ONS TAAL

Sosiale media kan ook baie leersaam weesVanweë my liefde vir tale, volg ek graag Instagram-rekeninge wat oor taalaspekte gaan.Byvoorbeeld VivA, Afrikaans.com, LitNet, Taalgenoot, Suid-Afrikaanse Akademie vir Wetenskap en Kuns, Zuid-Afrikahuis in Amsterdam, Idees Vol Vrees en verskeie Instagramdigters. Op hierdie rekeninge vind ek nie net bruikbare hulpbronne vir my en my studente nie, maar leer ek ook daagliks iets nuuts! Ek leer selfs gereeld nuwe woorde of taalreëls van my moedertaal.Verder volg ek ook “Wortschatz German” waar hul daagliks hul ‘Woord van die dag’ deel met die betekenisse van elke woord. ’n Ander rekening wat ek onlangs begin volg het, “Your Dutch Friend”, het ook al vele genot en nuwe kennis verskaf. ’n Voordeel van sosiale media is dat mens nie net die woorde lees nie, maar in die video’s ook kan hoor hoe moedertaalsprekers van daardie taal die woorde uitspreek.Verlede week het ek in hierdie einste Nederlandse video’s ’n woord gehoor wat vir my baie oulik is. Sy het die woord “nagenieten” verduidelik en gevra dat die volgelinge die ekwivalente daarvan in hul onderskeie moedertale in die kommentaarblokkie deel. Dit het my dadelik laat wonder wat is die ekwivalent daarvan in Afrikaans. Alhoewel ons nie die woord gebruik nie, kan mens byna dadelik die betekenis aflei omdat ons wel die woord “geniet” gebruik.“Nagenieten” beteken basies om iets wat reeds verby is, steeds ná die tyd te geniet. In Engels vertaal dit na “reminiscing”, wat vir my heeltemal sin maak omdat “reminiscing” beteken om ’n genotvolle herinnering van vorige gebeure te geniet. In Afrikaans vertaal dit egter net na onthou/herinnering. Maar dit voel egter nie vir my heel gepas nie. Die woord ‘herinnering’ is te vaag in hierdie opsig en kan ook dui op slegte herinneringe, terwyl “nagenieten” juis klem plaas op goeie en genotvolle herinneringe.Afrikaans is juis bekend vir sy beskrywende nuutskeppings. Dalk kan ons hier ook ’n nuwe woord skep – miskien iets soos onthougenot.Nicolette SteynAfrikaansdosent by die Universiteit van Namibië.nsteyn@unam.na

ONS TAAL

Kommentaar

Republikein 2026-05-05

Meld asseblief aan om kommentaar te lewer

ONS TAAL

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.