Ons taal
Swaai daai raket!
Al het jy dalk nog nie (soos ek) tot op hede ’n padelraket in jou hande gehad om uit te vind waaroor die bohaai oor dié immergewilde sportsoort gaan nie, hoef jy nie ’n sportentoesias te wees om raak te sien dat padel op almal se lippe (of sosiale media) is nie.
Tydens ’n onlangse Afrikaanse kongres wat ek bygewoon het, hoor ek dat daar glo na ’n padel court (padelbaan) in Afrikaans ook verwys word as ’n “spaanbaan”. Laasgenoemde blyk wel moontlik ’n interne woord te wees wat deur sekere instansies gebruik word.
Padel word beskryf as die sportbaba tussen tennis en muurbal en word hoofsaaklik in spanverband gespeel. Padel se baangrootte, rakette en balle verskil egter van tennis en muurbal s’n en dit alles dra glo by tot dié spel se strategie.
Hoewel padel maar eers die afgelope paar jaar ernstig (hier) toegeneem het in gewildheid, is dit egter al in die 1960’s in Mexiko uitgevind deur Enrique Corcuera – wat ’n muurbalbaan aangepas het en elemente van tennis geïnkorporeer het.
Padel is tans die vinnigste groeiende sportsoort ter wêreld en spog met meer as 25 miljoen spelers in altesaam 110 lande. Dit het in party lande selfs al frustrasie veroorsaak toe padelbane nie vinnig genoeg opgerig kon word nie.
Die Internasionale Padel Federasie hoop om 75 nasionale federasies te kry sodat padel teen die 2032 Somer Olimpiese Spele as sportsoort kan meeding. Dít bied Namibiërs en Suid-Afrikaners dalk ook nuwe hoop op deelname en medaljes . . .
In Engels word padel net op een manier uitgespreek, maar in Afrikaans is daar twee uitsprake – party mense spreek dit uit as “pa’-dil” en ander as “pa-’dêl”. Hoe ook al jy verkies om dié woord te uiter, swaai daai raket en gaan voort met die spel!
Elzeth Harmse
Afrikaansonderwyseres.
[email protected]
Tydens ’n onlangse Afrikaanse kongres wat ek bygewoon het, hoor ek dat daar glo na ’n padel court (padelbaan) in Afrikaans ook verwys word as ’n “spaanbaan”. Laasgenoemde blyk wel moontlik ’n interne woord te wees wat deur sekere instansies gebruik word.
Padel word beskryf as die sportbaba tussen tennis en muurbal en word hoofsaaklik in spanverband gespeel. Padel se baangrootte, rakette en balle verskil egter van tennis en muurbal s’n en dit alles dra glo by tot dié spel se strategie.
Hoewel padel maar eers die afgelope paar jaar ernstig (hier) toegeneem het in gewildheid, is dit egter al in die 1960’s in Mexiko uitgevind deur Enrique Corcuera – wat ’n muurbalbaan aangepas het en elemente van tennis geïnkorporeer het.
Padel is tans die vinnigste groeiende sportsoort ter wêreld en spog met meer as 25 miljoen spelers in altesaam 110 lande. Dit het in party lande selfs al frustrasie veroorsaak toe padelbane nie vinnig genoeg opgerig kon word nie.
Die Internasionale Padel Federasie hoop om 75 nasionale federasies te kry sodat padel teen die 2032 Somer Olimpiese Spele as sportsoort kan meeding. Dít bied Namibiërs en Suid-Afrikaners dalk ook nuwe hoop op deelname en medaljes . . .
In Engels word padel net op een manier uitgespreek, maar in Afrikaans is daar twee uitsprake – party mense spreek dit uit as “pa’-dil” en ander as “pa-’dêl”. Hoe ook al jy verkies om dié woord te uiter, swaai daai raket en gaan voort met die spel!
Elzeth Harmse
Afrikaansonderwyseres.
[email protected]
Kommentaar
Republikein
Geen kommentaar is op hierdie artikel gelaat nie