Soos ons ons troeteldiere liefhet

Ons hoor altyd mense sê jy moet ander liefhê soos jy jouself liefhet. En ja, ek verstaan die idee daaragter. Maar as ek eerlik moet wees, dink ek mense moet mekaar eerder liefhê soos ons ons troeteldiere liefhet. Want kyk net hoe sag raak mense rondom diere.Daardie hond wat jou elke dag by die hek ontmoet asof jy die belangrikste persoon op aarde is, al het jy niks besonders gedoen nie. Daardie kat wat op jou bors kom lê wanneer jy hartseer is, asof sy net weet. Ons troeteldiere gee nie om hoe jy lyk, hoeveel geld jy het, en of jy vandag enige sukses behaal het nie. Hulle meet nie jou waarde aan jou slegte dae nie. Hulle bly.En dis die ding van troeteldiere – hulle leer jou ’n soort liefde wat baie mense al vergeet het hoe om te gee. ’n Liefde sonder enige voorwaardes. Sonder punte wat jy moet wen. Sonder die behoefte om heeltyd iemand te verander.Ons vergewe ons diere so maklik. Hulle kou aan jou skoene, maak ’n gemors, huil in die middel van die nag, steel kos wanneer jy nie kyk nie – en tog kyk ons steeds na hulle met sagte oë.Ons raak nie koud teenoor hulle omdat hulle nie perfek is nie. Ons hou aan om hulle lief te hê.Maar met mense? Met mense raak ons hard. Ons hou telling. Ons onthou elke fout. Ons maak liefde iets wat verdien moet word in plaas van iets wat gegee word.Ek sê nie ons moet slegte gedrag aanvaar of onsself laat seerkry nie. Maar dalk moet ons begin leer uit die manier waarop ’n dier jou liefhet. Heeltemal. Eenvoudig. Sonder ’n ego.Want ’n troeteldier gee nie om oor status of trots nie. Hulle gee om of jy huis toe gekom het. Of jy oukei is. Of jy vandag bietjie ekstra liefde nodig het.En dalk is dit hoekom mense so lief is vir hul diere, want in ’n wêreld waar liefde dikwels ingewikkeld en voorwaardelik voel, is daardie soort lojaliteit skaars. Dit voel veilig. Dit voel eg.Miskien sal die wêreld sagter wees as ons mekaar begin liefhê soos ’n hond sy mens liefhet. Sonder om te oordeel. Sonder enige voorwaardes. Net met oop harte en swaaiende sterte.– annemarie@nma.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Soos ons ons troeteldiere liefhet

Kommentaar

Republikein 2026-08-03

Meld asseblief aan om kommentaar te lewer

Soos ons ons troeteldiere liefhet

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.