Wie sal my wat sê?

Ek het nooit geglo ek sou terselfdertyd verlief op twee raak nie.Dit was my uitgangspunt om myself te respekteer en te alle tye te beskermAg, wat maak dit tog saak? Wie het die reg om in my lewe in te meng. Ek is volwasse genoeg en het ook al kleinkinders. Wie sal my wat sê? Tweedens is ek ongetroud en geen hof kan my hieroor skuldig bevind nie. Ek glo dit, want ons hoogs gerespekteerde Grondwet boikot ons nie om op TWEE op dieselfde tydstip verlief te raak nie.Dit is ’n saak wat nog nooit in ons parlement bespreek is nie.Die TWEE waarop ek verlief is en feitlik elke aand langs my lê en my van die nodige tekortkominge voorsien, is blykbaar ook dieselfde TWEE wat in menigte huise ook die enkeles besoek om hul geheime pligte na te kom.Maar sê eers vir my HOEKOM alle slegte en verkeerde dinge net op ’n Maandagoggend gebeur en dit nogals op yskoue dae? Ons sê algar dat niemand vir ’n koue pampoen skrik nie, maar wat van koue weer en ’n kraan sonder warm water. Dit is afgesien van die wintertyd wat my deurmekaar gemaak het.Ek het simpatie met my medelandsgenote wat daagliks met koue water oor die weg moet kom. ’n Mens kry koue rillings net om die vorige aand of vroeg in die oggend na die weervoorspelling te luister.Die weervoorspeller sê dit gaan die keer ysig koud en bewolk wees. Dit laat my aan aan my twee vriende dink en die tye verwar my nog verder. Ek was op die ou einde laat vir ’n belangrike kliënt wat my moes kom sien het. Ek het ook laat by die werk aangekom met die dat die son later opkom.Wat van my verskoning geword het en die gevolge daarvan is nou geskiedenis, want ons almal het nie horlosies nie en lê en wag op die karre se hoeters. Ek was glad nie in my lewe ’n jaloerse mens nie, nog altyd net nice, en beoog ook nie om vorentoe jaloers te raak nie. Ek het kennis gemaak met hierdie TWEE sedert my verwarmer 30 jaar gelede die gees gegee het.Gelukkig vir ons al drie is my TWEE nie jaloerse bedmaats nie en daar word nooit gestry oor wie waar moet lê nie. Daai voorreg het hulle aan my gegee en ek besluit self want ek is die eienaar van die huis, die bed en die komberse.Ek het hulle ook net nodig vir hoogstens drie maande van die jaar, want hulle dra ook nie by tot water of selfs elektrisiteit nie.Die TWEE se name wou ek nie graag met julle gedeel het nie, maar omdat ons binnekort gaan deel sal ek maar die bom bars – dit is Coke- en Fanta-warmbottels.– thusie@republikein.com.na* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Wie sal my wat sê?

Kommentaar

Republikein 2026-05-05

Meld asseblief aan om kommentaar te lewer

Wie sal my wat sê?

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.