Tradisionele kosse

As ’n Namibiër in murg en been respekteer ek die uiteenlopende tradisies van my landgenote. Tog raak ek deurmekaar wanneer ek deur ander etniese groepe genooi word om saam aan tafel te sit en ’n maaltyd te geniet.

Ek het vriende in al die groepe en word gereeld jare lank genooi om verjaardagpartytjies, troues en selfs aannemings by te woon. 

Dis baie belangrik om almal se eetgewoontes te ken of te bestudeer wanneer jy uitgenooi word. Ons eetgewoontes verskil; sommige mense gebruik ’n mes en vurk, terwyl ’n minderheid van ons met die hand eet.

Die belangrikste voor julle eet is om hande te was – voor almal hul hande in die bord steek wat met pap en vleis volgepak is.

Tradisionele eetgewoontes verskil van kultuur tot kultuur. In baie families word kos saam voorberei en saam geëet. Ouer mense leer die jonger geslag hoe om tradisionele kos voor te berei en hoe om dit op die regte manier te eet. Familie en die gemeenskap speel dus ’n belangrike rol in tradisionele eetgewoontes.

Mense eet dikwels tradisionele kos tydens spesiale geleenthede, feeste, troues en familiebyeenkomste. Die kos word soms in groot hoeveelhede voorberei sodat almal saam kan eet. Dis ook ’n manier om mense byeen te bring en tradisies van een geslag na die volgende oor te dra.

Tradisionele eetgewoontes help ons om ons kultuur en ons erfenis te bewaar. Dit herinner ons aan ons voorouers en die manier waarop hulle geleef het.

Maar die een ding wat my soms warm onder die kraag kan maak, is wanneer sommige mense kos roer en die lepel aflek of ’n nat lepel – waarmee die persoon koffie geskep het – weer terug in die koffieblik sit; dit breek eerlikwaar my hart. Daarom hou ek daarvan om by ons ou tradisie te hou.

Tradisionele kosse en eetgewoontes is ’n belangrike deel van ons kultuur en ons erfenis. Dit leer ons om die gebruike en tradisies van ons voorouers te waardeer en te bewaar. 

Wanneer families saam kos voorberei en eet, bring dit mense nader aan mekaar en skep dit ’n gevoel van eenheid. Die ouer mense kan ook hul kennis en vaardighede oor tradisionele kos aan die jonger geslag oordra. 

Daarom is dit belangrik dat ons nie ons tradisionele kosse en eetgewoontes vergeet nie, maar dit aanhou beoefen en aan toekomstige geslagte oordra.

By my kant hou ek daarvan om donkie twee keer per maand met stywepap te eet. En moenie mopaniewurms uitlaat wanneer daar nie vleis is nie.

Dit is baie lekker om ons eie kosse te eet. 

[email protected]

* Beste lesers, keuring vir die ­publikasie van WhatsApp, briewe en alle ander lesers­bydraes berus by Republikein. Klagtes oor die diens van ­private besighede word eers aan die onder­neming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.