Wanneer mure op bome val

Eendag, ’n paar jaar gelede, het ’n vriendin ’n boodskap gestuur om te sê hul grensmuur aan die een kant van hul eiendom het oornag omgeval. Die muur het in hul erf geval en bo-op ’n jong vyeboom beland. Dit was ’n hele gedoente en hul erf was tydelik nie meer so veilig nie. Maar sy was die hartseerste oor haar vyeboompie.Na ’n rukkie is die muur uiteindelik herstel en my vriendin het haar asem opgehou oor haar ou vyeboompie. My brein wat op kilometers patrone kan raaksien, het onmiddellik na die Bybelvers in Habakuk, wat oor die vyeboom handel, gespring en ’n vergelyking met die situasie getref. Die bekende vers in Habakuk word voorafgegaan deur ’n hele hoofstuk waar beskryf word hoe magtig God is en wat hy alles te weeg bring. In my Nuwe Lewende Vertaling staan daar in vers 6: “As hy stilstaan, skud die aarde. Wanneer Hy kyk, bewe die nasies. Hy laat oeroue berge verkrummel en eeue oue heuwels platval.” In my vriendin se geval laat Hy mensgemaakte mure omval. Ons natuurlike reaksie in situasies waar dit sleg met ons gaan, is nie om die Here te loof en te prys nie. Dit is ook beslis nie om dankbaar te wees nie. Ek het ook al in ’n vorige rubriek hieroor geskryf. Paulus het in 1 Tessalonisense 5:16-18 voorskrifte gegee – om een van my kennisse, Sybrand de Beer, se gunsteling-Bybelvers aan te haal: “Wees altyd vol blydskap. Moenie ophou bid nie. Wees in alle omstandighede dankbaar want dit is wat God van julle verwag omdat julle met Christus Jesus verenig is.” Want selfs sou die vyeboom nie bot nie – om Habakuk aan te haal – en die wingerd sonder druiwe staan. Al sou die olyfoes misluk en lewer die landerye niks op nie. Al vergaan die kleinvee in die veld en is die beeskrale leeg. Hierdie gedeelte laat my so aan die bek-en-klouseer dink waaroor baie boere tans besorg is. So sê Habakuk verder: “. . . tog, ten spyte van alles, sal ek my verbly in die Here! Ek sal juig oor God wat my verlos! Die oppermagtige Here is my krag! Hy maak my voete soos die van ’n ribbok; op hoë plekke laat Hy my veilig loop.”(Habakuk 3 vers 17-19)Want hierdie mense weet dat ’n mens soms eers die emosie moet uitoefen voor jy dit gaan begin voel. Dit is ook ’n uiting aan geloof dat God elke situasie vir ’n mens ten goede sal laat meewerk. Dit maak nie saak hoe verskriklik dit op daardie oomblik voel nie. Nie lank ná die val van die grensmuur nie, het my vriendin een oggend foto’s gestuur van die klein vyeboompie wat begin bot het. Ons was almal saam met haar bly daaroor.En dit het net as bevestiging gedien dat ons maar solank kan bly en dankbaar wees in die omstandighede al is hulle nie goed nie. Want ons glo in ’n God wat ’n groter plan het as wat ons te midde van die moeilike omstandighede kan sien. Ons kan maar weet dat hy iets spesiaals in die pyplyn vir elkeen van ons het. – Gasskrywerlane.lwenhold@gmail.com* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Wanneer mure op bome val

Kommentaar

Republikein 2026-10-14

Meld asseblief aan om kommentaar te lewer

Wanneer mure op bome val

Kommentaar

Republikein 2026-10-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.