Waantoe met ons kinners?

Destyds het oumense altyd gesê: “’n Kind moet nie agter die oë wees nie.” Hulle het bedoel dat kinders in die oog gehou moet word om hulle uit die moeilikheid te hou. Maar deesdae is dit selfs ’n probleem vir ’n kind om voor die oë te wees, want dié wat veronderstel is om hulle te beskerm, kan dan nie hul hande van die kinders afhou nie.Die stories wat ek in die hof hoor, laat my hare rys. Ek gril my dood as ek verslag doen oor die vermeende pa- en oumaverkragter, en ’n ma wat glo so die kluts kwyt is dat sy haar eie man en skoonma beskuldig van verkragting en molestasie van haar seun sedert hy 14 maande oud was tot hy nou sewe is.Hoe het ons hier beland? Hoe het ons gemeenskap so verswak dat ons oompies, anties, ouboetas, nannas, oupas en oumas nie vertrou kan word nie?Pleks van ’n bankie maak of die tee koud gooi vir die kind, beloer die oupas en pa&#039;s deesdae hul eie bloed en wil hulle betas.Deesdae kan ’n kind nie eens ’n onskuldige ys of fudge loop koop om die draai nie, anders word hulle van ’n dronk antie by ’n toilet ingesleep en gedwing om haglike goed te doen. Nie net is die kind se onskuld daarmee heen nie, maar nou is hul vertroue in mense en die wêreld om hulle ook verpletter. En boonop is sy of haar maatjie ook nou nie meer veilig nie.Ons behoort uit te basuin dat “genoeg is genoeg”. Ons moet verseker dat kinders nie net gesien word nie, maar ook gehoor en beskerm word. Dit beteken ons moet bewus wees van die tekens van misbruik en nie huiwer om in te gryp nie. As ons swyg en die ander pad kry is ons net so skuldig soos die misdadiger.Maar in plaas daarvan om ons kinders te beskerm en vir hulle op te staan, smeer die kerk die sonde van dominees toe en die hele gemeente mars straat af omdat uitgegroeide mans en vroue vir wie hulle nooit in hulle lewe sal raakloop nie, met mekaar wil trou. Het jy nou woorde?Ja, die kerk preek hom oorhoeks oor selfdegeslaghuwelike terwyl die broeders en susters die kinders onbetaamlik bykom. Soos Pink Floyd sou sê, “susters of broeders los die kinders alleen”.Smaak ta hulle kan nou beter na hulle self omsien as wat grootmense kan. – jemima@nmh-hub.com.na

Waantoe met ons kinners?

Kommentaar

Republikein 2026-02-03

Meld asseblief aan om kommentaar te lewer

Waantoe met ons kinners?

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.