Oomblikke van goud
“Oor u woord is ek so bly soos iemand wat ’n groot skat in die hande gekry het.”
– Psalm 119:162 (AFR 83)
Die babakamer se muur word geverf.
Pienk en goud.
Saam met my aan die werk, is ’n vriendin wat uit die bloute uit aangebied het om te kom help. Ons ken mekaar nog nie so lank of so goed nie. Maar my hart brand van dankbaarheid oor hierdie buitengewone situasie.
Tydens ons werkery noem sy dat sy dink ’n mens se houding teenoor enige werk wat jy doen, is die deurslaggewende faktor. Of dit nou is om die huis skoon te maak, matte te was of om ’n muur te verf. “Sjoe,” dink ek, “en hier is sy langs my, die lewende voorbeeld daarvan.” Die sessie saam met haar was vir my goud werd.
So ’n tydjie terug het iemand die volgende vers oor my pad gestuur – “Wat julle ook al doen, doen dit van harte soos vir die Here en nie vir mense nie, omdat julle weet dat julle van die Here as beloning sal kry wat Hy belowe het. Christus is die Here in wie se diens julle staan.” – Kol. 3:23-24. (AFR83)
Die gehalte van jou werk is dalk iets wat iemand van jou sal onthou. Maar ek glo, wat iemand die heel meeste van jou en jou werk sal onthou, is die gesindheid waarmee jy dit aangepak het. Veral omdat ’n positiewe, eintlik vrolike en opgewekte gesindheid teenoor werk so skaars is vandag.
Dit mag dalk van toepassing wees op jou 8-tot-5-werk, die werk wat jy doen om ’n inkomste te verdien. Maar meer as dit, hoop ek dit sal betrekking hê op die spesifieke werk wat jy vir die Here doen. Selfs al is dit so eenvoudig soos om daar te wees vir iemand wanneer hulle jou oor, hande, geselskap of teenwoordigheid nodig het.
Maar om te kan hoor waar die Here jou “na-ure” wil aanwend, moet jy tyd maak en tyd hê vir Sy werk. Daar moet ruimte wees in die dagboek en beplanning en daar moet stilte wees om te kan hoor wanneer iemand ’n behoefte het.
Ons is so besig om soos slawe “vir mense” te werk – meestal om hulle guns te probeer wen (sien Kol. 3:22) en allerhande ander dinge, dat die oorvol skedules dikwels nie tyd toelaat om God se werk teenoor ons medemens te kan doen nie.
Soos om na senior burgers om te sien. Aletta van We Care se e-pos het gister deurgekom. Na ’n paar navrae oor die oumas en die oupas in die Potgieter-tehuis wat hulle voorstel ’n mens moet “aanneem”, het ’n hele lys van oumense met werklike behoeftes uitgekom. Aanvullende voeding, doeke, ’n huisie wat lendelam lyk terwyl die betrokke persoon reeds van hulle mede-inwoners se klere vir hulle help was. Hulle het ’n behoefte daar geïdentifiseer en ons (ek en my man) het probeer kyk hoe ons dalk kan help.
My slim man kom toe met die voorstel vorendag dat ons die uitgawe in porsies so klein as moontlik verdeel en soveel as moontlik mense betrek om die bydrae sodoende so klein as moontlik per persoon te hou.
Terloops, ons het nog ’n groep van 10 mense wat ons probeer vul – N$100 per maand vir 12 maande se bydrae – kontak my as julle dalk belangstel om deel te neem, of meer inligting wil hê.
Here, soos in Psalm 119 vers 14 staan – “Om volgens u verordeninge te lewe, gee my meer vreugde as al die rykdom van die wêreld.”
Mag julle week geseënd wees met oomblikke van vreugde en goud, asook met mense se teenwoordigheid wat jou inspireer om met ’n blye hart te werk. Maar spesifiek, om die werk van die Here te doen.
– Gasskrywer
– [email protected]
* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.
– Psalm 119:162 (AFR 83)
Die babakamer se muur word geverf.
Pienk en goud.
Saam met my aan die werk, is ’n vriendin wat uit die bloute uit aangebied het om te kom help. Ons ken mekaar nog nie so lank of so goed nie. Maar my hart brand van dankbaarheid oor hierdie buitengewone situasie.
Tydens ons werkery noem sy dat sy dink ’n mens se houding teenoor enige werk wat jy doen, is die deurslaggewende faktor. Of dit nou is om die huis skoon te maak, matte te was of om ’n muur te verf. “Sjoe,” dink ek, “en hier is sy langs my, die lewende voorbeeld daarvan.” Die sessie saam met haar was vir my goud werd.
So ’n tydjie terug het iemand die volgende vers oor my pad gestuur – “Wat julle ook al doen, doen dit van harte soos vir die Here en nie vir mense nie, omdat julle weet dat julle van die Here as beloning sal kry wat Hy belowe het. Christus is die Here in wie se diens julle staan.” – Kol. 3:23-24. (AFR83)
Die gehalte van jou werk is dalk iets wat iemand van jou sal onthou. Maar ek glo, wat iemand die heel meeste van jou en jou werk sal onthou, is die gesindheid waarmee jy dit aangepak het. Veral omdat ’n positiewe, eintlik vrolike en opgewekte gesindheid teenoor werk so skaars is vandag.
Dit mag dalk van toepassing wees op jou 8-tot-5-werk, die werk wat jy doen om ’n inkomste te verdien. Maar meer as dit, hoop ek dit sal betrekking hê op die spesifieke werk wat jy vir die Here doen. Selfs al is dit so eenvoudig soos om daar te wees vir iemand wanneer hulle jou oor, hande, geselskap of teenwoordigheid nodig het.
Maar om te kan hoor waar die Here jou “na-ure” wil aanwend, moet jy tyd maak en tyd hê vir Sy werk. Daar moet ruimte wees in die dagboek en beplanning en daar moet stilte wees om te kan hoor wanneer iemand ’n behoefte het.
Ons is so besig om soos slawe “vir mense” te werk – meestal om hulle guns te probeer wen (sien Kol. 3:22) en allerhande ander dinge, dat die oorvol skedules dikwels nie tyd toelaat om God se werk teenoor ons medemens te kan doen nie.
Soos om na senior burgers om te sien. Aletta van We Care se e-pos het gister deurgekom. Na ’n paar navrae oor die oumas en die oupas in die Potgieter-tehuis wat hulle voorstel ’n mens moet “aanneem”, het ’n hele lys van oumense met werklike behoeftes uitgekom. Aanvullende voeding, doeke, ’n huisie wat lendelam lyk terwyl die betrokke persoon reeds van hulle mede-inwoners se klere vir hulle help was. Hulle het ’n behoefte daar geïdentifiseer en ons (ek en my man) het probeer kyk hoe ons dalk kan help.
My slim man kom toe met die voorstel vorendag dat ons die uitgawe in porsies so klein as moontlik verdeel en soveel as moontlik mense betrek om die bydrae sodoende so klein as moontlik per persoon te hou.
Terloops, ons het nog ’n groep van 10 mense wat ons probeer vul – N$100 per maand vir 12 maande se bydrae – kontak my as julle dalk belangstel om deel te neem, of meer inligting wil hê.
Here, soos in Psalm 119 vers 14 staan – “Om volgens u verordeninge te lewe, gee my meer vreugde as al die rykdom van die wêreld.”
Mag julle week geseënd wees met oomblikke van vreugde en goud, asook met mense se teenwoordigheid wat jou inspireer om met ’n blye hart te werk. Maar spesifiek, om die werk van die Here te doen.
– Gasskrywer
– [email protected]
* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.
Kommentaar
Republikein
Geen kommentaar is op hierdie artikel gelaat nie