Prys die Here

“Dit is lente,” sê my man langs my terwyl ek die rekenaar aanskakel en hy die datum opmerk. En hy is reg – al voel dit hier in Windhoek al omtrent ’n maand lank soos lente. September is amptelik lente.Enigiemand wat in die Afrikaanse kerkkultuur grootgeword het, behoort bekend met die lied “Loof hom met die tromme” te wees. Psalm 150:6 gee glo redelik oorsprong aan die lied – dit sê: “Laat alles wat asem het die Here loof, Halleluja!”Die afgelope naweek het ons as gesin ’n “grief retreat” bygewoon wat deur Ronel en Sybrand de Beer en hulle Legacy of Love Trust aangebied is. Die idee was aanvanklik vreemd vir my, omdat ek maar lugtig vir groepies is wat bymekaarkom om vir hulself jammer te voel. Dit was glad nie so ’n tipe geleentheid nie. Ons het die Here geprys en opvoeding ontvang oor wat die rouproses behels, die verskillende aspekte daarvan en ons het gesit met ons rou. Gedink en gevoel wat ons nog graag vir ons vermiste familielid sou wou sê as ons die kans daarvoor sou kry.Ons het die een lied gesing – “Praise” – deur Elevation Worship. Dié het by my vasgesteek. Dit voel vir my asof ons maklik sing van loof en prys aan die Here, maar dit is nie ’n aktiewe gebruik in die Afrikaanse kultuur om as deel van ons alledaagse lewe die Here te loof en prys nie.Die spesifieke lied begin met – “let everything that has breath praise the lord”. Laat alles wat asem het die Here loof. Julle is verder welkom om die lied op te soek, dit is pragtig, maar ek gaan vir alle praktiese doeleindes nou met die Afrikaans vertaalde lirieke hier voortgaan:“Ek sal loof in die vallei, loof op die berg. Ek sal loof wanneer ek sekerheid het, en loof wanneer ek twyfel.Ek sal loof wanneer ek in die minderheid is. Ek sal loof wanneer ek omring is. Want lofprysing is die water waarin my vyande verdrink. Solank as wat ek asem haal het ek rede om die Here te loof en te prys.Ek sal loof wanneer ek dit voel en loof wanneer ek dit nie voel nie. Ek loof want ek weet U is steeds in beheer.Want my lof is ’n wapen, dis meer as ’n klank. My lof is die roep wat die mure van Jericho laat val. Solank as wat ek asem haal, het ek rede om die Here te loof en te prys.Ek sal nie stil wees nie, my God is lewendig. Hoe sou ek dit kon inhou? Loof die Here o my siel.Ek loof want U is soewerein, ek loof want u regeer, ek loof want u het opgestaan en die graf oorwin. Ek loof omdat u getrou is, ek loof omdat u lojaal is, ek loof omdat daar niemand is wat groter as u is nie. Ek sal die here loof, o my siel.”Geïnspireerd wil ek graag verder saamdig: Ek sal prys want dis lente, prys want dis warm. Ek sal prys in my verlies en prys vir al my kinders se lewens. Solank as wat ek asemhaal, wil ek die Here loof en prys.Met liefde, van Wiesie.– Gasskrywerlane.lwenhold@gmail.com* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Prys die Here

Kommentaar

Republikein 2026-09-02

Meld asseblief aan om kommentaar te lewer

Prys die Here

Kommentaar

Republikein 2026-09-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.