Politiek + polemiek = Politrieks

Nou ja, stenig my rus-rus, want waar kry jy ’n woord soos politrieksStenig my verder want ek wou eintlik verwys na “pokkerasie” – my sagter woord sonder my geliefde ”f”.My pen was gereed om te gly oor “lag-anoreksie”, want wragtig ons makeer meer lag.Arme gesig is stram van stres; maagspiere taaier as volstruisbiltong. . . want ons lag te MIN.Maar toe hoor ek ’n donkie voor my deur en wragtig daar sit Sanet, Suide-meisie trots penorent. Ek klim op met suikerwater om vir Dino krag in te gaan jaag.Ja, dit was ’n mini-oorlog oor hoe African/Namibians moet lyk. Eto, my minse, besef julle hoeveel Italiaanse vanne is in Rehoboth sonder dat ene sy tate met ’n oog gesien het of ’n enkele woord Italiaans kan spreek.Dis wat Namibië-mengelmoes so warm en smaaklik maak. Amae, en moenie nog van die Suide praat nie, daar is ons egte growwe sout. Ek was slaggereed, met my kettie en rivierklippe op die Suide-donkie-lift, om parlementshuis se ruite uit te skiet oor daai N$100-pensioenarisverhoging… liefen lofen madam president, dis dan net drie blikkies Mama’s-sardyne (sonder brood), om te wat? Maar so verdamp die parlementkragwater as buitelandse nuus in Amerika en die Middel-Ooste inkom. Onse politiek raak toe opslag spookasem vergeleke met Blondie en sy “ducklings-all-in-a row” .Die ene daag groter perre uit en daai perre is niks lui nie, dis nog net bomme wat vlieg.Die armige “influencers” en “slay queens” in Dubai is in ’n papte met pruik en al. Tans dink mense in die Middel-Ooste net aan veiligheid. Ek los toe alles; vir Sanet op die donkie, vir Dino verstrengel in spaghetti sonder sous en my N$100-klag, want skielik is ons probleem ’n ligte poepie teen die wind. In die Wes-Kaap, wat ek as paradys gesien het, is dit net so morsig. Die rassehaat is soos ’n septiese wond; jy wil dit nie sien nie maar jy ruik die stank. Nog erger is die tribalisme tussen die bruin volk. Dit gaan my verstand te bowe dat mense steeds huil oor Jan van Riebeeck se oop gulp en Krotoa se geskeurde bloemer. Mensig! Die lewe gaan voort. Hulle is dood, opgevrot, self Saartjie Baartman. Ek self het Khoisan-bloed, maar die persentasie is onbekend, so hoekom baklei en tyd mors. Terwyl die bruin volk kragte meet, staan wittes bymekaar, swartes bymekaar en die grens is grensloos soos Afrika-immigrante instroom. En Cyril wil so graag in die Middel-Ooste-oorlog moewie wees. Hoe help jy doerie kant as jou eie werf kreun in puin? Hoe liewe Cyril, hoe?Dis die wiskunde van politiek en polemiek. Dit klop nimmer ooit. Terloops, so gerieflik dat die bommery begin op die vooraand van Epstein se laundry.Word alles nou “ingeseep, ge-albex, ge-tie-dye”? Hoe toevallig dat die oorlog ons aandag wegswaai…. Sekerlik deel van die politiek-polemiek-poppekas.Tans is almal afkophoenders wat konsentreer op veiligheid en verhoogde pryse, want olie kraai koning onder missiele.My oorle oupa was my die dinge voor met die woorde: “My kind, ek sien ’n swarriggeit vir julle in die nylon-tyd en derde wêreldoorlog.”Die tyd is hier; ons gaan lelik gly in die vervloekte olie.Is dit die begin van die einde?– Gasskrywermachab1964@gmail.com* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Politiek + polemiek = Politrieks

Kommentaar

Republikein 2026-03-26

Meld asseblief aan om kommentaar te lewer

Politiek + polemiek = Politrieks

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.