Ons taal

Herman het verlede week die kollig laat val op dié besondere geleentheid vir en in Afrikaans – die PVATN-kongres!Dit was voorwaar ’n Afrikaanse hoogtepuntweek. Te veel het gebeur om aan alles hier reg te laat geskied. Beslis kan ons na die week sê: Afrikaans blom in Namibië.Die uitgewery, Lapa, die mooiste akroniem in Afrikaans, het vir Nadine Petrick en Hannes Barnard gestuur om Tinteltong-Afrikaans te deel in ons dor land. Lapa staan mos vir “Lees Afrikaans, praat Afrikaans”. Die twéé het by die PVATN-kongres vir die onderwysers kom leer oor kreatiwiteit, skryf, lees, woordeskat en wonderlike boeke vir skoliere. Hulle het verskeie skole besoek en leerders in Afrikaans geïnspireer oor skryf en lees in hulle moedertaal. Hannes Barnard, skrywer van Wolk en Roet (jeugliteratuur) en die vars speurspanningsroman, Die wet van Gauteng, het tinteltong gepraat oor SKRYF. Nadine en Hannes is van Maandag af by skole aan die kus.’n Waterskeidingsgeleentheid was die paneelbespreking gelei deur dr. Gerda Odendaal by WAP. Sy het saam met belangrike rolspelers besin oor die herstandaardisering van Afrikaans in Suid-Afrika en Namibië.Hierdie gebeurtenis maak die pad vir Namibië oop om sy eiesoortige Afrikaans in die spel te bring. Ons het ’n ryke Afrikaanse eg-Namibiese taalskat en uitdrukkingskat, onbekend in Suid-Afrika en in baie Afrikaanse woordeboeke.Ja! Namibiese Afrikaans is ’n spesiale Afrikaans waaroor ons met reg diep dankbaar kan wees.Lees Afrikaans, praat Afrikaans – veral in Namibië!Dr. Nicoline WoestVakgroep Afrikaans* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Ons taal

Kommentaar

Republikein 2025-08-04

Meld asseblief aan om kommentaar te lewer

Ons taal

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie