Walvisbaai is aan die beweeg. . .

Ek bly nou al my hele lewe lank op Walvisbaai. Ek is hier gebore en is ’n tipiese stereotipe daarvan. Ek het in Narraville grootgeword en daar skoolgegaan – by Narraville Primêre Skool en dan natuurlik De Duine Sekondêre Skool. Diegene wat hier bly, weet waarvan ek praat. Ek ry gereeld in die dorp rond – of dit nou is om die kinders by die skool af te laai, op pad na ’n kliënt of agter ’n storie aan is. En onlangs, terwyl ek deur die middedorp ry, besef ek eintlik net hoe besig dit geword het.As ons Sam Nujomastraat af ry, in die rigting van Namib Times, is dit ’n miernes van bedrywighede. Spar se nuwe winkelsentrum het oopgemaak, kompleet met ’n apteek.Die ou Spar-gebou spog alreeds met Agra en kie se logo’s. Verder aan, verby die Walvisbaai-munisipaliteit, is daar bouwerk aan die gang. Nictus maak sy splinternuwe superwinkel oop en net langsaan is daar Tiger Wheel and Tyre en kie.Food Lover’s Market is ook besig om sy nuwe winkel te bou, wat na verwagting teen die einde van volgende jaar sal oopmaak.Hier waar ek in Narraville bly, net oorkant die treinspoor, het ons nou ook ’n nuwe nywerheidsgebied. Scania en Transworld Cargo het reeds hul geriewe gebou en is aan die gang. En daar word nóg gebou.Nog ’n pluspunt is dat Model Seagull terugkom na hul plek by die Seagulls Mall. Ons gaan nou twee hê: een by Dunes Mall en een in die dorp.Soos ek ry, besef ek: maar dis goeie nuus!Kom ek gaan gou terug na 2020. Walvisbaai was destyds die brandpunt van die Covid-19-pandemie en dit het glad nie goed gegaan nie. Baie besighede het tot stilstand gekom en talle het hul deure gesluit. Ek onthou hoe gereeld ek moes skryf oor besighede wat mense moes aflê en ondernemings wat toegemaak het.Ek onthou ook dat daar in dieselfde jaar poste by een van die streekraadslede se kantore geadverteer is en duisende mense het opgedaag. Dit was in die middel van die pandemie. Dit was ’n verskriklike tyd. Ek hoef niemand daaraan te herinner nie.Ek moet ook bysê: don’t get me wrong. Daar is steeds baie verkeerd met ons dorp. Ons paaie lyk glad nie mooi nie, ons rioolstelsel swig onder die druk van al die mense, ons het dringend ’n ordentlike opruiming nodig en daar is nog soveel ander dinge wat aandag nodig het.Maar kom ek wees die halfvol-glas-mens. Ten spyte van alles is daar beweging. Dis goed om al die konstruksie te sien, want dit beteken werk. Dit beteken geld wat in ons plaaslike ekonomie invloei.Die passasierskipseisoen het gister afgeskop, wat nóg inkomste vir die dorp inbring. En die lorries – alhoewel dit vir baie van ons groot stres veroorsaak – beweeg gereeld op en af tussen ons verskeie nywerheidsgebiede. Daarby het Namport se uitvoerende hoof, Andrew Kanime, gesê ons moet eers bekommerd raak wanneer ons minder lorries begin sien.Ons paaie word ook reggemaak en ons waterinfrastruktuur ondergaan tans herstelwerk, alhoewel ons waterdruk uiters laag is. En dan is daar die gedreun van ’n skip wat die hawe verlaat.Ek sê maar net: Walvisbaai het beslis sy probleme, maar daar is ook tekens van groei, nuwe beleggings en werksgeleenthede – en dit is iets wat ons ook moet raaksien.– leandrea@erongo.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Walvisbaai is aan die beweeg. . .

Kommentaar

Republikein 2026-10-15

Meld asseblief aan om kommentaar te lewer

Walvisbaai is aan die beweeg. . .

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.