Sê hoera vir die #LazyGirlJob

Daar is iets nuut aan die kom wat die manier waarop ons werk en sukses sien, heeltemal op sy kop gooi. Dit word die #LazyGirlJob-beweging genoem, en dit gaan alles daaroor om vroue die mag te gee om dinge op hulle manier te doen en om nie gebonde te wees aan die verwagtinge van die samelewing nie.So, waaroor gaan dit, en waar kan ek daarvoor aanmeld?!Jy mag wel dink “lazy” het negatiewe konnotasies, maar die #LazyGirlJob is eintlik die teenoorgestelde. Dit gaan nie daaroor om regtig lui te wees of jou verantwoordelikhede te ignoreer nie. Dit gaan eintlik daaroor om sukses in ’n heel nuwe lig te sien en balans tussen werk en lewe en jou geestelike welstand voorop te stel.In ’n neutedop: Sorg vir jouself en wees gelukkig, en moenie net werk totdat jy omval nie.Een van die opvallendste dinge van die #LazyGirlJob is die kans om fleksie-ure en van elders as die kantoor te werk. Danksy moderne tegnologie, gee talle besighede glad nie om om mense van die huis of elders af te laat werk of hul eie skedules te volg nie.Hierdie is beslis ’n game changer vir vroue wat nog steeds die loopbaanleer wil klim, maar nog steeds tyd vir hulself wil hê.Die beweging gaan ook daaroor dat vroue hul drome kán nastreef en nie teruggehou word deur outydse idees van sukses nie. So, in plaas daarvan om dieselfde ou loopbaanrigtings te volg, soek al hoe meer vroue na vryskutwerk, begin hulle hul eie besighede, of doen iets op die sideline waaroor hulle regtig passievol is. Dit gaan daaroor om doelwitte te bereik en geluk in jou werk te vind, selfs al pas dit nie by die standaarddefinisie van “produktief” nie.’n Groot deel van die #LazyGirlJob is om geslagstereotipes in die werkplek hok te slaan. Vroue is al eeue lank deur die “glasplafon” vasgedruk, en hierdie beweging breek daardie hindernis. Met buigsame poste en alternatiewe werkopsies kan ons die loopbaanleer klim sonder om ons persoonlike lewens op te offer.Eintlik is dit ’n wen-wen-situasie!Beter nog, die beweging gaan daaroor om na jouself om te sien.Ons leef in ’n mallemeule-, rondomtalie-wêreld wat altyd voortstoom, en burnout is ’n realiteit. Die #LazyGirlJob herinner ons daaraan om selfversorging en geestesgesondheid ’n prioriteit te maak. Jy kan immers nie ’n superster wees as jy uit stoom uit hardloop nie!Natuurlik is daar mense wat glad nie met die #LazyGirlJob-neiging saamstem nie. Hulle dink dit bevorder luiheid en is ambisie se dood. Maar dié wat dit ken en toepas, meen dit gaan nie or lui wees in die tradisionele sin nie. Dit gaan eerder daaroor om te herdefinieer wat sukses vir jou beteken en om te verstaan dat dit nie net gaan oor die materiële of om jouself tot in die graf te werk nie.Wat ook al jou opinie is, die #LazyGirlJob is besig om dinge te skud, ouskoolse idees omver te gooi en geslagsrolle uit te daag. Vroue neem beheer oor hul loopbaan en lewens en vind vervulling op hulle terme. En dit is iets om te vier, want op die ou einde gaan ware sukses daaroor om gelukkig te wees en die lewe voluit te leef, ongeag watter rigting jy volg.So, kom ons klink ’n glasie op die #LazyGirlJob-beweging en omhels die ongelooflike verandering wat dit kan meebring! – gerine@we.com.na* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Sê hoera vir die #LazyGirlJob

Kommentaar

Republikein 2026-09-18

Meld asseblief aan om kommentaar te lewer

Sê hoera vir die #LazyGirlJob

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.