Raar maar waar
Die mens is op enige gegewe dag ’n rare spesie.
Dit sou gaaf wees as ons meer aangetekende geskiedenis van die Homo sapiens se doen en late tot ons beskikking gehad het as net ’n paar duisend jaar se gegewens.
Die mens se meer onlangse aangetekende geskiedenis is deurspek met onblusbare veglus, die drang om meer te besit, maglus en brutale onmenslikheid gemeng met manipulasie en breinspoeling.
Die redes vir die Homo sapien se gedrag is legio. ’n Hele paar duisend doktorale proefskrifte wat die gedrag probeer ontleed het, se pogings is daadwerklik nutteloos.
Indien die brawe mans en vroue wat derduisende ure bestee het om aan en in die mens se misterieuse brein te delf, suksesvol was, sou die planeet tans sekerlik ’n beter plek wees.
Daar is geen droë of nat stukkie aarde op ons planeet wat nie bloedige konflik vrygespring het nie.
Dié tipe gedrag het nie begin en geëindig waar een of ander obskure leier besluit het om sy bure of een of ander nasie ’n paar duisend kilometer ver gevange te neem nie.
Dit was en is nog steeds inherent deel van die mensdom om mekaar goedsmoeds aan te val. Die oseane van Moeder Aarde dra ook die letsels van oorloë en seerowery op haar seebodem.
Die oorloglustiges kan sekerlik mal, van lotjie getik asook psigopate genoem word.
Wat egter duidelik is, is dat psigopate totaal en al oor geen empatie, simpatie, maatskaplike verantwoordelikheid of gewete beskik nie.
Oorlogsmisdade sluit ’n breëspektrum van dade in wat ’n paar bundels op sy eie sal verg.
Raar maar waar. Die soort mense kry jy vandag nog in verskillende grade en vorms in die samelewing waar hulle in die werkplek, tuis, in skole, geloofsgroepe, bendes, korporatiewe wêreld, politieke partye en enige moontlik vlak bedrywig is.
Die goed verskuilde sosiopate is ewe bedrywig met hul slinkse aktiwiteite. Hulle het geen agting vir ’n ander persoon se emosies, regte of ervarings nie. Hulle het geen berou oor hul dade nie en tree op maniere op wat geen respek vir ander toon nie, insluitend leuens, bedrog, manipulering en die manier waarop hulle mense behandel en aanspreek.
Die oorlog in Oekraïne was glo net ’n “spesiale militêre operasie”. Hoe glo enige regdenkende mens die stelling dat dit net ’n “spesiale militêre operasie” was en steeds is?
Dieselfde geld vir die gewapende konflik tussen Israel en die Hamas-geleide Palestynse militante groepe wat sedert 7 Oktober 2023 in die Gasastrook en Israel woed.
Dis die vyfde oorlog sedert 2008 in die Gasa-Israel-konflik, en die belangrikste militêre betrokkenheid in die streek sedert die Jom Kippoer-oorlog in 1973.
Waar gaan dit eindig? Dit is gebeure soos dié wat ’n mens ontnugter en uit jou veilige kokon ruk. Wie en wat is volgende aan die beurt?
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Dit sou gaaf wees as ons meer aangetekende geskiedenis van die Homo sapiens se doen en late tot ons beskikking gehad het as net ’n paar duisend jaar se gegewens.
Die mens se meer onlangse aangetekende geskiedenis is deurspek met onblusbare veglus, die drang om meer te besit, maglus en brutale onmenslikheid gemeng met manipulasie en breinspoeling.
Die redes vir die Homo sapien se gedrag is legio. ’n Hele paar duisend doktorale proefskrifte wat die gedrag probeer ontleed het, se pogings is daadwerklik nutteloos.
Indien die brawe mans en vroue wat derduisende ure bestee het om aan en in die mens se misterieuse brein te delf, suksesvol was, sou die planeet tans sekerlik ’n beter plek wees.
Daar is geen droë of nat stukkie aarde op ons planeet wat nie bloedige konflik vrygespring het nie.
Dié tipe gedrag het nie begin en geëindig waar een of ander obskure leier besluit het om sy bure of een of ander nasie ’n paar duisend kilometer ver gevange te neem nie.
Dit was en is nog steeds inherent deel van die mensdom om mekaar goedsmoeds aan te val. Die oseane van Moeder Aarde dra ook die letsels van oorloë en seerowery op haar seebodem.
Die oorloglustiges kan sekerlik mal, van lotjie getik asook psigopate genoem word.
Wat egter duidelik is, is dat psigopate totaal en al oor geen empatie, simpatie, maatskaplike verantwoordelikheid of gewete beskik nie.
Oorlogsmisdade sluit ’n breëspektrum van dade in wat ’n paar bundels op sy eie sal verg.
Raar maar waar. Die soort mense kry jy vandag nog in verskillende grade en vorms in die samelewing waar hulle in die werkplek, tuis, in skole, geloofsgroepe, bendes, korporatiewe wêreld, politieke partye en enige moontlik vlak bedrywig is.
Die goed verskuilde sosiopate is ewe bedrywig met hul slinkse aktiwiteite. Hulle het geen agting vir ’n ander persoon se emosies, regte of ervarings nie. Hulle het geen berou oor hul dade nie en tree op maniere op wat geen respek vir ander toon nie, insluitend leuens, bedrog, manipulering en die manier waarop hulle mense behandel en aanspreek.
Die oorlog in Oekraïne was glo net ’n “spesiale militêre operasie”. Hoe glo enige regdenkende mens die stelling dat dit net ’n “spesiale militêre operasie” was en steeds is?
Dieselfde geld vir die gewapende konflik tussen Israel en die Hamas-geleide Palestynse militante groepe wat sedert 7 Oktober 2023 in die Gasastrook en Israel woed.
Dis die vyfde oorlog sedert 2008 in die Gasa-Israel-konflik, en die belangrikste militêre betrokkenheid in die streek sedert die Jom Kippoer-oorlog in 1973.
Waar gaan dit eindig? Dit is gebeure soos dié wat ’n mens ontnugter en uit jou veilige kokon ruk. Wie en wat is volgende aan die beurt?
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie