Oud maar nog nie koud

“When I am an old woman, I shall wear purple with a red hat that doesn’t go, and doesn’t suit me. And I shall spend my pension on brandy and summer gloves and satin sandals, and say we’ve got no money for butter.”’n Tydjie gelede het die Amerikaners die blink gedagte gehad om deur ’n landswye opname vas te stel wat hul landgenote se gunsteling gedig of lirieke is. Die liedjie of gedig moes oor oudword handel en bogenoemde is as wenner aangewys.Vir die skrywer is dit moeilik om op ’n jeugdige ouderdom oor silwerjariges te skryf, maar aan die hand van familielede en kennisse is daar genoeg voorbeelde vir wat in die toekoms wag.Die eerste ding wat opkom as ’n mens dink aan oud, is natuurlik ’n ouma en oupa.Weg is die dae dat alle oumas en oupas geboë met kieries oor die weg kom, net sagte vleisies eet wat nie in die plastiektande kan vassit nie, ruik na Vix en met die eerste sak van die son se strale in die bed klim. Ek ken ’n oupa wat nie omgee om plat op die naat van sy rug met sy kleinseun te speel nie totdat albei later kraai van die lag.’n Tydjie gelede het ek gaan kuier by die J.T. Potgietertehuis vir Bejaardes in Windhoek en hier’s nou ’n goeie voorbeeld van oues van dae wat oudword vat soos dit kom.As daar nie hare gedoen word nie, word ge-’gym’ of uit volle bors koor gesing dat die geklingel van messe en vurke in die kombuis verdof. Om nie te praat van konfytblikke wat omgetower word in koffiebekers nie.Iets wat altyd sal bybly, is die vinnige kuiertjie by die oudste vrou in die tehuis. Toe die fotograaf nader staan vir ’n foto, laat weet sy uit haar hospitaalbed: “Ag my hartjie, ek is nie eintlik fotogenies nie!”Saam met die oudword kom die vergeet ok by (hoewel ouderdom nie altyd iets daarmee te doen het nie!). Soos die staaltjie van ouma wat in die middel van die nag wakker word van ’n groot behoefte. Die gang of die kleinkamertjie se ligte word nie aangeskakel nie; ouma ken mos die paadjie. Half deur die slaap kry sy haar sit, net om te vind dat oupa so paar ure gelede dieselfde behoefte gehad het en op die troon aan die slaap geraak het!Ná oudword word uitgesien, met satyn handskoene en ’n rooi hoed. In elk geval, ouderdom lê in die gedagtes. – 13 November 1996

Oud maar nog nie koud

Kommentaar

Republikein 2026-11-13

Meld asseblief aan om kommentaar te lewer

Oud maar nog nie koud

Kommentaar

Republikein 2026-11-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.