lelike briewe wat ek van my destydse bankbestuurder ontvang het, my erg ontstel en ek het die tjekboek later gaan inhandig, aangesien dit net my en die bankbestuurder se sakeverhouding vertroebel het.
Die verbrokkeling van ’n huwelik of ’n verhouding begin gewoonlik wanneer die een die ander begin herinner aan geskenkies wat hulle aan die begin van hul verhouding vir mekaar gekoop het. Later word daar geskimp oor wie vir wat betaal het en wie wat vir wie gedoen het.
Ek dink nie dit is mooi van ’n vrou om die man vir wie sy aan die begin van hul huwelik ’n motor persent gegee het, en waarin sy self tien jaar lank saam met hom gery het terwyl hy vir die bande, onderhoud en brandstof betaal het, daaraan te herinner dat sy vir hom die motor gekoop het nie.
Aan die anderkant dink ek ook nie dis mooi van ’n man wat vir sy vrou as huweliksgeskenk ’n stoompot gekoop het en tien jaar lank heerlik gesmul het aan die kos wat sy met liefde vir hom in dié pot gaar gemaak het, om haar daaraan te herinner dat hy die pot tien jaar tevore vir haar gekoop het nie.
Die tweede fase in die verbrokkeling van ’n verhouding is wanneer die paartjie mekaar begin toesnou oor wie wat vir wie gekoop het en wie vir wat betaal het. Dit loop later op hewige rusies uit en eindig gewoonlik in die skeihof.
Die derde fase is wanneer elkeen sy goedjies begin pak, geskenkies vir mekaar teruggooi en uitmekaar spat.
Die vierde fase is wanneer die paartjies uitmekaar is en by familie en vriende gaan kla oor hoe wie vir wie besteel het.
Ek dink ’n paartjie behoort in die eerste fase reeds te begin besef dat die verhouding op ’n einde is en uitmekaar te gaan terwyl hulle nog vriende is. Waar die geldkanker eers aan ’n verhouding begin knaag, is daar geen keer meer nie.
Ek glo dat sou koning Salomo in sy tyd moeilikheid met sy 900 vroue opgetel het en daar sulke goed soos prokureurs, advokate en hooggeregshowe bestaan het, hy nou nog aan onderhoud sou afbetaal.
Boonop sou minstens negehonderd vroue by hul familie en vriende gekla het oor die mooi geskenkies wat hulle vir hom gekoop het en hoe hy hulle op die ou einde besteel het. Al het die koning bankrot aan die anderkant uitgestap!
Geld is die wortel van alle kwaad. Vra my, ek weet. – 25 Februarie 1993
Kommentaar
Republikein
Geen kommentaar is op hierdie artikel gelaat nie