Ons taal

Modes herhaal hulself elke paar jaar, hoewel een mode met ’n geknal weer vinnig sy verskyning gemaak het – Crocs-skoene.Sommige is gaande oor Crocs en ander beweer hul sal dit nooit besit nie. Die groot vraag is egter hóé dit weer skielik so gewild geword het? Dis eenvoudig: Jibbitz.Jibbitz, wat ’n geregistreerde handelsnaam is en dus só in Afrikaans erken en gebruik word, is die klein goetertjies/versierings wat in Crocs se ventilasiegaatjies pas.Tot onlangs nog was die Pandora-armbande se versierings (charms) hoogmode en ’n manier om dit waarvan jy hou aan jou arm uit te beeld – oftewel jou hart op jou mou te dra.Nou pronk jou persoonlikheid, belangstellings, stokperdjies en voorkeure letterlik aan jou voete. Tieners veral is in groot kompetisie met mekaar en die opwinding bruis telkens wanneer daar met nuwe jibbitz te koop geloop en spog word.Dié neiging laat my dink aan die speletjies en kompetisies met albasters/ghoens van ouds. In plaas van albasters is dit nou jibbitz wat uitgeruil en/of verkoop en ongelukkig selfs soms gegaps word.’n Ruk gelede lees ek ’n internetgrappie waarmee ek kan vereenselwig: “Ek het al baie swak besluite in my lewe geneem, maar ek het ten minste nog nooit Crocs aangeskaf nie!”Gelukkig verskil smaak, nè? So trek gerus jou stoute skoene aan (waag dit), staan vas in jou skoene (moenie anders oortuig word of van opinie verander nie), maar ék wil allermins in hierdie skoene stap!Elzeth HarmseAfrikaansonderwyseres elzeth25@gmail.com* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Ons taal

Kommentaar

Republikein 2026-10-21

Meld asseblief aan om kommentaar te lewer

Ons taal

Kommentaar

Republikein 2026-10-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.