Ons taal

’n Rukkie gelede het ’n groep taalkundiges verbonde aan die departemente Afrikaans aan Suid-Afrikaanse universiteite by die Buro van die Woordeboek van die Afrikaanse Taal (WAT) in Stellenbosch vergader om oor ’n nuwe, omvattende navorsingsprojek te besin. Die projek se naam is ProVARIA, en die doel is om oor die volgende twintig jaar die volledige versameling variëteite van Afrikaans op te teken en taalkundig te beskryf. Prof. Wannie Carstens, professor emeritus in Afrikaans aan die Noordwes-Universiteit en bekende taalkundige, staan aan die stuur van hierdie ambisieuse projek. Tydens die eerste vergadering is ooreengekom dat die beskrywing van alle variëteite binne een raamwerk gedoen behoort te word. Die ontwikkeling van hierdie raamwerk is tans aan die gang, en sodra dit afgehandel is, sal die eintlike werk begin. Die projek behoort ruimte te bied vir ’n hele aantal meesters- en doktorale studies in die sosiolinguistiek. In Namibië is nog nie baie navorsing oor die variëteite van Afrikaans gedoen nie, en die navorsing wat wel bestaan, is redelik verouderd. Hoewel akademici van die Universiteit van Namibië (Unam) nie by die vergadering in Stellenbosch teenwoordig kon wees nie, word Namibië by die projek ingesluit en is Unam een van die vennote. Volgens dr. Phillip Louw, hoofredakteur en hoof uitvoerende beampte by die Buro van die WAT, is dit ondenkbaar dat Namibië nié by so ’n projek betrek word nie. Daar lê opwindende werk voor!Prof. Herman BeyerVakgroep AfrikaansUniversiteit van Namibiëhbeyer@unam.na

Ons taal

Kommentaar

Republikein 2026-06-19

Meld asseblief aan om kommentaar te lewer

Ons taal

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.